شاركي في النقاش

سجلي الدخول لإضافة تعليق.

التعليقات

68
  1. @bdaaary

    حبيبتي اللي هذا اوله ينعاف تاليه والله والله والله كانك تتكلمين عني بداية زواجي قبل 14 سنه تخيلي بس انا مو يتيمه وهو ماثث بيت اثاث بسيط ورخيص لانه بمنطقه ثانيه واهلي مايطيقون طاري طلاق ابدا عندهم مصيبه وعشان كذا لين اليوم ماتطلقت كل ماروح لاهلي يردوني بالضغط علي
    لكن انا استني اتوظف او يتوظفون عيالي واخلعه لوماباقي من حياتي الا يوم اعيشه لحالي ارتاح والله معظم الحريم اللي كانوا يجوني يفتح الباب بالغلط لين يشوفهم يستغل اني بالمطبخ او بالحمام ونصهم يدقدق عليهم يبغى علاقات
    وانا والله جميله بس الحين الهم والبكا غير شكلي زوجي لين اليوم والله يلاحق عجايز كبر امه يمدحهم ويلهث وراهم واكتشف انه له علاقه معهم بعضهم من قبل الزواج ويدور لهم الحين
    نصيحتي دوري راحتك والشيخ مستحيل يرجعك بالقوه وخواتك مو هما اللي متزوجينه خواتي كانوا يقولون لاتتطلقين وتفضحينا وارجع عشانهم موعشان نفسي وشوفيني ضيعت شبابي ليه عشان مين واذا حصل ورجعتي استخدمي حبوب منع الحمل من غير مايدري لين ماتشوفين الحمدلله بنات اليوم مو زي زمان يقدرون اليوم يتصرفون زمان حتى جوال ماعندي كان يضربني ويفصل التلفون عشان ماعلم اهلي وانا في منطقه بعيده شوفي لوجبروكي اهلك لاترجعين لين مايجي هووو بنفسه ويتفاهم مع ابوكي او اخوانك لاتجلسين تردين على كلام حريم ولاعلى اتصالات ورسايل ابدا اقطعي العلاقه من عندك وقولي اللي بيتفاهم يجي والكلام مع ابوي والشروط تتكمل مصروف شهري واكل زي الناس ويكمل اثاثه وكمان ناس ماحبيتيهم مايجبرك تروحين لهم ولايجونك خليه من الشروط الصاله مايجلس فيها لوكان عندك نسوان ماعليكي اللي اوله شرط اخره نور انتي مهرك غالي بس محد جبره يجي ياخذك نفس كلام زوجي يقول والله ماانسى اللي دفعته فيكي قصده الفلوس احمدي ربك ماحملتي حتى لو يعلقك ماعليكي لاترجعين وانت ماتبغينه لاي ظرف كان فهمتي لاترجعين لاترجعين زوجي والله يجبرني اطلع واتمشى وانا عروس مع حريم بناتهم وقتها مخلصين ابتدائي بعدين اكتشفت انه على علاقه معهم حتى كان يوديني ملاهي وانا ماالعب ملاهي اطفال ونلقاهم ويعني انه بالصدفه صدق كنت دجاجه يسحب فيني لمبتغاه وانا على نياتي اختى وربي تمنيت اني ماقريت موضوعك لانه قهرني وفجر العفاريت اللي كنت حابستها بصدري كل هالسنين اهم شي لاتفاصلين في حياتك معه او مع خواته خلهم يجون بيتكم
    اعطيتك اللي اشوفه ينفع لهالاقزام اللي شايفين انفسهم اشباه الرجال
  2. @bdaaary

    حبيت اقولك شي لحد الان اذا صارت مشاكل وزعلت امسك التلفون اكلم الخطوط ابي حجز يجلس يتعذر ويبوس راسي ويقول اش تبغيني اسوي اسوي ويحلف ويوعد والله ويجلس احيانا يبكي زي الطفل وكل الناس يقولون يحبك وشاريكي

