الموضوع مغلق

التعاقد - تم دمج المواضيع الخاصة بالتعاقد

السلام عليكم
اخواتي انا خريجة لغة انجليزية من ثلاث سنوات ( بس للأسف تقدير مقبول :( ) ودبلوم حاسب الي تقدير امتياز ( مو بفلوسي ......:42: )

المهم من فترة شاغلتني فكرة التعاقد لعدة اسباب
اولها : تخصصي فيه احتياج كبيييييير
الثاني : انه سمعت ان المتعاقدات ممكن يتثبتون على هالبند خاصة معلمات اللغة الانجليزية
الثالث : التعاقد افضل من المدارس الاهلية
الرابع : ممكن اتعين في مكان قريب من بيتي براتب معقول 2500 ولا يرموني باخر الدنيا ويعرضون حياتي للخطر مقابل 4000

اول شي عطوني رايكم بهالكلام وعلقو عليه اذا صح او غلط
وثاني شي احس اني متخوفة ومترددة لاني لاحظت انه معلمات كثير على هالبند يشتكون ويندبون حظهم اخواتي ابيكم تعطوني السلبيات والايجابيات في التعاقد وتذكروووووووووا ان اراءكم رح تربط قراري وقرار غيري في التقديم عشان كذا حبيباتي مانبي مبالغة في اظهار السلبيات او الايجابيات في الموضوع حتى يكون مرجع لكل وحدة تفكر في التعاقد
وفيه سؤال بعد تعتقدون ان تقديري ممكن ياثر في الموضوع

والله العظيم كل وحدة ترد علي لادعيلها بالثلث الاخير من الليل بالي تبي وترا مساعدتكم هذي مهيب هينة وجزاكم الله كل خير

102 تعليق 13,429 مشاهدة

شاركي في النقاش

سجلي الدخول لإضافة تعليق.

التعليقات

97
  1. @mokatshyno

    شوفي اختي
    انا جربت اهلية وجربت تعاقد
    الأهلية كانت قريبة وراتبها 3000
    والتعاقد بعيد شوي وحي فظيع سكانا وموقعا وراتب 2500
    صراحه التعاقد اهون مليون مره
    وحظك انتي والادارة الي تطيحين فيها
    ممكن يعطونك حقوقك ويمكن لأ
    اذا كنتي تربوية سهل يحصل لك التعاقد

    بس ترى التعاقد معد هو مثل اول
    صار اغلبة في اطراف الرياض وبعضهم وصلوا الحاير وهيت

    الله يكتب لك الي فيه الخيره
    اذا عندك اي استفسار انا حاظرة خبرة في التعاقد 3 سنوات

    اخاف انسى ارجع للموضوع اذا عندك شي مهم ارسلي على الخاص
  2. هلا فيك أختي بالنسبه للتعاقد الي حاصل الان أنهم يحاولون يجددون لهم في القرى البعيدة الي ما ترضى فيها المتعينه رسمي يعني نص الراتب يروح للسواق
    وبالنسبه للتثبيت لهم كم سنة واحنا نسمع عنه وما شفنا شئ
    اما اذا كان تقديرك يساعد ؟التعاقد الان ما يصير الا بمفاضله لجميع المتقدمات
    واذا تبين نصيحتي :اذا حصلتي وظيفه رسميه لاترفضين واذا ماحصلتي وقدرتي تتعاقدين . تعاقدي اقل حاجه تاخذي خبرة
    واعذريني اذا طولت عليك
  3. @rsyl

    طيب كيف تعاقدتوا؟ ومتى؟
    أنا هذا السؤال بيجنني لأني متخرجة حاسب من 6 سنين واللي بعدي كلهم تعاقدوا..!!

    أدري عن طريق إدارة التعليم.. لكن الرجال وإلا الحريم؟ ومتى يفتحون؟
    وكيف أدري؟
    أرجوكم ساعدوني.. جزاكم الله خير..
  4. @fraol121

    شوفي يالغاليه انصحك لوجه الله صلي لك ركعتين اخر الليل واطلبي من ملك السموات والارض ان ييسر لك مافيه الخير والصلاح فوالله لن يريحك سواه سبحانه........ نصيحه من مجربه ....... وبالله لاتنسيني من دعاك .........

تابعي تجارب أخرى من هذا القسم.