موقف شفتيه من مرة اخوك وخلاها تكبر بعينك؟؟

موضوع جميل

انا ماعنكي زوجة اخ ربي يرزقه الزوجة الصالحة ويصلحه

بس باقلكم العكس يعني اخوات زوجي وامه انا بصراحة علاقتي فيهم سطحية واحلى حاجه هم ما يدخلوا في حياتنا ابددد وطيوبات ما شفت منهم شي

(⌒▽⌒)

يعني مواقفها مو كثيرة لكن كم مرة يكون عندي جمعة حريم وتنزل تساعدني او تجيب حلا معها

طبعا نقطة في بحر ما اقدمه لها والحمد لله وربي يحفظ لها ولدها فديته

صراحة عندي زوجة اخويا وحدة زي العسل
محاسنها تغطي عيوبها
اذا غلطت تشفعلها اخلاقها والكل يحبها حتى اخواني يعتبروها زي اختهم
ماشاء الله
والله يديم المحبة بيننا

عندي 3 أخوان متزوجين
كل زوجاتهم حبوبات بالبدايه لكن بعد سنه او سنتين تغيرن والمشكله تغيروا أخواني مع حريمهم
صار كل واحد يتهرب يسافر لوحده مع زوجته ويخلي أمي لوحده بالبيت واذا قالت أمي شي لهم كل واحد يقطها على الثاني ويقول انا دوري ابسافر وفلان دايم يطلع ومن هالكلام
كل واحد يركض خلف مرته ويمدح فيها وبأهلها والمشكله ماهم جميلات لدرجه يعني ماشاء الله تبارك الله أخواني قنوعين وماعندهم التظرات للحريم الأجنبيات الله يستر عليهم
لكن اذا صار عندنا عشاء أو جمعه يجون عندنا ويقومون بالواجب يعني يجيبون معهم حلويات وقهوه وشاهي
لكن من زمان ماصارت عزيمه في بيوتهن ومن سنين مادخلنا بيوتهن أبدآ وماأدري أصلن كيف صاروا بيوتهن
انا متزوجه ألحين وأدري انه مو منحقي اني أمدح او أسب أحد ومو من حق أخواني انهم يطلعوننا معهم ولا اننا نسافر معهم لكن انا علشان أمي منقهره عليها