الأماكن الحلوة والسياحية في الكويت / تم دمج مواضيع الاستفسارات

الله يجزاك خير ياقليي 

طولت عليك بس ودي أسألك عن محلات فيها تحف ومناظر وكماليات للبيت 
شنو افضل شاليه عندكم 
ان شاء الله بقعد اسبوع
الله يجزاكم خير 

السلآم عليكم

انا رحت العام وسكنت بودل حلو ونظيف بالسالميه معروف كله سعوديين

واسواقهم تجنن بصراحه فيه الافنيوز حلو بس كله ماركات غاليه

والمباركيه حلو والمارينا وهناك ماراح تبلشين ماشاءالله وش كثر مجمعاتهم


رحله موفقه


دعواتك

الشاليهات وايد افضلهم عالإطلاق منتزه الخيران بس لازم حجز بفتره لأن دايما فل ماشالله اذا تعرفون احد حاجز فيه تقدرون تروحون زياره بنفس اليوم وترجعون جد رووعه لا تطوفونه.. وفي منتجع هيلتون المنقف قريب من مجمع الكوت والمنشر اللي قتلج عليهم.. منتجع سيشل بعد وايد حلو ..وفي منتجع موفمبيك..منتجع النخيل..ولو حبيتي فندق ريجنسي فخم موقعه ممتاز يطل عالبحر وقريب من السالميه والأسواق كله حمامات سباحه ومافيها اختلاط ونظام اسلامي وتسمعين صوت القرآن دايم باللوبي والممرات..

محلات التحف والكماليات وايد منطقه الشويخ ومنطقه الضجيج كامله كلها هالمحلات بس بقولج اللي اذكرهم محلات علي عبدالوهاب/محلات هوم ار اس/ ايكيا/ميداس/صفاة الغانم / ذا ون/ اي تو زد/محل بنتا/والأفنيوز بعد فيه جانب كامل كله محلات اثاث من كثرهم ماني عارفه شنو اذكر بس روحي اللي بالشويخ وسالي عن مجمع واره كله محلات راقيه ومنطقه الضجيج بالفراونيه يوم كامل مارح تخلصين كلها محلات اثاث

ومدام تقعدون اسبوع في بعد يوم البحار قريب من سوق شرق والأبراج مكان تراثي قديم كله العاب ومحلات وقعدات شعبيه وفي مجمع يديد راقي يمدحونه اسمه الحمرا لي الحين مازرته..وفي مكان بمنطقه ابو الحصانيه راقي حيل كله كفيهات ومطاعم اسمه
the village جم مره يصورن عنه تقرير بتلفزيون الوطن وفي منطقه بالبدع قريب من فندق ريجنسي ريجنسي كلها كفيهات ومطاعم حلوه وفيها كافيه هللو كيتي مادري اذا فتحوه او لأ بس شفته مكانه موجود وخالص.. وعندج بعد منطقه الفروانيه كلها اسواق ومولات ومشهوره بالدراعات والعبايات ومجمعات العربيد واهي قريبه من منطقه الضجيج للأثاث.. ونسيت اهم مجمع بعد مول360 ضروري تروحيله.. وجمعيات الكويت بكل منطقه فيها مول صغير للتسوق والعاب للأطفال وحدايق

هذا اللي اذكره ان شالله تيوون وتستانسون رحله سعيده