    بس هذا كذب وين يحبني وين شاريني الدين المعامله الكلمه الطيبه صدقه زوجي حتى عند الاشارات يسب ياكلب ياملعون ويقول الفاظ نابيه حتى اخاف اطفالي يتعلموها اجلس ابكي عشان اجلس اربي وهو يخرب اذا جا صاحبه ينادي ولدي ويقول قوله كذا اعطه كف ويجلس يخرب اللي اسويه انا
    اذا شاف حرمه تمشي رايحه سوق والا سوبر يقول هذي فيها وفيها ويتهمها في شرفها ويقول اكيد زوجها في العمل اقول مااقول الا انتبهي من هالا شكال النفسيات ذولا احذريهم الوحده تتزوج عشان ترتاح وتعيش حياتها موعشان النكد والنفسيات هذولا يبغالهم علاج نفسي عشان العقد اللي فيهم تنحل بعدين يتزوجوا ويخلفوا
  3. عطو نفسكم فرصه لساكم بأول الطريق انا صارتلي مشاكل بأول زواجي مرا ندمانه عليها تفاهه بس نشرنا غسيلنا وخلاص وبعدين تصالحنا وقلوبنا ع بعض بس الناس ماينسون شي
  4. @soso_alryad

    حبيبتي اسمعي كلامي والله نصيحه من اختك انتي كل اللي قلتيه اشياء عاديه وانتي كبرتيها براسك وخليتيها شي مايسوى. والله هي توافه مجرد اختلاف في اسلوب التفاهم انتي عارفه انه اعلى نسبة طلاق هي في اول سنه زواج مو لانه فيه مشاكل كبيره لا لانه الزوج والزوجه مايعرفون يتعاملون مع بعض لسى جداد انتي واضح انه ثقافتك في الحياة الزوجيه قليلة جدا وفي الرجل اقل واقل اول شي الانسان اذا كان معصب اتركيه في حاله مو وقت نقاش ثاني شي لاتدخلين احد من اهلك او اهله في اشياء صغيره زي كذا ثالث شي اذا فيه شي مو عاجبك بهدوء ناقشيه وبدون عصبيه وكلام قذر مايليق بالشخص ولايليق فيك واذا فيه شي تبغيه بالهدوء الحياة مو حرب والزوج و عدو. يعني زوجك مافيه عيوب قد ماانتي مو عارفه تتعاملين معاه نصيحتي اقري كتب عن الرجل وكيف التعالم معاه والحياة الزوجيه حتى لو مقالات ابحثي في قوقل وفيه موقه اسمه الاسره والمجتمع تقدرين تطرحين مشكلتك لمستشارين يساعدونك تحلينها ويوجهونك . اما طلاق وانت لسى ماجربتي شي؟ وبعدين انتي انا متاكده فيك عيوب كثيره وزوجك اكيد عرفها زي ماعرفتي بعض عيوبه يعني مافيه احد كامل. مع انه والله اقرا مافيه شي واحد كبير ذكرتيه امسكه عليه! يعني كل المشاكل اللي براسك هذه مجرد ضغوط الحياة الجديده وانتي ماعرفتي تتعاملين معاها. افتحي معاه صفحه جديدة وخليك انضج بتفكيرك في اي شي يواجهك لاتصرين تتعاملين مع الامور كانك مراهقه. الطلاق شي مو سهل ومو عشان عيب ولاغيره بس تكوين اسره من احلى الامور اللي الكل يتمناها ليش تتخلين عنها عشان اشياء تافهه؟! ارجعي لبيتك وغيري اسلوبك مع زوجك للافضل امدحيه بدل الانتقاد وشجعيه على تكميل البيت واوقفي معاه وساعده يصير شخص افضل من ناحية الاهتمام بالنظافه وغيره تقدرين بطرق سهله اشتري له هديه ادوات حمام من شاور جل ورغوه وصابون بريحه حلوه وخليه ياخذ شاور يوميا اشتري له فرشاة الاكترونيه لانه تنظف احسن من العاديه وذكريه يفرش عطيه قطع نعناع يحطها بجيبه قولي له عشان اذا كلمت احد يصير نفسك منعش ....الخ يعني المراه تقدر تغير زوجها من هالاشيا بسهوله.. واهم شي انتي غيري نفسك وتذكري انك مع انسان في بداية حياتكم مو لازم كل شي يصير مره وحده عادي لو بغيتي شي تجمعين عشانه عادي لو حرمتي نفسك من متعه لفتره حتى اتصلح ظروفكم.

تابعي تجارب أخرى من هذا القسم.