لو تقدم لك اللي خطبني "اتمنى اجابه صريحه

ابي استشيركم بسالفه صغنونه بس مأثره على نفسيتي
قبل حوالي 12يوم بالضبط خطبوني ناس وكان اسلوبهم بالشوفه ناشف وماجابوا سيرة شي بس اهل الخاطبقاموا يمدحوا بأمي وبشكلها وترتيبها للبيت وانتهى '''طلعوا من البيت انا بخاطري قلت اكيد مافي نصيب وفعلا يوم ثاني دقوا قالو مافي نصيب صحيح انا تضايقت منهم لاني كنت واثقه من شكلي وماتوقعت انرفض هالشي اثر علي بس المفاجاه انهم اليوم الصباح دقوا على امي وقالوا حنا موافقين استغربت انا قلت لأمي المسأله مسألة كرامه انا مو موافقه والموضوع اعتبريه منتهي صحيح ولدهم انسان كويس والناس تمدح اخلاقه بس اسلوبهم غلط اتمنى تجاوبوووني واعتبريني نفسك"لو قالو مانبيك ورجعوا بعد فتره ووافقوا ايش ردة فعلك:heart:

152 تعليق 14,803 مشاهدة

شاركي في النقاش

سجلي الدخول لإضافة تعليق.

التعليقات

148
  1. @am_aabdalkrym_2020

    مااقدر اقولك وافقي او لا اقدر اقولك استخيري
    بس لو انا مكانك ماراح اوافق وكل وحدة لها شخصيتها ونصيبها
    ربي يرزقك بالزوج الصالح
  2. @bnt_zayd_29

    لا والله ما راح ارضها ع نفسي .. ولا يمكن اوافق ..

    لكن الافضل استخيري ماتدرين وش يكتب الله لك ..
  3. ولا انا ماراح اوافق
    الدعوة ع كيفهم يعني!
    والا انا لعبة عندهم!
    والا نصيبي موقف ع ولدهم ان ماخذته جلست وبيتكرمون علي!
    اصلا لو هذا لو خذته ماراح انسى حركتهم معي طول عمري!

    عموماً هي ارزاق واذا ربي كاتبه لك بتاخذينه حتى لو ماوافقتي
    الله يكتب لك اللي فيه الخير
  4. @amnyat_tthkk_1

    من جد أنا لو مكانك مستحيل أوافق المسألة مسألة كرامة

    وخلي أبوك أو أمك يقولون لهم سبب الرفض عشانهم رفضوك وبعدين رجعوا بكلامهم

    ناس تقهر