تعالي اكتبي قصة عشتيها أو سمعتيها من اغرب ما يكون/ تعدى الحد المسموح له من االردود

Qweenيا الله بعض الأمهات سبحان الله ما تفكر إلا بنفسها مدري عاطفتها وين تروح خساااااااره فيها كلمة ماما

رفع

اصلا كل وحده تكون شعله من النشاط وحلوه ومرحه زوجها يكون مريض مريض ويغار منها ويدمر حياتهااللهم دمر كل الرجال. ييارب
والقصه الغريبه ومن الخيال
انو صديق ةوجي
اشنرى ولد ب3 الاغ ريال من اهلو عشان ماكان معاهم حق المستشفى. وباعو ولدهم عليه والحين صار ولده والولد مايعرف الى الان
وين قلبهم ما اعرف

باقول لكم قصه طويله شوي وغريبه مرره
لكن والله العظيم حقيقه صارت في مكه و والله اني اعرف اصحاب هذي القصه شخصيا
وباحط اسماء وهميه عشان تفهمونها


قبل اكثر من 40 سنه نوره و فاطمه حرمتين حوامل بالشهر التاسع
فاطمه < من اصحاب البشره السمراء
نوره < من اصحاب البشره البيضاء

قدر الله انهم يروحون لنفس المستشفى وبنفس اليوم و يولدون ويجيبون بنات كلهم
(نوره جابت امل ) و (فاطمه جابت ليلى)

بذيك الايام كانت الرعايه الصحيه لك عليها وحصل خطأ طبي في تبادل الاطفال

نوره كانت سليمه مافيها شي وطلعت من المستشفى واخذت معها ليلى < اللي هي بنت فاطمه بالاصل
فاطمه مريضه وتنومت و منعوا عنها بنتها عشان ما ينتقل لها المرض


نوره يوم راحت البيت ومعها بنتها سمراء قالت لام زوجها مدري كيف جات كذا
قالت لها ماعليك تكبر تتغير وانتي متوحمه على الجاريه < تقصد العامله اللي كانت عندهم
وكانت عائله زوج نوره عائله غنيه جدا وللآن ماشاء الله تبارك الله

بعد 3 اسابيع جابوا لفاطمه بنتها وشافتها وعرفت انها ماهي بنتها
قالت لزوجها هذي ماهي بنتي قالها انا عارف وانتي عارفه لكن وش نسوي ؟ومن وين نجيب البنت اللي راحت ؟
مابيدنا شي نسويه غير اننا نوكل امرنا لله ونربي هالامانه اللي عندنا
وكان مستواهم المادي شبه سيء


ليلى - بشرتها سمراء - وكانت تحس بالفرق بين اهلها تقول احس اني غريبه بينهم
راحت سوت عمليات تجميل في مصر وتفتيح لون بشره و تنعيم شعر

امل - بشرتها بيضاء - اهلها اللي ربوها قالوا لها الحقيقه بعد ما توفى ابوها اللي كان مربيها
واذا ما تبي تقعد عندهم بيودونها الرعايه الاجتماعيه عشان يبرون ذمتهم

قعدت امل عند اهلها اللي ربوها وتزوجت ولد عمها بالرضاعه وجابت منه ولد نسخه طبق الاصل منها مافيه ولاشي منه ابوه
وكانت تحاول انها توصل لاهلها الحقيقين باي طريقه بس ما قدرت

زوج امل نقلوه للرياض وصار عندها وقت فراغ كبير وقررت انها تقضيه بالتحفيظ للقران
صارت تروح وتاخذ ولدها محمد ابو 3 سنوات معها


تعرفت على الناس وكونت علاقات حلوه خصوصا مع المعلمه اللي تدرسهم وكانت من مكه وعايشه في الرياض
قالت لها انتي مره شكلك مو غريب علي تذكريني بناس يعرفون اختي ونسيت امل الموضوع
ومره قالت لها انا اخواتي جايني زياره وابيك تشرفينا وتتعرفين علينا
فعلا راحت لهم امل ومعها ولدها وقعدت معه وسمرت عندهم

وحده من اخوات المعلمه تدرس في الجامعه قالت لها ولدك نسخه من ولد اخو صديقتي في الجامعه
حتى انتي والله لو ما اعرفك اقول انك اختهم
قالت لهم امل قصتها كلها وان ممكن هالناس يكونون فعلا اهلها
قالت لها البنت والله العظيم عندهم بنت سمراء اللي هي ليلى و باين انها ماهي بنتهم بس ما يقولون لاحد
تقريبا هنا شك امل صار اكيد بس تبي تاخذ رأي زوجها
وطلبت من المعلمه واخواتها انهم ما يتكلمون بالموضوع عند الناس اللي يشبهون لها الين تستشير زوجها بالموضوع

قال لها زوجها اعرفي منهم اسم وعنوان البيت وانا باشوف الموضوع بنفسي - الله يجزاه خير هو اللي سعى في الموضوع

بعد ما يقارب شهرين رجعت امل و زوجها و ولدها محمد لمكه عشان عيد الفطر و قالت لامها - اللي مرضعتها - عن السالفه
في هذي الفتره توفى ابو امل الحقيقي اللي هو ابو ليلى بالرضاعه وراحت لهم امل للعزا وشافتهم كلهم وشافت الشبه اللي طبق الاصل بينهم
وتاكدت انهم اهلها

بعد شهر من الوفاة تقريبا راح زوج امل لاهلها الحقيقين وقال لهم القصه وان زوجته بنتهم وما يبي منهم شيء
بس يبي اثبات نسب عشان لا تختلط الانساب وان كل بنت لازم تنسب لابوها الحقيقي
تقبلوا الموضوع و سووا تحاليل وزطلع كل شيء صح

ليلى رفضت ترجع لاهلها و رفضت نتيجه التحليل
اضطروا يسافرون برا عشان يتاكدون من نتايج التحاليل
حتى برا طلعت نفس النتيجه

امل اشترطت على اهلها الحقيقين لو بترجعوني بنسبكم ارجع بس زوجي ما اتطلق منه و وافقوا على شرطها
وليلى رفضت تمااااااااااااااااما انها ترجع لامها الحقيقه - مريضه نفسيا - الله يشفيها يااا رب ويلطف بحالها والله تكسر الخاطر


اخوان ليلى من الرضاعه ما هانت عليهم اختهم ومهما كان عاشت كل حياتها معهم
في توزيع الورث اعطوها نصيب كانها اختهم من لحمهم ودمهم بالضبط و امنوا لها مستقبلها


و توووته توته خلصت الحدوته
سبحان الله من كان يصدق ان هالقصه يبدأ اول خيط لحلها في دار التحفيظ
والله العظيم قصه حيقيقيه وكانها من مسلسل عربي
انا اعرف ليلى الله يشفيها و قريب اتعرفت على امل من جد اللي يشوف امل يقول هذي بنتهم كل شي فيها زي اخواتها


وسلاآآآآآآآآآآآآآآآآآآآمتكم

بنت ام احمد انا اعرف اهل البنت السمره سبحان الله. لما صار الزواج. قالو ولد صلحي اخذ وحده بيضه مره ومازيهم سمره. وترى البنت السمره جابوها بكلام نواعم. فعلا القصه محزنه وصدمه للبنتين.