السلام عليكم
يابنات تكفون
الله لا يحطكم بموضع الألم اللي احس به
والله متألمه يا ناس
تكفووون
سويت عند الدكتورة حنان بالمستوصف (ركن العلاج) اللي بالشفا
وسوت لي حشوه سنّين (اثنين من الاسنان يعني) وانكسرو والحين تعبانه مررره مررره منها
والله ألم لا يوصف
رحت لدكتورة ثانية اسمها (سماح محمد المصري) بالشفا بمستوصف المميز
وش اقول لكم؟ والله مجرد كشفيه بس
شافت اسناني وبدون بنج نظفت اللي فيه
وطلعت منها مرة متألمه
تقول انها الدكتورة اللي سوت لك قبلي نست تركب لك تلبيسه.. وبدون التلبيسه اثرو على اللثة والوجع كله في اللثه ماقدر اكل بسببها
وصفت لي على أدوية منها مضاد ومنها معجون ومضمضه
وتقول اصبري 5 أيام لين يروح الإلتهاب انتي اثنين من اسنانك ملتهبه
يابنات انا بموت من الألم
خايفه من ما انام الليل منه
تكفون ارحموني
والله عندي طفله عمرها شهرين تحتاج رعاية وانا الحين متألمه
ومتوهقه وراسي يلف بي
ارحموني
تكفون دلوني على دكتورة اسنان سنعه
الله يخليكم
وربي ابكي من القهررر
شاركي في النقاش
سجلي الدخول لإضافة تعليق.
التعليقات
15- يابنات حرام عليكم
على الاقل ارفعو الموضوع
لو كتبت موضوع عن اعتداءات او قضايا مجتمعية على طول تردون وتقولون "حسبي الله"
يابنات حرام افيدوني تكفون
او ارفعو الموضوع !!!! - ي قلبي والله ماعندي علم ولا كان آفدتك
الله يقوومك بسلامةةة وماتشووفي شر
ويحفظلك بنتك
حبيت ارفعلك مووضووعك وان شاءالله البنات مراح يقصروو
......../ - رفع
ماعندي علم ان شاء الله البنات بيفيدوكي - الله يشفيك يااااااارب
- ياعسل حطي اصبعك موضع الالم وكرري بسم الله 3 مرات وبعدها قولي 7 مرات اعوذ بالله بقدرتك من شر مااجد واحاذر
وباذن الله بيخف
بعدين الالتهاب باللثه يعني تحملي اسال الله لك الصبر والشفاء
اللثه ملتهبه مشكله كبيره حسبي الله عليها وشلون تنظف بدون ماتلبس او تحط حشوه ثابته
شوفي في طبيبه في مستوصف سند الجزيره في الدخل بس بصراحه ماادري وين بالضبط اتوقع مقابل القريه الشعبيه هي مصريه بس ماشاء الله هاديه وشغلها ماتحسين فيه
مواضيع مشابهة
تابعي تجارب أخرى من هذا القسم.