انا ماني قادرة افكر قلت مالي الا بنات حواء وبالاخص الي تزوجت//اكتفى من الردود

نصيحه ارفض

ترا مسوليه مو بسيطه فكر كثير قبل تقرري انتي الحين تدرسين واذا تخرجتي بجيك اللي افضل

الحين انتي ٢١ ليه مستعجله انا تزوجة وعمري ٢٥ وبعد الجامعه بسنه

اذا قبلتي تاكدي انك مارح تكنين زي غيرك اول شيء من اول شهر وانتي تربين وتشيلين وتحطين في الاطفال وغير زوجك واهله بصيرون يراقبونك كيف تعاملك مع الاطفال لان الكل يخاف من العمه ومهما سويتي حتى لو رفعتي صوتك عليهم سوو منها سالفه

انا مع اذا الوحد تعدت الثلاثين تقبل بالمطلق ابو العيال لان فرصها بزواج تقل كثير بس غير كذا لا

ياعمري

عمرك صغير

حسيت ان الرجال اناني يدور مصلحته وبس

هو مجرب ومطلق وعنده اطفال

وانت توك شابه في بداية العشرين وقدامك فرص باذن الله

ليه تدفنين نفسك مع اطفاله ومسئوليه ؟

بكره تروح الطفره وتجي الفكره

بكره يقابلك اسبوع اسبوعين يقالك عروس ثم يرمي عياله عليك تصيرين ام لا تطلعين الا فيهم ولا تجين الا فيهم ولا تمشيات الا معهم

ولا سفريات الا معهم

انت مسئوله عن تربيتهم واكلهم , نومهم , تعليمهم والدراسه

واذا رفضتي قال عنك ما تحبينهم ولا تبغينهم ويبدا اسلوب الزعل عليك واللي ما يبي عيالي ما ابيه وانت خلاص بتكونين طاحت الفاس بالراس ما تبين الطلاق وودك تعيشين بدون نكد وينفرض عليك واقع مالك اي ذنب فيه

اللي بوصل له اذا عندك قدرة نفسيه وجسديه وعقليه انك تكونين ام

وحطي ببالك

* زوجته ممكن يرجعها لاي سبب ولا يهمك الوعود قبل الزواج ترا بكره بينساها

* بيقولك انك مالك دخل باولاده مثلا بيخليهم عند جدتهم او امهم ~~ حطي ببالك جدتهم بكره تقول ما ابيهم بعد كم شهر من الزواج

والا امهم من قهرها على انه تزوج ترميهم عليه عشان تضغط عليكم وتنكد عليكم او حتى علشان تتزوج وتشوف نفسها .


يعني بصراحه الوضع بالنسبه لك سلبي ولا اظن فيه بنت بكره بعمرك بترضى بمثل هالحياة والمسئوليه
والضغط

عمرك 21 ليش تاخذي مطلق الا اذا مواصفاته خرافية اما اذا عادي لا لا تاخذيه

لو بنتي ما اقبل ابدا
عمرها ٢١وادخلها تربي
ليه مالله حادني
رزقها بيجيها

الله يوفقك