شاركي في النقاش

سجلي الدخول لإضافة تعليق.

التعليقات

27
  1. حبيبتي اول شي أهتمي بأكلهم خليه كله صحي


    في الصباح بعد الفجر 7 حبات تمر اي نوع +7 حبات حبه سوداء+ نص كاس ماءدوبي في ملعقه عسل أسود + كاسه عصير برتقال طازج

    حاولي يكون البرتقال منوفر ولو ماتوفر بيوم أو يومين فقط عصير البرتقال شركة المراعي بس لاتاخدين عصير لأي شركه ثانيه لانه المراعي بدون سكريات

    مع الغداء أكليهم زبادي عليه شوية زيت زيتون وملعقه صغيره زعتر أخضر وسلطه خضراء مهمه

    قبل النوم في الليل كاسه حليب ساخن أو حليب المراعي أخلطي معاه 3 حبات لوز اللي لونه بني

    حاولي تكثرين لهم السمك مثلا يكون السمك مرتين أو 3 في الأسبوع ولو ماتوفر بداله تونه

    أهم شي تفريش الأسنان مرتين باليوم ولبنتك اللي عمرها عشر سنوات علميها تستخدم الخيط تبع الأسنان من الصيدليه

    ترطيب الجسم بلوشن للأطفال بعد كل استحمام ومنتجات سيباميد مره كويسه من تجربة أختي لبنتها وكمان خالتي من يوم ولدت بنتها وهيا مستمره ع سيباميد

    لبس الشراب طوال اليوم وترطيب الرجل و اليد بعد كل وضوء بجلوسليد الأحمر الثقيل

    الليفه مع الأستحمام يوميا خدي ليفة بودي شوب المدوره اللي ملفوفه كأنها خيوط مجمعه ان شاء الله تكوني فهمتي يها

    أهم سي علميهم تجفيف المنطقه الحساسه بعد كل مره يدخلو فيها الحمام الله يكرمك بعدها يدهنو المنطقه بكريم سودو حق الأطفال من الصيدليه ( خصصي لهم مناشف صغيره كل يوم

    يستخدمو منشفه حتى لو كنتي برا البيت بنتك خدي لها شنطه تحط داخلها أي غرض هيا تبيه و منشفه صغيره لو دخلت

    الحمام تجفف فيها كمان الأولاد نفس الشي *)

    دهني شعرها مرتين او 3 بالأسبوع ( قوليلي نوع شعرها وبعطيكي وصفة زيت يناسبها )

    قص الأظافر كل يوم خميس اقتداء بالرسول عليه الصلاة والسلام

    بنتك دهني جسمها و وجها بزيت زيتون مسحات خفيفه يعني لاتغرينها بالزيت المهم دهني بحركات دائريه كل يوم قبل

    النوم ولمن تصحى تتروش لاتطلع بالشمس وعليها الزيت كدا بتسمر ( فترة البلوغ ماراح يطلع بجسمها شعر كثير بيكون

    مرررره خفيف وبيكون جسمها مشدود ولو متنت أو نحفت مع مرور السنين مابيطلع لها تشققات يعني خطوط حمراء

    خففي لهم من الشوكلاته و أمنعيهم من القهوه والشاي والخرابيط هدي كل مايكونو جوعانين أكليهم فواكهه و جزر وشاي

    نعناع مره كويس لهم

    وخدي لهم مرطب لابيلو من الصيدليه بالفراوله يخلي الشفايف ورررديه ويجلس فتره طويله بكل وقت سوي لهم منه كمان خليه بشنطة بنتك لمن تخرج وللأولاد لابيلو بي الأزرق ومن جوا لونه ابيض مافي لون يعني شفاف مجرد ترطيب بس
    أشتري كحل أثمد الأصلي لونه بني فاااتح والتقليد أسود المهم أكحلي عيونهم في كل يوم وبأي وقت عادي مايضر بالعكس مفيد يكثر الرموش ويطولها ويقوي النظر ويوسع العين يعني تكون كبيره

    علميهم الجلسه الصحيحه يكون الظهر مستقيم بأي وقت يكونو جالسين حتى في السياره أو ع اللاب و الكمبيوتر


    علميهم الرياضه الخفيفه لعمرهم زي التمارين البسيطه و السباحه ولو عندك مكان في البيت أشتري لهم داراجه يلعبو فيها كمان هادي تعتبر رياضه مفيده حتى للبنت

    فيها تحريك الجسم كله كمان منطقة الفخد بتكون مشدوده ( لقول الرسول عليه الصلاة و السلام علمو أولادكم السباحه و الرمايه وركوب الخيل )

    كمان خليهم يختارو ملابسهم بنفسهم مع مساعدتك لهم طبعا عشان دوقهم يطلع حلو ويكونو واثقين من نفسهم ويعتمدو ع نفسهم حتى لو في البيت

    كمان البنت سوي لها مناكير كل بعد فتره علميها كيف تشيك نفسها

    و الاهم من هدا كله عليمهم الصلاه و الأدكار في الصباح و الليل و التحصين بعد صلاة المغرب و الفجر و وقت الخروج

    من البيت لاي مكان حتى لو البقاله و السوبر ماركت وبعد صلاة الفجر قراءة سورة الواقعه لانها تمنع الفقر وسورة الملك

    تقي من عداب جهنم و جيبي لهم خاتم التسبيح أكيد تعرفينه خليه بيدهم عشان يتعلمو الأستغفار من صغرهم طول الوقت يستغفرو و شجعيهم ع أي شي في خير لهم


    بس هدا اللي عندي وانتي كمان أمشي معاهم ع نفس النظام عشان يتشجعون ومايملون وبتطلعين قمر

    النتايج راح تبان بسرعه مع الاستمرار يعني خليه روتينكم اليومي

    التمر والعسل الأسود يمنع فقر الدم ويصفي الدم والبشره بتكون نسبة الحديد في الدم كامله

    عصير البرتقال يوجد بداخله فيتامين سي طبيعي ومفيد بتوحيد لون البشره و الجسم

    السلطه الخضراء مرررره مفيد لتصفية الشره وللدم و الشعر

    شاي نعناع يمنع الغازات بالبطن ومفيد للكحه والصدر ويروق المزاج يعني لو كنتي متوتره او معصبه يخليكي مروقه ومزاجك مره أوكي

    الحليب و الزبادي كله كالسيوم

    الجزر يوجد في فيتامين أ ومفيد للبشره و للنظر يعني لو عندك ضعف بالنظر يقويه ويرجع نظرك تستغني عن النظاره كمان في كالسيوم

    صدقني الروتين كله سهل بس حاولي و لاتتكاسلي وربي راح تتفاجئي من النتايج ماحتصدقي راح يتغيرو ميه وثمانين درجه وانتي معاهم ..

    أي شي تبينه من عنوني ..
  2. @lhn_alaabyr

    كلامك رائع يا حلاتي
    الله يعلي ايامك

    طيب اغصبهم على العسل الاسود و الزعتر ما يحبوهم

    نفسي يتعودو على الاطعمه المفيده

تابعي تجارب أخرى من هذا القسم.