زوجي يقول أخوك لا يجي و انا مو موجود

السلام عليكم
أخواتي وش أسوي مع زوجي
قبل شوي قهرني قهر و الله حابسة دموعي ما أبي أخوي يشوفها
أقول لكم السالفة أخوي موظف با مدينة تبعد عني ساعة وحدة بس
أخوي قليل الزيارة لي يعني يمكن في السنة مرتين أو ثلاث يمر في بيتي بس أكثر المرات نلتقي في بيت أهلي في مدينة ثانية
المهم آليوم زوجي راح الدوام مثل كل مرة وهو يقفل الباب الخارجي
دق علي أخوي بعد ما داوم زوجي و قال افرشي لي فراش ترى انا تعبان فيني نووم
قلت له حياك بس الباب الخارجي مقفل قال دقي على زوجك إذا يقدر يطلع يفتح الباب و يروح
دقيت عليه
و قام ينافخ هو ليه يجي با ها الوقت المتأخر و ليه ما يدق من اول قلت له عاد وش نسوي يمكن مو في باله ينام و الحين ما يقدر يسوق
و قال طيب أشوف و بعد ربع ساعة قال انا جاي افتح الباب
دقيت على أخوي و قلت له تعال
قال طيب
زوجي فتح الباب و رجع للدوام
و شوي دق وقال هو جا
قلت لا للحين
قام ينافخ و يعصب و قال مرة ثانية قولي لاخوك لا يجي و انا مو موجود
قلت ليه هو وين جاي جاي بيت أخته
قال عاد اللي سمعتيه
قلت يعني طردة
قال طردة طردة مثل ما قلتي
و انا أسكر با وجه
و كنت أبي ابكي بس مسكت نفسي لا يشوفني أخوي با ها الحالة
شوي إلا يدق علي زوجي
اقسم با الله كنت اعتقد انه داق يعتذر
إلا يقول ليه تسكرين با وجهي
قلت من الكلام اللي قلته
قال المهم مثل ما قلت لك لا يزعجني مرة ثانية
قلت له خلني ساكتة أحسن ما أسوي مشكلة
قام يتمهزا فيني و يقول يا الله وريني وش با تسوين و سكر با وجهي

المهم انا مسكت عن نفسي البكا و الرد على زوجي و الحين أخوي نائم با مجلس الرجال وهو راح يمشي قبل زوجي لا يجي من دوامه

مع العلم زوجي معاملته صايرة حيل قاسية معي من اربع شهور
و انا أحس الوضع معه لا يطاق
انا حامل با التاسع و ما بقى شئ و أروح أولد عند أهلي
و الله با بنات ما يحرمني و انا الحامل و عندي بنت يحب يقومني و يقعدني و با يهتم با راحتي
طلبته أبي أجيب شغالة با الساعة تساعدني با تنظيف البيت قبل لا امشي للولادة
وهو رافض
يقول أتزوج ولا تدخل شغالة بيتي

بنات كيف أتصرف معه أتحمل كل شئ إلا أهلي
ما أبيه يتمادى عليهم
شوروا علي

90 تعليق 17,096 مشاهدة

شاركي في النقاش

سجلي الدخول لإضافة تعليق.

التعليقات

88
  1. @am_alshhd1

    خير ياطير
    هذا اخوووك مو واحد غريب
    انتي تصرفك كان صح يوم ماراددتيه وهو معصب اذا جاء تفاهمي معه ليش بيمنع اخوك واهم شي لاتحسسي اخوك انه فيه مشكله بينكم
    الله يكون بعونك ويفرج همك وييسر لك ولادتك
  2. @cat_women_2010

    وليش مقفل الباب الخارجي وانتي مامعاكي نسخه من المفاتيح؟؟

    هذا غلط وخطر عليكي لاسمح الله شب حريق في البيت تجلسي محبوسه؟

    انا استنتاجي انه زوجك شكاك والدليل انه رجع اتصل وقلك هو جا ولا لسى...

    مافيه شي يخليه يتضايق من اخوكي اللي جاي ينام ويمشي...

    لكن انتي اطلبي نسخه لمفتاح الباب وشوفي رده...
  3. @am_shrf_1

    اككككككككككككككره الحرمه الي ترضى زووجها يقفل عليها الباب ويطلع ويحبسها زي الغنمه بالبيت هذا بدااااااااااااااااااية الغلط لاتزعلي خذي منه مفتاح وسمع الله لمن حمده

تابعي تجارب أخرى من هذا القسم.