شاركي في النقاش

سجلي الدخول لإضافة تعليق.

التعليقات

32
  1. @am_rakan_27_1

    ابغى اعرف ليه دايما اللي تحذركم من الخدامة تقولون حسد؟؟؟؟؟؟؟؟؟؟؟؟
    يعني مابقدر اجيب خدامه؟؟؟ بالنسبة لي انا لو جمعت حق المؤقتات كان امداني قدمت لي وحده ..بس كيفي مبغاها ومومعناته ان ماعندي خدامه يعني قاعدة احسد اللي عندهم ...بس مصيبه فوق راسي ..المؤقتات وماسلمت منهم خل الدائمه اللي في وجهي 24 ساعه..واللي بس همها تلبس وتتكشخ لاتجيب اطفال تحذفهم خلاص تقعد تكشخ احسن لها ...او تباعد بينهم يعني تجيب كل عشر سنين واحد يكفي 2 ولا 3 مو لازم سبعه ورا بعض ومقطوطين عالخدامة ...وبنات خلونا صريحات اللي طبعها الكشخة والاناقه بيمديها تنسق نفسها واللي مو من طبعها لو عندها عشر خدامات بتقعد زي ماهي.
  2. @rabee3_elwarrd

    اختي صاحبة الموضوع كلامك صحيح ميه بالميه والي تقول ماله داعي شغاله لغير المتوظفه لا ضروري ع الاقل تنظف وتغسل مواعين وملابس وهو الزواج بس عسال ليه وين حقوق زوجي مو من حقه يجي يلاقيني مرتبه وريحتي تفتح النفس والاهم اكون مهيئه نفسيا لاستقباله وتلبيت طلباته بدال مايجي واكون قرفانه نفسي من شغل البيت والملاحق ورى العيال وانا ائيد وجود شغاله كمساعده فقط مو للارتكاز عليها في النهايه هي خادمة مو ربية البيت المهم ماودي اشطح عن موضوعك اختي بالنسبه للجرائم الي صايرين نسمعها بصراحه فواجع وصلة فيهم للقتل يعني قبل كانو سحر هروب ضرب اطفال وحرق الحين لا قتل ليش لان مكاتبنا حسيبهم ربي هم الحراميه يجيبون لنا مريضات نفسيا مو طبيعيات ولا من تجروء له نفسه انه يقتل طفل يالله ماقول غير حسبي الله ونعم الوكيل فيهم والله يبلاهم وربي يرزقني واياكم اخواتي بالشغالات السنعات اللي يخافون الله
  3. @zaoyh_mhmlh

    صاحبة الموضوع
    بعد مافهمتوا على انا اقصد كل الناس من حولنا تجيب خدم ليه المشاكل عندنا بس واحنا ماسوينا زود عن العام ليه هنا في السعوديه المشاكل بس اما رفله وماعندها مسؤليه هذا كلام ثاني انا مو موظفه ويوم راحت شغالتي والله ثم والله اني ما اقدر اجلس اكل الا اذا ناموا عيالي اخر الليل اكل لقمه وأنام من كثر الشغل حتى الان عندي شغاله الشغل مو كله عليها لانها لو اله ماتقدر انا ماخذه نصيبي معها غرفتي ترتيب دواليب عيالي ترتيب دواليب المطبخ مسؤليه عيالي كامله علي هي غسيل وكي ومواعين ونظافه وانا وياه واحيانا نتعب لان يغلي كثيررررر ومجلسي مايفظى هل هذه رفاله خليكم واقعيات وبلاش ردود عشوائيه
    ارجع واقول من السببب هل إحنا مقصودون من الداخل او الخارج  
  4. بالتنظيم تقذروا تنظفوا البيت و تتهائ للزوج

    هذاكم جالسين تضاربون بالمنتدئ مو تضييع لوقت الفراغ


    أنا لو تعينت بتعاقد مع جارة تمسك طفلي لين أجي بمبلغ و قدرة

    خلها تستفيد بنت البلد مني و لا خادمة توتر أعصابي سوت وفعلت
  5. @bs_bydaaa

    بعضهم تكون مضطره يعني مثلا كل بيتها بزران ولا كلهم عيال ومافي بنت تساعدها وبعضهم عندهم بنات بس يا الله الجنة
    ماتساعدها فلذلك مجبوره انها تجيب شغاله والمفروض تكون للشغاله غسيل وكوي وترتيب بس والعيال والطبخ عليها وماتخلي عيالها عند الشغاله والشغاله ماتجي عيالها ولا تزين لهم شي وبعد قريت مره انو المفروض اي شغاله تجي تدخل الطب النفسي يشخصون حالتها قبل مايطيح الفاس بالراس
    تقبلوا مروري ودمتم بحفظ الله .

تابعي تجارب أخرى من هذا القسم.