اولا لازم ام الزوج تقتنع انو ولدها كبر و صار بحاجة انو يستقر مع زوجتو
مالو داعي تزوجو و تتدخل في حياتو و لازم تتذكر انو زوجها قبل ابنها ترك بيت اهلو عشان يستقر معاها
و هذي سنة الحياة
انا اقصد بكلامي هذا بعض الامهات الله يهديهم لانها تتدخل بشكل مرة سيء في حياة ولدها و تظن انو هو من حقها وحدها
ما ننكر انها امو و تعبت فيه و سهرت عليه بس هو من حقو يتخذ قرارتو و يشوف حياتو و يعيش مع زوجتو بسعادة بدون ما تفرض عليه رايها
بالنسبة للزوجة لازم تعرف انو زوجها مو ملك لها وحدها مو معناتو تزوجها خلاص ينسى اهلو
لازم تحط في بالها انها تعامل اهلو و خصوصا امو بما يرضي الله و لا تنسى انو مصيرها تكون ام و اللي عملتو في ام زوجها راح تشوفوا من زوجات اولادها
و المفروض يكون تعاملها رسمي مع زوجها قدام اهلو و بلاش حركات كيد الحريم لانها في الاخير راح تجي على راسها
بالنسبة للثنتين اتمنى انهم ما يدخلوا الزوج او الابن في مشاكلهم لانهم الثنتين زي ما بيقولوا عينين في راس
و هو راح يكون ضايع و مشتت لانو ما يرضى على الثنتين
غير انو الزوجة راح تحط نفسها في موقف بايخ لانو في الاخير راح يصف مع امو حتى لو كانت غلطانة
الوحدة تحط عقلها براسها تعرف خلاصها و لو كل وحدة فيهم اتقت الله و عرفت حدودها ما راح نشوف باءذن الله مشاكل
شاركو نا بحل يرضي نفسية ام الزوج ــ وزوجة الابن ــ تفضلو ــ
متابعة النقاش، صفحة 4