يابنات انا متصالحة معها واحس براحة لما اصيح لحالي وفي غرفتي او بين يدين ربي
بس مشكلتي معها هي لما تطلع قدام الأعداء
او الشماتين
قدام شخص تبين تاخذين حقك منه
قدام شخص تلفظ عليك وتبين تردين عليه
قدام شخص يذب عليك كلام بين الوقت والثاني وودك تسكتينه بس تسبقك دموعك
قدام شخص يففرح بدموعك
والمصيبة اني معي شهادة عالية واحتك بناس لهم مركزهم ولازم اكون قوية في وسط هالمجتمع, غابة مهب مجتمع
لازم ارد بدون دموع واناقش بدون دموع واعصب بدون دموع
والا راح يفسرونه على انه ضعف وهالشيء راح يضرني اجتماعياً وو ظيفياً, ويؤثر على نظرتهم لي واحترامهم لي ويستضعفوني زيادة
والأهم حالة البكاء بحد ذاتها تشلك , تعطل تفكيرك , تخليك ماتعرفين تردين في الموقف اللي انتي فيه , ببساطة اذا نزلت الدموع انتي خلاص تلقائياً تستسلمين وتحسين بالهزيمة وتبين تنهين الموقف على طول حتى لو كانت النتيجة مو في صالحك
لذلك انا مااااااااااااااا احبها وابي اتخلص منها
مسببتلي احراج ومشمتة اعدائي فيني
اخ ياربي
انا اعرف ارد , وحججي قوية وكلامي مقنع وصوتي عالي وما اصيح على اي شيء يعني قصص حزينة او شيء زي كذا لااااا
اصيح لما تجيني كلمة تلامس جرح فيني
او تذكرني بشيء محزن
او تهيني او..او
والسبب طبعاً من كثر الهموم اللي بقلبي , صرت على حافة الإنفجار , اصيح على طول , دموعي يبيلها نكشة
تكفوووووون اللي قدرت تسيطر على نفسها ودموعها تقولنا كيف
مين اللي كانت ام دميعة , صياحة , سريعة البكاء, وبعدين قدرت تتغلب على هالشيء
متابعة النقاش، صفحة 5