مرحبا
انا باختصار عندي ولد من زواج سابق وماشالله ولدي كبير الان...وانا حاليا بمنتصف الثلاثينات وتوني متزوجه للمره الثانيه وزوجي طبعا يبغى طفل...
بس انا مره مالي نفس في الخلفه لاسباب كثيره..
منها اني اتعودت سنين طويله بدون اطفال ونسيت كيف يسوون بالنونو تمامااا وماني قادره اتخيل يجيني طفل ويزعجني وينكد نومي وانا من النوع اللي نفسيتي مره تتعب اذا مانمت كويس...اذكر كيف كان ولدي يتعبني وماينومني كنت ابكي بكى من التعب..
والاهم من كذا اني عندي رعب من الحمل والولاده خصوصا وانا في عمري هذا احس مره راح اتعب ولاني قادره انسى الم الولاده حاسه اني ماني قد الموضوع هذا كله...
في نفس الوقت افكر انه هذه فرصتي الاخيره في الحمل لانه في الاربعين اتوقع مره صعب الحمل ويمكن مستحيل...
لاتقولون عني مدلعه ترى والله مو دلع بس فعلا خااايفه بشكل مو طبيعي من هذ الموضوع من جهة الولاده والامها ومن جهة مسؤلية البيبي وتربيته...
ابغاكم تشجعوني وتحببوني في الموضوع يمكن نفسي تنفتح واحمل وانا مبسوطه...
ولا تقولولي اخذ ابرة الظهر لانه اسفل ظهري يألمني بشكل فظيع من بعد ولادتي بولدي والابره تسبب الاام بالظهر..
شاركي في النقاش
سجلي الدخول لإضافة تعليق.
التعليقات
28- الله يسهلك
- وين الباقيين
- انا زيك مرعوبه من الحمل لان عندي اجهاض وخووووف بس وكلت امري لله هو الحافظ وكل اللي قلتيه من تعب كل الحريم يمرون فيه وغريبه ماتبين اخو ولااخت لولدك وخاصه انه زواج جديد احملي اقوووول والله راح تندمين وبكره اذا شفتي عيالك حولك راح يكون لك احساس غير
- بكرة النهار تحتاجي لاولادك حوليكي وتقولي ياليييييييت خلفت وزوجك من حقه اذا يبغى
وبعدين مافي شي بالهين كلنا تعب وسهر والحمدلله ع كل حال
الاطفال نعمة وزينة الحياة - دامك ماتبين ليه تزوجتي
شي طبيعي ان الزواج يجي بعد حمل اكيد الزوج يبي عيال
اسبابك مش مقنعه ومش منطقيه لان اللي مريتي فيه كل الامهات مروا فيه
والحمدلله جبنا الاول والثاني والثالث وفي حريم خلفوا سبعه
....
مواضيع مشابهة
تابعي تجارب أخرى من هذا القسم.