الشغالات هل نحن السبب وراء حقدهم وكراهيتم وانتقامهم
من بعض الصور والمشاهد التي مرت علي واثرت في داخلي لظلم الشغالات واحتقارهم وذلهم ومن هذه المشاهد اقتبستها من هنا من هذا المنتدى تحديداً
احداهن تسال: شغالتي لها كم يوم تنام من دون لحاف ومخده هل اشتري لها واخصم المبلغ من راتبها نهاية الشهر او انتظر حتى نهاية الشهر اوديها تشتري من راتبها.
سبحان الله الحيوان وهو حيوان تكرمونه اكثر من الشغاله. هل هذا الموضوع يحتاجله سؤال! حرام عليك يا بنت الناس هذي انسانه لها كرامتها كانت عايشه في بيت وكان عندها غرفت نومها اللي تنام فيها وعائلة وتركتها وتغربت عشان لقمة العيش. معقوله تتركيها تنام على الارض من دون لحاف
مشهد اخر
وحده تقول قبل تروح شغالتي للاجازة اخليها تنفظ البيت نفظ وتنزل الستائر وتغسلها وترجع تعلقها وتغسل الشبابيك والاحواش والسطوح وتنظف البيت شبر شبر.
بالله هل هذا تعامل بشر فين خوف الله. مافكرتي ان هذي امراة مثلها مثلك ماحدها لهذا الشي الا ضعفها وحاجتها. امراة تحمل وتولد وتحيض. ليش المعاملة القاسية تعامليها وكانها آله قذره
واللي تقول احنا لمن نروح المطعم ناخذ الشغالة عشان تمسك العيال وتنتبهلهم في اكلهم لكن صراحة ما نطلبلها. تستخسروا حتى الاكل والشرب فيها! يعني بامانه لمن تشوفكم تاكلوا وهي جيعانه ونفسها في الاكل اللي تاكلوه هذا مو سبب كافي حيخليها تحقد عليكم.
واللي تقول شغالتي اخليها كل اسبوع تنظفلي رجولي تسويلي بودكير وتشللي الشنطه مكان ما رحت وجيت.
وبعضهم يخلونهم ينامو في المطبخ
طيب ليش جبتيها وانت ماعندك قدره والا امكانية!
اعرف وحده وقسم بالله كانت معصبه من موضوع خاص فيها رمت غلاية المويه الحاره على الشغاله
وغيراللي تضرب شغالتها وتصيح عليها لاتفه الاسباب غير ان كثير من الشغالات ساكنين مع ناس بالفعل مرضانين نفسيا ومختلين عقليا ومتحملين وصابرين عشان لقمة عيشهم وكمان يتعاملو معاملة سيئة وكانهم حيوانات
واللي تقول اخذ منها الجوال واقفل عليها الباب وارفع المفتاح ...
مافكرتي انها زوجه وام تحتاج تتكلم مع زوجها واولادها وتطمن عليهم وتكلمهم وقت ما تشتاقلهم من غير قيود
واخيرا رجاء ماتيجي وحده مطفيه الانوار وتعارض كلامي لمجرد المعارضه
راجعو نفوسكم وحاسبو نفوسكم قبل ان تحاسبو