أنا أختك وأتمنى تنصحيني قبل زواجي ''

انا نصيحتي باحطها بنقاط:

* حبي نفسك ودلعيها وخليها رقم 1 في حياتك ولاتقدمين اي احد ع نفسك

* الابتسامة ثم الابتسامة ثم الابتسامة

* خليك غامضة قد ماتقدرين ولاتتعاملين مع زوجك زي ماتتعاملين مع اختك او صديقتك
انتبهي مهما كان ومهما سمعتي من كلام عن الصداقة بين الازواج هو ممكن يكون فيه صداقة بس من نوع آخر مو زي صداقتك مع البنات نهائياااا
واهم شي حسن النية يعني اذا صار موقف قدامك حتى لو الموقف شفتيه في الشارع لا تقدمين سوء الظن ابدا خليك دايم محسنة الظن بالناس كلهم طبعا هذا يفترض يكون عادة عند الكل ومع الكل لكن انا اتكلم عن زوجك لما يشوفك دايم محسنة الظن بيشوفك بريئة وبعيدة عن الكيد ..

* اهله اتقي الله فيهم وعامليهم بكل طيبة وحب لكن لا تجاملين ابدا ع حساب نفسك ولاتقولين اخاف يزعلون
بالعكس اذا عودتيهم من البداية ع طبعك الطيب وانك اذا ماناسبك شي اعتذرتي عنه بكل لباقة خلاص بيعرفون لك وترتاحين بحياتك
وانتبهي تعطين احد سرك مهما شفتي ان علاقتكم ممتازة وخاصة زوجات اخوانه خلي علاقتك معهم سطحية جدا سلام وسوالف وضحك بمواضيع عامة لاتجيبين طاري زوجك نهااااائيا ولاتخلين احد يعرف طبيعة علاقتك معه وكيف تعاملكم مع بعض.

* اللي داخل بيتك مايطلع نهاااائيا لا لأهلك ولا لأهله ولا لأقرب صديقاتك
مهما كانت الظروف وخااااصة بوقت المشاكل لاتقولين لأي احد عن اللي بينكم وخاصة اهلك وامك بالذات ترى الاهل مهما كان من حبهم لبنتهم بيتضايقون اذا حسوا ان زوجها مضايقها والمشاكل اللي بينك وبين زوجك بتلقينها كبيرة وسالفة وتتكلمين فيها وتفضفين وبعدها بكم يوم تصلحين مع زوجك وتنسين الموضوع ويطيح الحطب لكن اهلك مابينسونه ابد وبيشيلون عليه وبيكرهونه ولو مابينوا لك
لذلك انتبهي حتى لو وصل الأمر انك تمثلين انتي واياه قدام الناس بوقت مشكلتكم انكم زي العسل
وعوديه ع كذا بترتاحين وتكبرين بعينه وبيثق فيك ..
والله يوفقك

اهم شي لا تعطينهم اسرارك واحترمي امه

والله ماش مدري شلون نسمع نصايح غيرنا وهم اساسا مشاكلهم كثيره مع ازواجهم يعني كيف تجي وحده حياتها فاشله وتنصح غلط

ياليت اللي حياتها ناجحه هي اللي تنصح عشان الفاشله تسمع منكم كود تعدل حياتها مع انها راحت عليها لان الزوج على ماعودتيه

الله يوفقك

وان شاء الله تفيدك نصايح البنات