سويت الاشعه التفصيليه والنتيجه صدمة حياتي

دعواتكم لي انا مهمومه لدرجة لي يومين مااكل ولااتكلم من الصدمه .يارب رحمتك
كان عندي موعد في مستشفى العسكري بجده عشان الاشعه التفصيليه للجنين وقاللي الدكتور هذي نسويها للحوامل في الشهر الخامس
ورحت وكنت حاطه في بالي انها فرصه عشان اشوف جنس الجنين بنت او ولد لانه اول فرحه لي واول حمل وسوتلي فلبينيه الاشعه وشوي ودخلت على الدكتور وياليتني مادخلت
قال وبكل برود الجنين عنده مشكله بالدماغ ....نشف دمي وانصدمت وسبحان الله اللي قدرت اتمالك نفسي وهو يطالع فيني انا وزوجي اللي انصدم وماقدر يتكلم
قلت دكتور فهمني اش يعني ؟؟
قال الجنين عنده توسع في تجويف الدماغ وراح نسويلك اشعه في اخر الشهر السابع عشان نشوف تقفل او لا
انا بصراحه قلت اللهم اجرني في مصيبتي واخلفني خيرا منها
وقال الدكتور هذي تجي في ربع الحوامل وان شاءالله الاشعه الجايه ماتكون موجوده ...
ماني فاهمه شى وصابره ومحتسبه والحمدلله الذي لايحمد على مكروه سواه
الله يبعد عنكم كل مكروه...دعواتكم لي في ظهر الغيب

153 تعليق 220,913 مشاهدة

شاركي في النقاش

سجلي الدخول لإضافة تعليق.

التعليقات

153
  1. @am_tsbyh_1

    الله يجعله سليم معافى يارب

    حبيت انبهك يا يا قلبي انه ما يجوز قول الحمدلله الذي لايحمد على مكروه سواه
  2. @am_thamr_alzhrany

    يارب يحفظ حملك من كل شر ويطمن قلبك ويريح بالك ويكتب الخيره لك
    يارب يعطيك الصبر ويرزقك الاجر
    ورددي الهم اني مسني الضر وانت ارحم الرحمين نبينا ايوب رددها
    وشوفي المساعديه او العزيزيه وخذي تقرير من العسكري وربي ييسر امرك
  3. @tht_alshms

    ماجابوا من الله علم
    والجهاز يصيب ويخطئ وانتي استودعيه ربك
    وان شاء الله مابه الا العافية
    ترى كلام الدكاترة كثير
    وعشان تطمني سوي الاشعة بمكان ثاني
    وربك كريم

تابعي تجارب أخرى من هذا القسم.