لقاء الأحبة---تتمه---

مهى..

أنا بحترم خبرتك كونك ربيتي أكثر من ولد ..

بس بصراحة فاجأتيني لما قلتي((هو احنا مخلفين ولاد نعذبهم والا ندللهم ونربيهم ليواجهوا الحياة ؟؟))

أنا بالنسبة إلي شايفة أسلوب التربية اللي متبعتيه مع أولادك فيه دلال زياااااااادة عن اللزوم..

العقاب حبيبتي للطفل كمان بيعلمه أشياء معينة طبعا في أنواع كتير من العقاب وأنا مش قصدي العقاب

الجسدي..يعني العقاب اللي متبعته canada2004 أنا بشوف كتير إله نتائج فعالة..وشفت ناس كتير بيستعملوه..

ومن ميزاته إنه ما بيجرح كبرياء الطفل وبيساعده يفهم شو معنى الغلط.. والتايم آوت اللي بياخذه

بيخليه يعيد نظر بالتصرف اللي عمله.. وبس يكبر المحروس شوي بتوقع إنو هادا أنسب شي ممكن

ألجأله وقت الضرورة طبعا..لأنو إحنا مش سفاحات بس بنحب نربي ولادنا بطريقة تخلينا مانندم إنو

تركناهم يخربو وهم صغار.!!

هادا الزمن حبيباتي زمن صعب كتير.. بده رجال.. وسيدات عندهم مواقف.. وأتوقع لازم يطلعو قد الحمل!

كلنا بنحب ولادنا ومافي أم ما بتدلل ولادها بس مو لهالدرجة.. لازم يكون في ترغيب وترهيب عشان

ما يطلعو جيل مايص ودلوع.. بصراحة ما بتخيل إنو هادا الأسلوب ما إله سيئات..!!

هادا طبعا رأيي الشخصي..

إنتي ما بتعاني من مشكلة مع أولادك بسبب الدلال الزايد؟؟ .. فيدينا الله يخليكي .. كلنا هون بنتعلم من بعض..

اميره انتي كنت من المقيمات الدائمات في مصلى ال phترى هالمكان اشهر من النار على العلم
و الا وين كنتي
انا ما كان عنا فراغ يعني كل 5 ساعات مع بعض بمستشفى الملك عبدالله او 3 ايام بالمدينه الطبيه
بس اكيد شايفين بعض

قلنا انسلم
واهلين اميرتي لين
ونا حماتي من الخليل
يالله مين يزود


بالنسبة للتعامل مع الصغار انا الحين عضوة في الالنادي العالمي للأمهات moms club
على شان فية بيني وبين تربية الأولاد تار قديم يمكن من اصل التربية الي كان العنف فيها اله دور ( ضحية العنف اهئ اهئ

لذلك انا بحاول بس الله يعيني على الولد والبنت الي حيلتي بس بصراحه انا عنيفة معاهم
والله يخليلهم ابوهه الي هو اوعى منى في هاي المسائل

أنا يا بنيتي كمان ما كان عندي وقت كنت متأخرة عن دفعتي فصل عشان مشاكل السفر للسعودية .. وكنت كتير مضغوطة بالمواد.. والمختبرات عن جنبه .. كنت أصلي بالمصلى تبع الPH بس كتير مرات بال 3N عند الجمعية فوق
كنت أغلب صاحباتي صيدلةعشان هيك كنتي تلاقيني بسكوير الصيدلة عند العمادة ونقعد هناك ساعة الفراغ هاي إذا في ساعة..! بس بآخر فصل لدفعتي كانت قعدتنا بال PH عند لابات البيو.. كنت كتير كئيبة عشان حيتخرجو وأنا لأ..أنا من دفعة 97

بس إلا ما أكون شايفتك.. ما أنا خللت بالتكنو..! 5 سنين..

اميره لا حبيبتي ما حطيت صورتي بكتاب التخرج