قروب توفير المعلمات بلاجمعيه بلا خرابيط

موضوع شيق انا لي كم سنه معلمه اول شي دخلت جمعيه مع زميلاتي وكانت حلوه تقريبا 20 الف اخذتها بس اخذتها اخر وحده ع العطله الصيفيه فطاااارت الحمدلله اهم شي مانحتاج لاحد بعدين بطلت ادخل جمعيات فتحت حساب ثاني بنفس البنك وصرت اللي يبقى من الرتب احوله عليه واحيانا اول ماينزل راتبي احول مبلغ بس اذا احتجت سحبت
طبعا احاول اوفر من راتبي اللي اقدر عليه لان زوجي عليه قروض
وقدرت اوفر مبلغ حلو وساعدت اهلي بجزء ورجعت اجمع عشان نسوي عملية الانابيب والحمدلله ربي يسرها وسويتها والحين انا باجازه ان شاء الله اذا رجعت للدوام ارجع اوفر او ادخل جمعيه هذي خلاصة تجربتي دعواتكم لي ان الله يتمم علي

معليش حبيبتي بس الجمعية مو خرابيط بالعكس الي ما تدخل جمعية او تربط نفسها بشي اجباري هي الي بتضيع ..لأن معروف ما دام في يدك فلوس راح تصرفيها.. وكل شهر تقولين توبة ...والشهر الجاي راح اجمع وتروح السنين وانتي ما جمعتي ولا قرش!!!!!والمشكلة اخر الشهر تفتحين دولابك ما تلقين شي اشتريتيه ذا اهمية.. تفتحين درج المجوهرات والساعات ما تلقين شي.. تفتحين درج الميك اب ما تلقين شي .. طيب وين راحت فلوسك ما تدرين.. كلها قطات ومطاعم وخرابيط مالها معنى.

مشكورات يابنات على الردود انا جربت موضوع الحساب بدون بطاقة صراف بس ماصبرت صرت احول من الحساب لحسابي الثاني الجمعيه ماجربتها أخاف تطير فلوسي بس شكلي بجرب الجمعيه مع خواتي انتظركم

ان مثلكم فشلت فشل ذريع في الادخار ولكني املك اربع اراضي وسياره وعندي سواق ادع راتبه وعندي اطفال ماشاء الله تبارك الله وكلهم مسوله عنهم مسؤوليه تامه ماشاء الله رب الاسره مو فاضي لخرابيطي على قولته

ادفع لامي شهريا الف ريال اذا رحت السوق اشوف وش ناقص بيتها ما احبها تمد يدها لاحد وانا موجوده اتمنى اشتري بيت اتمنى راتبي فوق 10000 الاف بس للاسف


اخيرا توصلت لفكره وهي فتح احساب ادخار وقسمة راتبي قسمين بس للاسف احيانا احول من هذا لهذا بس لازم اتادب

ايضا فتحت حساب جديد وشهريا ينزل فيه 1000 ريال علشان اذا جمعت مبلغ وقدره رحت وشريت ذهب اصفر مافيه افصوص وخرابيط واذا ارتفع الذهب بعتهم وهذا اللي عندي بس جد هالايام التوفير هو اللي مشغلني احيانا اقول اروح للبنك وخليهم يشترون لي بيت بس طبعا الفوائد بتصير مرتفع اخواني رافضين الفكره يقولون البنك ياكلك

رووووووووووووووووووووووعه بصراحه
موضوع يستحق المناقشة
والله ياخوات السالفة وكل مافيها العين على رواتبنا فقط لاغير
لو تلاجظون اللي راتبها اربعة زي اللي راتبها اربعة عشر الف كله رايح
نسأل الله البركة