لقاء الأحبة---تتمه---

منتدى مجنون

صباح الخير يا حلوين :)
و الله صباح الورد الجوري :26: ما شاء الله عليكم متنشطين من الصبح
إيمان , هلأ طبعا إيمان نايمة و لا على بالها !!!! بس بدي أحكيلك شغلة على سيرة أنواع الكتل ( على أولتك ) هاد و نحنا صغار أنا و إخواني كنا نلعب لعبة إسمها لعبة الشحاطات :hahaha: , طبعا نحنا إخترعناها , كان مبدأها يقوم على التالي : منام كلياتنا على تخت واحد منا , و طبعا منتغطى بالحرام , و واحد منا بكون برة الغرفة معا شحاطة بنقيها على مزاجه :hahaha: يعني ممكن تكون قبقاب:hahaha: و نحنا جوة الأوضة مناخد إحتياطياتنا , كيف يعني ؟؟؟؟ يعني منطلع المخادات المتوفرة عنا و منصير نحطها على روسنا على ضهورنا , يعني الأماكن المعرضة للضرب أكتر , و بعدين منادي على الي برة و ببلش فينا وين الجنب الي بوجعكم :hahaha: و الله لليوم منضل نتزكر هاللعبة الغبية , من وين كاينين مخترعينها ما منعرف !!!!!

طبعا الي كانت تضربنا على أخطاءنا ماما , بس بابا بعمره ما مد إيده على واحد منا , على العكس دايما منتحامى في بابا لما ماما تعصب ... طبعا أكتر إشي كانت إمي تعصب منه هوة الدراسة !!!
أصلا ماما عصبية من أيام ما كانت مدرسة , كانت تضل تضرب بنات صفها على رجليهم بالعصي :hahaha: و طبعا كانت تتبع معنا نفس السياسة في التدريس .... عشان هيك طلعنا عيلة مهندسين :hahaha:



جرجرت كتير , بس نسيت أحكيلكم إنه الجامعة اليوم عاملة تكريم لخريجينها من سنة ال 1969 تخيلوا !!!!
يعني في هالحفلة رح ألاقي معلماتي الي درسوني أيام المدرسة

شعور حلو صح ؟؟؟!!!!!!!!! :)
الحفلة على الساعة 5 , و ماما شجعتني أروح أحضرها , فشكلي فعلا رح أحضرها :)

بشوفكم

اما عن كيف انا تربيت فتربيت انا و اخواني على انا كبار و النا وجود و بنقرر اشياء كثير بحياتنا
و كان كل حياتنا دراسه بدراسه يعني لا لعبنا و لا تجمعنا بنات حاره و بنات عمام و لا ما يحزنون
اهلي فلسفتهم ربي الكبير بربي اخوانه يعني انا و اخوي اللي وراي على طول ابوي حط فينا كل المعلومات اللي جامعها عن التربيه و معامله الابناء و اللي ورانا تلقائيا نهجوا نهجنا
كان عنا تجمع للعيله بعد الغداء كل جمعه نقرر فيه مين كان الطفل المثالي و نتناقش
مع ابوي و امي لا انا لا ما عملتش طب انا كبيت الزباله انا و انا
و كل موقف بعده تنبيه بسيط مش محاضره و خاصه شايفين يابيي فلان غلط اللي عمله كيف احرج ابوه و الكل قاعدين يابيي ما بصير هذا الحكي
يا بيي لمين الواحد فيكوا بدرس مش لحاله طبعا مش اللي و لا لامكوا احنا و الحمد لله صرنا و راضيين عن حالنا
طبعا وصايا امي و ابوي لسى ببالي حرف بحرف الله يجزيهم عني و عن اخواني خير الجزاء

اما العقاب فما فيه ضرب ابدا لذلك و الحمد لله كلنا عندنا شخصيه قويه و نظره بعيده لكل اشي
بس لما ما ارضى الاعب حدا من اخواني كانوا اهلي يحبسوني ببيت الدرج
بس ما كانوا يعرفوا اني كنت اكييف عليه شغل بيت بيوت بس هذا الاشي ما تعداش الصف الرابع

و بهاي الفتره يعني على عمر 10 سنين كنت ادير بالي على اخواني بالويك اند عشان ابوي كان يغيب
طول اىسبوع و امي تظل معنا ومسكره الباب علينا نتفرج على الولاد من شبك البرندا
فهمه يطلعوا على السوق او يزوروا جدتي او مناسبات
و يكون بين الصغار رضيع اغيرله و اطعميه و الاعب الثانيين
امي كانت تحطلنا سندويشات و عصير و فواكه مونه يعني و تسكر المطبخ و تورجيني وين المفتاح
عشان كانت تخاف من الغاز و السكاكين مع انها مسكره الجره
ياه هاي الشغلات زمان ما اجت عبالي و لا عمري حكيت فيها
ايمان عجبتك سيره حياتي

:(
قلبي ولساني عاجز عن الكلام والله يا زهره الله يقويكو ويصبركو ربنا يحفظكم منكل سوء
الله ينتقم منهم ويجعل كيدهم بنحرهم

اسلوب كثير حضاري وممتاز ومتزن ما شاء الله
انا بالنسبه الي انا بشوف انه اهم شيء الواحد ما يدلل اكثر شيء بنزع الاولاد الدلال الولد لازم يكون اله حد يعرفه يعني ما يكون اشي فلتان انا ما عمري ضربت بناتي صحيح
بس في عندي شغلة انه حرمان من اشي الولد بحبه اذا عمل اشي غلط طبعا بكون محذريته قبل وانا طبعا جاده جدا مع البنات عمري ما كذبت عليهم ولا بالمزح
يعني اذا بقلها بجيبلك هيه اذا عملتي هيك او ظليتي تساوي هيك بتصدقني وبتعرف تمام اني بساويها ما في تردد ولا تراجع
وكمان بالنسيه للعقاب ما في تراجع
اما بدي اقولك عنا هون اذا سمعتيمن بيت طالع صياح المره على اولادها ابتعرفي انها يا تركيه يل عربيه اما الالمانيات ما بطلع الهن نفس يتلاقيها بتعاقب الولد على السكت ما بدكيش ترد بحرمك من طلعه مع اصحابك اوتلفزيون اسبوع او من اي ثاني بحبه وهذا الاسلوب كثير ناس ما بعرفوه
وفعلا الولاد الالمان قبل ما يفتح الثلاجه بسال امه بتسمحيلي اطول لبن او بتسمحيلي اكل شوكلاته سمحتله اكل وذا مش مسموحله مثلا لازم يتغدا اول بتقوله لا
تقريبا يعني اذا بدو يوخذ نفس بسال امه
اما عندنا العرب الاولاد في اشياء كثير مسموح يعملوها بس مش لازم يعملوها