افيدونا بسر كبساتكم الذيذة ...

@am_baaasm



السلام عليكم ..


بنات مشكلتي في رز الابيض ...

ابي يكون طعمه جنننان ... :unhappy: مو عادي ...

حتى كبساتي ابي يكون لها طعم لذيذ ...


افيدونا بسر كبساتكم ..

وخاصه الرز الابيض...

ولكم مني جزيل الشكر ...

12 تعليق 3,092 مشاهدة

0 0

شاركي في النقاش

سجلي الدخول لإضافة تعليق.

التعليقات

12

  1. @am_nsar_7

    اذا الرز ابيض اكشن بصلة واحط عليها البهارات وبعدين احط البلول واذا فاح احط الدارسين والليمون الاسود واحط الرز بعد ما اكون منقعته ربع ساعة بمويه حارة واخر شئ احط فلفل حار واذا فاح اقصر عليه لين يتنشف والكبسة الحمراء نفس الطريقة بس احط مع البصلة بعد حمسها طماطم اقطعها صغير بعد ما اشيل قشرتها وشوية صلصة وبعدين اتبع نفس الخطوات السابقة وبس اتمنى اني افدتك ياعسل والله يجعل طبخك احلى طبخ بالدنيا وتسلم ايدينك مقدما

  3. @aaayshh_dnyty

    سر الكبسه اهم شي طريقه الكشنه لازم يتحمر يعني يميل للون البني وحطي معاها بهارات صحيحه (حب) هيل وقرفه وقرنفل وورق غار وشيبه وممكن شويه كزبره حب يعطي نكهه وقلبي ثم اضيفي الدجاج المقطع من غير جلد وقلبي لين يتحمر للبني ثم اضيفي المويه وخليه ربع ساعه وبعد كذا حطي الرز ولاتنسين الملح
    والرز الابيض حطي زيت وكثري شوي يعني اذا كان كاستين رز حطي زيت مقدار ربع كاسه الشاهي وحطي بهارات صحيحه4 حبات فلفل اسود و5 حبات هيل و4 حبات قرفه ومسمار (قرنفل) واحد وورق غار وحده تكفي وخليهم يتحمرون في الزيت لين تطلع ريحتها ثم اضيفي الرز والملح وقلبي دقيقه ثم اضيفي المويه وماتكون كثيره تكون اكثر من الرز بشووي وارفعي النار اذا نشفت المويه وقرب يستوي خفضي في النار ربع ساعه لين يستوي ولاتنسين تنقعينه
    اتمنى اكوون أفدتك

  5. @am_baaasm

    صاحبة الموضوع


    الله يفرج عليكم ...


    انا والله اعرف هذي كلها والكل يشهد بطبخي بس مدري وش فيني ...

    احس كبساتي ماعاد لها طعم زي اول ...

    الف شكر لكم ..


    ومنكم نتعلم ..

تابعي تجارب أخرى من هذا القسم.