شاركي في النقاش

سجلي الدخول لإضافة تعليق.

التعليقات

35
  1. @sarooona

    بنت شيخ الجبل
    لااله الا الله ...ماشاء الله تبارك الله ...الله يحفظه ويطول عمره في طاعته وجزاك الله كل خير انك كتبتي تجربه مرت بابوك ياليت تقلين وش لون المر وكيف نعرف ان هذا اصلي او لا لان فيه فاتح يشبه البان وفيه بني غامق الله يعطيك العافيه
    الله يسلمج اختي و يبارك فيج

    اختي انا خذيت المره من عطار يمني و سبحان الله العطارين اليمنيين اغلبهم نصوحين و ما يغشون

    انا خذيتها منه يقول لي جديدة وحتي واضح عليها لونها بني على شقار و نظيفة ما تحسين انها مغبرة و قديمة يعني تلمع جديدة

    والطريقة استخدمناها لان اختي استعملت نقوعها بقطنة علي الاكزيما اللي طلعت بجسمها و ما فادتها أدوية الاطباء شهور و هي تعالج وباسبوع راحت الاكزيما بعد استخدامها المره علشان جذي قلنا نجربها علي اصبع الوالد الله يخليه يارب و طحناها و بثرناها علي المكان المصاب و كل يوم نشييك عليه طبعا بعد الوضوء يروح منها شوي نجفف المكان و نزيد المره المطحونه عليها و نلفها بشاش وقت النوم بس اذا قام الصبح نفك الشاش

    و نسيت اقول شي، بعد ما شفا الوالد سمعنا عن مرأة عندها علاج للغرغرينا و من ضمن خلطتها المرة، ويمكن يكون هي علاجها اسرع والله اعلم لكن انا ذكرت لج تجربتي مع الوالد و إحنا سويناها جذي بدون ما نستشير احد والحمد الله فادت معاه

    والحمد الله اسبوع ولا الأصبع طاب و كان بعد يشرب نقوعها و الحمدالله يارب
  2. SAROOONA
    الله يسلمج اختي و يبارك فيج اختي انا خذيت المره من عطار يمني و سبحان الله العطارين اليمنيين اغلبهم نصوحين و ما يغشون انا خذيتها منه يقول لي جديدة وحتي واضح عليها لونها بني على شقار و نظيفة ما تحسين انها مغبرة و قديمة يعني تلمع جديدة و…
    الله يشفيه و يكتب له و لكم الاجر

    خليكم جنبه و راعوا نفسيته احتمال كبير كل اللي يصير معه علشان نفسيته تعبانه و من فكرة انه ممكن تُبتر رجله .. باختصار بقولك نصيحتي :
    هي رجله تعبانه تعبانه و كذا كذا بيقررون البتر فنصيحه خلوا البتر اخر علاج اذا ما نفع شي جربوا الطب البديل لعل و عسى يكتب له ربي شفاء .. لانه اش اكبر ضرر ممكن يحصل في الخلطات ؟؟ مهما كان بيكون البتر اقوى
    فجربوا معه الخلطات ذي اسم انه طرقتوا كل باب قدامه علشان يرتاح لو شوي او حتى يفقد الامل فيه .. و ريحتوا ضميركم قدامه و قدام الله
    المهم فيه خلطة كثير اقرأ عنها و فيها مر و البنات مدحوه زي ما انتي شايفه
    الخلطة من صيدلي اسمه اعتقد ماجد الزايدي .. سوي بحث : علاج الغرغرينا بالصور
    بتطلع لك المواضيع اللي فيها العلاج و بتقرين قصة واحد مجربها و حالف ايمان مغلظه انها نفعتهم .. فاستخيروا و اعزموا و جربوا عسى ربي يكتب له شفاء يا رب
  3. @mkblh_tmshy


    قلبي عورني عليه لنه تعبان مايبا يشوف شفقه في عيونكم مايبا يحس انه ناقص او في محل ضعف لانه بالاكيد كانت له هيبه
    فديت قلبج نامي عنده بالصاله ومهما كانت طلباته لبيها من عيونج وحصني البيت بالنسبه للصلاه او القران اللي يبدى يروح
    عقله شوي ويرجع اتوقع لاحرج عليه هو الانسان سبحان الله لاكبر بالسن يشتاق لبيته القديم لربعه لاخوانه ولاهله
    خلي اعمامج دوم حوله نزلوه من الصاله خلوه يشوف الشمس يشم هواء لاتحسسسونه انه هذا مكانك وبس لا
    ترى نفسيته محتااااااااجه تتغير ادخلي الفرحه على قلبه وتصدقي عنه وعالجوه اسال الله العظيم رب العرش العظيم ان يشفيه

    وتعالي بشريني عنه
    سبحان الله وبحمده سبحان الله العظيم

تابعي تجارب أخرى من هذا القسم.