الي فصلت مطبخها في الرياض تجئ تفيدني

السلام عليكم

انا بفصل مطبخ بس وين المحلات الي فيها مطابخ حلوه
واسعارها معقوله.
وايش ألوان المطابخ الي الحين

تكفون الي عندها اي معلومه تفيدني ويكون عن تجربتكم.

الله يجزاكم خير ويوفقكم ويسعدكم دنيا وآخره

6 تعليق 1,256 مشاهدة

شاركي في النقاش

سجلي الدخول لإضافة تعليق.

التعليقات

6
  1. @mmoryz

    هلا بك اختي.....
    انا تو مفصلة مطبخي ،،وتعبت لين لقيت شي سعره مناسب ،،،،،،،،غالبية المحلات اسعار المتر من 800ريال وفوق...
    وكثير محلات المتر فيها 1200 ريال وفوق.......
    لقيت محل بالصناعية قبل يفصل المطبخ ب750 ريال للمتر....
    غالبية المحلات تلاقين نفس النوعية ونفس الالوان مافيه تغيير الا باشياء بسيطة مثل المسكات او بعض الافكار بتصميم المطبخ..
    افضل انواع المطابخ راح يكون الالماني متره1200ريال......
    تصميمك للمطبخ واختياراتك بالنوعية تاثر بالسعر،ونوعية الرخام بعد تاثر بالسعر،،،،،،،الطبيعي متره150 ريال،،والصناعي ب700 ريال....الزاوية يختلف سعرها من موديل لموديل ،،،،الكبت الطويل الخاص بالتخزين سعره يختلف من شكل لشكل....
    يعني بازعربي اختاري بس الحسابة بتحسب،،،،بعدها تقدرين تقررين المناسب لك.....
  2. @am_klby_2

    شوفي حبيبتي

    أنا توي مفصلة بس لسا ما ركبوه

    بعد فرفرة ع محلات المطابخ ما بين كافكو وبنامكو وفرح والخليجون وكذا محل

    صفيت ع بنامكو لأن أسعارهم أفضل الموجود الثانيين أسعار المتلر تبدا من 2700 متخيلة

    بنامكو الأمتار تبدا من 900 ريال للمتر

    فصلت عندهم واخترت اللون البني اللي يجي كلاسيك مع ان مطبخي صغير ما يناسب له الا المودرن بس بصراحة اللون أسرني في المحل وحسيت بفخامته وكله كلف علي 19000
    التركيب بعد 35 يوم من العقد

    عندهم افكار حليوة والله للتخزين والله فادتني أكثر في التخزين

    لأن عندي مستودع مضحك شوي عبارة عن جدارين قبال بعض وكافكو وهم كتفكو ع كثرة الأفكار اللي عندهم ما عطوني شي أسويه فيه وذولا مشاء الله والله سوولي تصميم فيه وأرفف اذا زبطت ان شاء الله فبصبراحة ما يعلى عليهم

    وعندهم الحركة اللي تحت المجلي أعجبتني سلة لأدوات الغسيل
    هذا اللي أذكره الحين وأي شي تبينه حاضرة

    ع فكرة عندهم لون الريف الأيطالي اذا كنتي من النوع اللي يحبه اختاريه من عندهم
    أمس كنت عندهم أسوي بعض التعدبلات وتعاملهم حسن والله
  3. @ghotshy_ghotshy

    حبيبتي اذا بتجين الرياض روحي لطريق الامير سلمان بن عبد العزيز راح تشوفين اشياء رووووعه اسعارهم معقووووووله

تابعي تجارب أخرى من هذا القسم.