امي واخوتي

خواتي ودي اعرف كيف تعامل امهاتكم معكم ىسواء مع الاولاد او البنات انا راح اخبركم عن امي وتصرفاتها الله يعطيها طول العمر امي والله حزنانه عليها عصبيه جدا وتبغى كل شي على كيفها تخيلوا اخواني متزوجين وعندهم اولاد وبعضهم اولادهم بالثانوي بس امي الله يهديها بعض المرات اكون انا عندها جالسه يدخل اخوي يسلم عليها ترد بصوت ماينسمع وهي منسدحه ماتقوم اذا دخل اخوي عليها يسالها كيفك ترد بصوت منخفض جدا ويجلس عندها هوساكت وهي ساكته ماتسال عن عياله ولاشي وبعدين يقوم ويروح لبيته وهذي طريقه امي معنا انا ودي اذا دخلوا عليها تقوم وتجلس وترحب فيه وتتقهوي معاه وتسولف وتطلب اللي تبغاه مثلا تقوله ياوليدي الله يرضي عليك شف لي سباك يصلح الحمام لا امي ابدا ماتعرف ذا الطريقه يعني اخواني اذا دخلوا علي امي ماتعرف غيرطريقتين للتعامل معهم الاولى تحقرهم والثانيه تدقهم بالكلام انا ماعندي احد يجيب لي اغراضي وانا وانا يعني ترفع ظغطهم وتطفشهم وانا يااخواتي ماشوف اخواني مقصرين ابدا معاها يسون اللي يقدرون عليه بس هي طلباتها بعض المرات تعجزيه يعني تخيلوا يوم العيد تقولهم هاتوا كهربائي يصلح الغساله يقولها ياميمتي من وين اجيب كهربائي بالعيد عندهم اجازه تقوله لو بيتك جبت الكهربائي يفهم فيها وهي ماتفهم اخر شي طلع وهو ماتقهوى تحسبون امي اذا بغت شي تصبر الين يتقهون او يتغدون وبعدين تطلب طلبها بعض المرات اخوي تكون زوجته عندها اهلها ويدخل يبغي يتقهوى ويسمع كلام يسم البدن ويطلع ماشرب فنجان القهوه انا احزن جدا على اخواني وخواتي وامي اذا رحت لها بس تتشكى فلان ماجاء وفلان سواء وزوجته راحت ووووووو الين ينتفخ راسي من المشاكل وهي اشياء تافهه بس امي تحب تعقد الامور نفرت اقرب الناس منها باسلوبها شايله همها بكرا اذا كبرت وين تروح ماراح تتحمل احد ولااحد يتحملها انا اقارن امي بام زوجي انا متزوجه من 12 سنه اذا رحت عند خالتي تستقبلني ببشاشه وتفرح بدخله ولدها وعياله واذا تقهوينا وانبسطنا طلبت من ولدها اللي تبي وبعض المرات تدخل هي وياه بغرفتها ويخلصون هرجتهم ويطلعون وهم يضحكون

19 تعليق 3,474 مشاهدة

شاركي في النقاش

سجلي الدخول لإضافة تعليق.

التعليقات

18
  1. @tmohh_3_1

    طيب اجلسي مع امك قولي يمه ليش ماتسوين كذا مثل ام زوجي تسوي وتستقبل وتروح وتجي وعايشه حياتها ومتحب المشاكل والزعل والفي سالفه
    يمكن تنتبه لنفسها ترا امك مسكينه وحبيبه بس ماعندها اسلوب والسن هذا تحس ان مالها اي اهميه في الحياه اخاف امك دخلت مرحله الياس
    انصحك تسولفين فلانه تسوي كذا وامدحي اخوانك وعلميها ترا انتي تضلين بنتها وماراح تزعل منك منتي غريبه
  2. @alaaod_almnthor

