إداريــة جديدة , وتشعري بالإحبـــــــاط من الوظيفة الجديدة؟؟؟ اتفضلي هنا..

الله يعين

بالعكس شغل الاداريه اريح من المعلمه بكثير وهذا كلام اداريات جربو التعليمي
جوفانا ،،
تعرفين مشكلتك ايش انه المديره تجبرك بشغل غير شغلك لو تقولين ماراح امسك غير شغلي
وتقوين شخصيتك عليها ماراح تقدر ترمي كل الشغل عليك انا تعليمي وباذن الله راح احول اداري
لانه شغلي بالمدرسه وبس عكس المعلمه كرف بالبيت والمدرسه وغير التعليم الحين صعععب ماقدرت استوعبه..

يا قلبي أنا مجربه التعليم 4 سنوات ,, وجربت الإدارة أقل من سنتين ,,, وكنت في البداية آظن ان الإدارة أسهل ,,, لكن اكتشفت (وبعد تجربة ) ان التعليم اسهل ,, صحيح أنا أول سنتين من التدريس كرفت كررررف مو طبيعي ((كنت أدرس 10 مناهج )) :icon33:, لكن بعد سنتين من الكرف أصبحت مرتاااااحة , اعطي الحصص اللي علي , وبعدها اروح أتقهوى فغرفة المعلمات ومعي دفتر التحضير القديم , أنقل منه في الدفتر الجديد ( وظبعا هادي الأيام مافي حتى نقل , كل شي ينباع جاهز)

وأكيد اللي قالوا لك ان الإدارة أسهل , هم واحد من اثنين ... يا إما إنهم على شاكلة وحدة من المراقبات اللي عندنا , اللي على طول قاعده بمكتبها سوالف وقهوة ,, ومسوية علي انها صاحبة خبرة في العمل ( تقوللي الشغل مافيه غير اخذ غياب فقط ) !!!
ايه . صح , صح , يصير خير .... :dry:
على بالها أنا ما شفت مراقبات قبلها , ولا شفت سجلاتهم , ولا شفت ايش كانوا يسوون ,, ولا كيف كانت تقيمهم المشرفة الإدارية , وبكل دقة ... :dry:
_ أو انهم على شاكلة وحدة اتعينت فمدرسة صغيرة , أو فيها إداريات كفاية , والمديرة ضابطة المعلمات صح , وكل واحد عارف شغله مزبوط ,, وكلهم إيد وحده وفعلا ( فريق عمل ) ... ساعتها فقط بيكون الشغل ما بقولك مررره مريح للمراقبة ,,, بس على الأقل بتسوي شغلها الأساسي وهي مرتاحة , وما يجي آخر الدوام إلا وهي مخلصة أشغالها بسلاسة , (وبأقل حرقة للدم والأعصاب) :dry: ...

بالنهاية ... أنا مهما اتكلمت أو وصفت , أكيد محد رح يقدر يتخيل الوضع مثل ماهو في الحقيقة ,, إلا شخص دقيق في عمله و ويعرف فعلا حجم الشغل حق المراقبة ... ويعرف كيف يكون الوضع مع الإدارة لمن تكون إدارة غبية وماعندها تخطيط ,, وكل شي فيها (((عشوائي ))))....
لأني متأكدة ان مديرتي (الفله) هي نفسها ماتعرف ايش حجم الشغل اللي عندي ,, ولا تعرف عدد السجلات والنماذج اللي المفروض اني أشتغل عليها... وحتى المراقبات القديمات (يا زعط) اللي معي ماهم عارفين حجم الشغل اللي عليهم وشغلهم كان كله عشوائي ,, ونايمين في العسل نوم ... أو يمكن عارفين حجم الشغل صح بس يسووا نفسهم مو عارفين عشان ما يفتحوا على نفسهم باب لأعمال أكثر ..



ومطبقين المثل ( لييس , يطلع كويس )

مدرستنا مافيها غير. اداريتين واحده كاتبه وتوزع الخطابات ونوقع عليها
ووحده مراقبه يعني مافي اداريات كثير وفيه وحده تكتب ع الكمبيوتر جايبتها المديره عندها
يعني عجز بالاداريات لكن قالت لي واحده منهم ولا افكر ارجع تعليمي
وبعد المناوبه علينا يالمعلمات مالهم شغل الاداريات ،،
عشان كذا باستخير واشوف وانتي انقلي من مدرستك ان شاء الله تروحي مدرسه فيها
عشر اداريات وترتاحين من الشغل..