خلوها تعفن ، مقاطعه شراء الدجاج في السعودية من يوم السبت

وي لا يكون إحنا طمعنا التجار برفع الأسعار ههههههههه

إحنا أهني بالكويت الدياي عندنا استغفر الله ريحتها ياساتر من العلف المعفن اللي يعطونهم إياه قمنا شنسوي نروح السعودية لأقرب منطقة الا وهي الخفجي الطريج ساعه نشتري كراتين منكم و نرجع للكويت و قلنا لأهلنا و كل واحد فيهم في بداية الشهر يجهز نفسه و يروح يشتري من السعودية و يرجع ، و قزرناها ما غير رايحين و جايين عندكم :) يالبى قلوبكم نقاطع معاكم عادي بس عسى ان شا الله ينزلون الأسعار

الدقـــاااااق مهم يا قمــــاعه :icon19:
صعبه نقاطع

مقااااااطعه 
الدجاج لمدة شهر 
لاتتخاذلون بنات إذا احنا ماتحركنا 
ماراح لامسؤؤل ولاغيره بيلتفت لنا 
تونه ،لحم 
ولا وش رايكم كل وحده تحط لها عشه دجاج فوق بيتها منها بيض ومنها دجاج مو احسن 

أخاف ناكل لحم نكثر منه يجينا النقرس داء الملوك .. :icon19:
لو هي شركة معينه أنا معكم أقاطع
بس الدقـــــاق كلوو :icon19:

لا والله صج يـــا بنات ما يأدب التاجر الا المقاطعة و هذي سياسة عمر بن الخطاب رضي الله عنه لما جاوا الناس عنده يشتكون من غلاء سعر اللحوم قال لهم "ارخصوه انتم" قالوا له كيف نرخصة و الأسعار بيد التاجر قال لهم ارخصوه يعني لا تشترون منه و هو راح يضطر ينزل الأسعار و فعلا طلع كلامه صحيح رضي الله عنه