تكفووون ياحريم وش الحل اسكن مع شريكتي الثانيه في بيت واحد وصغير

السلام عليكم اختي

حبيت ارد عليك لسبب واحد لانه قصتك متل قصتي ..لكن مع اختلاف الترتيب..انا الزوجه الثاينه..وساكنه ببت صغير ..وانا وزوجي مقيمين بالدوحه ..يعني مش مواطنين..زوجته الاولى واولاده عند اهلها ببلد تاني...كان في خلافات بينهم..وسافرت انا وزوجي ندور على رزقتنا
المهم اختي..انا ما رضيت اولاده يتربوا بعيد عنه لانه متعلق فيهم وايد..انا الحين بشتغل حتى اساعد زوجي نفتح بيت تاني لزوجته الاولى واولاده.. وسعينا بموضوع الاقامات وانا كنت بخلص المعاملات ..فقط لاجل الله ولاجل زوجي..
انا ما اريد شي منها ولا منه..يعني بيكفي اني مستورة معاه واننا متفاهمين...
طبعا عرضت عليه قبل يومين يجيبهم يسكنوا معنا حاليا ...لحتى يفتحها ربنا واقدر احصل وظيفه..طبعا ما في وحده ترضى بهاد الشي خصوصا انه انا متلك الطيبه والعاقله..وهي على العكس قويه وشريره وحيه ...""طبعا هذا راي زوجي واهل زوجي فيها"" بس هو متحمل علشان اولاده..

فيا اختي يا ريتك انتي ضرتي كان عشنا سوا وتفاهمنا..انا احب الوناسه خصوصا ما عندي جيران ولا صاحبات..على نياتي..

شو رايك بكلامي؟؟

هذا بيتك وماتخلينها تدخله مثل مادخلت حياتك

وفلوسك رجعيها والله مايستاهلون تعطينهم فلوس عشان يكمل لها بيتها

قلعته محد قله يتزوج وهو حافي منتف

ماكان المفروض تعطين زوجك فلوس وبعدين هي ماتبي بيتك اكثر منك بس اسلوب ومساسية وهي متاكدة انك بترفضين خلي يرجع فلوسك انت مو مكلفة فيها ان شاء الله يسكنها بالشارع

نصيحة لا توافقين عن تجربة (امي و مرة ابوي)عيشة الشرايك في بيت واحد متعبة لكل الاطراف لج وله و لزوجته و العيال بعد والله للحين اذكر مواقف صارت كرهتني في مرة ابوي بغياب امي يمكن سامحتها بس مستحيل انساها مطبوعة فالذاكرة
خلي عيالج يعشون حياة طبيعية و ابعدي عن الشرررررررررررر و غني له

لا ترسليله ولا ريال
وتمسكي برايك هذي شكلها مو سهله
والزم ماعليك بيتك وعيالك ماراح اقولك زوجك لانة مايستاهل اجل مايستحي على دمة ياخذ فلوس مراة علشان يبني بيت ضرتها