تو جا زوجي من دوام وتهوشنا وذالحين اسوى الغدا ومتكدره

السلام عليكم ورحمة الله وبركاته
بنات وش رايكم في اللي في تصرفات زوجي
جانا قبل اسبوع ولد عمه
واول ما جاء ولد عمه راح وجاب له نص مندي
وهو عزمه بسوي له بكلره ذابيحه
وماكان معه فلوس عشان م
اكتتب في الاسهم قبل لا يجي ولد عمه بيومين
المهم جاني وقال اعطيني حافز وذا نزل الراتب برجعه لك
قلت طيب وعطيتها وسوا ذبيحه لولد عمه
انا فلت لها ماله داعي نص الذبيحه اللي بخمس ميه
كان تعشي من اللحم اللي في الثلاجه وقلت لها اللي يحيك يافلان واجبك بكر وخلاص
المشكله ذالحين هو مصفر معه ولا ريال
دق علي اليوم الساعه 11
يقول لاتسوين دجاج بجيب معي لحم تتوقعات الاسهم نزلت قالت الحمدالله
لكن لما جاب معه لحم قلت الاسهم نزلت قال لا قلت من وين لك الفلوس قال تسلفت 500
وتهواشات انا ويه قلت هذي ثالث ذبيحه لولد عمك قال لثلاجه
هي مو ذابيحه كامله نص
وانا لي فتره ابي السوق ومتحمله ظروفه
وذالحين رايح يجيب لحم عشان ولد عمه
وغير ذا هزاني ويقول سوي غداك وانتي سكته
وش رايك يابنات
اعذروني على الاملاء اكتب من جالكسي والحروف تطير معي

ولد عمه لها اسبوعين جالس عندنا موضيف يجي ويروح
عنده دوره 6 شهور وبيقعدها عندنا








بنات خلصت الغداء وزبطه لهم وسويت لهم نوعين سلطه
وسويت اللي علي
هوذالحين قعد يلبس بروح عنده استلم
ويطلع في بطرف عين
ولا قال شي وانا اكتب لكم
اللي تقول بيضي وجه زوجك ونظفي المجلس وعطري
ياختي والله اني ماني ماقصره معه في شي واشهد الله
مانظفه المجلس ومبخرته من الصبح ومجهزه القهوه والشاي
اللي قهرني المهايطه اللي ماله داعي
الله يعين بس

47 تعليق 10,703 مشاهدة

شاركي في النقاش

سجلي الدخول لإضافة تعليق.

التعليقات

46
  1. @natsho

    اهم شي لي نزل راتبه
    يرد لك فلوسك
    والمفروض تجتهدين علشان يظهر زوجك بمظهر مشرف امام ولد عمه وربعه
    مو تبينه ردي بينهم او اقل منهم مايعرف الاصول ولا يقوقون ذابحه الفقر
    وولد عمه مو كل يوم عندكم
    سوي الغدا وبخري المجلس واحتفي بضيوف زوجك
    خليك ع قلبه
    حسي فيه
    ومشاويرك معاه ناقشيها بوقتها مو هالوقت هذا
  2. @roooh_alofaaaa

    وعليكم السلام والرحمه

    حبيبتي انتي الان بيضي وجه زوجك جهزي الغداء وظبطي الحلى والقهوه وعطري بيتك
    واذا راح ولد عمه تناقشي معه بهدوء يعني الان لوتقولي اي شي ماراح يتقبل منك
    بالعكس راح يخليه يعند اكثر ويكرهك بعكس اذا اجتهتدي وبيضتي وجه راح يستانس
    وبيسمع منك بصدر رحب هدي اعصابك هويبي يكرم ولد عمه
  3. @am_sloquot

    رحبي.بضيوف..زوجك...
    ولاتعلمينه..على.الردى
    ولد...عمه...فتره...ويروح......خله..بكره...ماشالله..على.استقبالهم

تابعي تجارب أخرى من هذا القسم.