    الأم أم
    لو شو ماصار
    وهي حرمة كبيره وتعبت فتربيتكم وكبرتكم
    ممكن في اشياء تطلبها مثل السباك اللي يوم العيد هالشيء مفروض تعذرونها حرمه كبيره وتفكيرها غير
    ومب مهم القهوه والغذا ما اشوف انه اذا ما اتقهوي اخوج هذي نهايه العالم ولا لازم هي تقوم له خليها نايمه
    الحمدلله انها بينكم حتى لو تصرخ عليكم وتضربكم في ناس تتمنى امهاتها معاها حتى لو اسلوبهم يزعل
    اسمحيلي اذا ردي كان قاسي لكن كله ولا الام يا اختي
  3. @alm_oaashnah_5

    امممممممممم امك كبيرة صعب تغيرووا طبعها صعب

    الحل إنك كل يوم في الثلث الأخير من الليل افرشي سجادتك وصلي ركعتين وادع لها باللي تتمنيه فيها

    حاسة فيك بس خلاص لا تقارني امك بأم زوجك كل وحدة لها طبعها وطريقتها مع أولادها

    إذا جلستي تقارني راح تتعبي ماتدري كيف كانت طفولة أمك ترى له دور!

    انت واخوانك حاولوا تغيروا من تعاملكم معاها مثلا أخوك بدل ما يجلس ساكت يجلس قدامها ويغيير من أسلوبه مثلا يطالع في وجهها ويمزح معها ويجلسها بنفسه ويسلم ع راسها ويقول لها الله لا يحرمني منك ويجيب لها حكاوي توسع صدرها ويقول لها اش نفسك اجيب لك ويسألها ان كان محتاجة ششيء واش عندك خربان اسويه لك خلوا المبادرة منكم ليييييييين تتغير صدقوني راح تتغير بس غيروا من نفسكم وادعوا الله يعينكم وادعولها وثقوا ان ربنا راح يستجيب لكم و الله لا يضيع أجر من أحسن عملا


    الله يسعدكم ويصلح أحوالكم يارب
  4. @alm_oaashnah_5

    اما الكهربائي كان اخوك مشاها لها وخرج من البيت ورجع يقول لها الكهربائي في اجازة عشان العيد بس يطيب خاطرها
  5. @dlaa_shrky

    • امك تعبت عليكم اطفااااال والان انتم كبااار ولسه تبونها تعطيكم
    • وليش ماتسوي مثل ام زوجي واللي ودكم فيه اسالوا امكم وش مضايقها دلعوها اشد من تدليعكم لعيالكم اللي بتسوونه لها بكرا عيالكم يسوونه لكم قريت موضوعك تمنيت تتكلم عن هدايا ولييش اخوانك ما يتقااطون ويجيبون لها طقم ذهب وانتم يالبنات عطورات وسجادات وملابس ومثله يوم سيري عليها معاك حنا وامدحيه لها وانتي فعلا جيبي لها زين
    • اختك الثانية تجيب كريم جسم وتقولها يمه ممتاز للرجول واليمين بعدك شباب
    • طلعوها للبحر او للبر عطوها جوها يوم خذيها وخلي اخوك يوديك لوحده كمن صديقاتها بشبابها انتم تعرفون وش يونس امكم سوووه
    • مو تهاوشكم وتسكتون واصلا القهوه مفرووض اخوك يجيبها ويدلعها يقولها فلانه سووت القهوه وانا قلت لها قهوتي مع امي احلى
    • جيبوا لها سووالف قبل واسالوها عن عالمها قبل وامدحوا جيلها الا فيه اكلات تحبها والا فيه سوالف تحبها والا فيه اشيااء تحبها دوروا وش يونس امكم سنين تعبت عليكم وهي تعطيكم الان انتم عطوها ولا تطلبون منها المثل ولا تقارنونها باحد
    • وشجعي امك تدرس بمركز قراان راح تنبسط وتتونس

تابعي تجارب أخرى من هذا القسم.