انا اللي زوجي اجنبي وقتلكم طلعت من البيت .. تطورات سالفتي

ما فهمت اذا زوجك اروبي او بريطاني على كلامك ايش يمنع انه ولده ياخذ جنسية لو اتولد في الصين تصدقين ولد جارتي انولد في امريكا و امه و ابوه سعودين و ما اعطوه جواز ولا جنسيه عشانه مولود في امريكا !!!!! :icon29::icon29:
الا اذا من عوايدهم الولد ينسب للام هذا شي ثاني الله يعنيك !!

انا اخوي مولدود فمريكا بحكم انه ابوي كان يدرس هناك و عطوه الجواز الامريكي بس هذا كان فالثمانينات الله اعلم اا تغيرت القوانيين الحين
بالنسبة لسؤالج حتى لو لدت فاي مكان ولدي راح ياخذ جنسية ابوه بس هني فبريطانيا في فرق فالامتيازات والحقوق اللي الواحد يحصلها لو كان مولود فبريطانيا

عدنا احنا فالامارات ناس عندهم جنسية بس مافي خلاصة القيد يعني تقريبا شي جيه
و حتى فامريكا مثلا شرطهم ف حاكم الولايات المتحدة انه يكون جنسيته امريكية و لازم مولود فامريكا


يعني سالفة امتيازات وحقوق ماعندي وايد تفاصيل عنها

مشكوورة على المرور

انا بالاول ماكان عاجبني سالفة تاخذين اوروبي تى لو دين تدرين ليش؟؟لان هالانسان المسلم الخلوق موعايش بروه اكيد حوله ضغوطات والدليل تصرفات امه اللي توتر الامور بينكم

وانا بزمان الفتن كثرت مومثل اول مسلم يعني مسلم فعلا

الحين الواحد يخاف على دينه مايدري شبيصير له

لكن دام قلتي انج استخرتي وتسهلت الامور ارتحت واستانست لج (اي والله ارتحت علشانج) لان ادري دام استخرتي اكيد فيها خيره لج بالذات انج مستخيره رب العالمين اللي اعلم بالغيب

ويكفي شعورج بان اكيد بالسالفه خيره برغم تصرفات امه

انتي الحين كلمتي ابوه خلاص ويبدو انه متفهم ولو اني اشوف انه ماله دور يعني ماراح يأثر على مرته

برايي سوي الكلام اللي انتي قلتيه لابو زوجج انج تطبخين وبس (ممكن تحسسين مرت ريلج انج متعاونه معاها )مثلا تغسلين المواعين اللي اشتغلتي عليها يبقالهم مواعين الاكل بس

وباجي مالج شغل فيه اهم شي ريلج

انتي بايدج الحل انج تلتزمين بالكلام اللي قلتيه وتكونين حازمه لاتاخذين وتعطين معاهم بالكلام بتدخلين بجدل ماله نهايه

قولي بيني وبينكم الشرع

وحسن التبعل من الشرع ومسؤوليتي زوجي وبس وممكن بس اطبخ لكم بما ان اهم اللي يجيبون الاكل

يعني من باب التعاون مش الالزام

بالاول ماراح تتقبل ام الزوج منج لكن اذا شافتج مصررررررره وثابته على كلامج بتياس

مع الدعاء دايما اللهم اكفنيها بما شئت


وزوجج حتى لو اول يضغط عليج بينيله انج تحبينه وابدا ابدا لاتفتحين معاه موضوع امه ولو فتح السالفه قوليله لاتخرب علاقتنا بسوالف انا موملزومه فيها

سئليه هل انا اسلوبي سيئ ويا امك هل غلطت عليها ؟؟بيقولج لا قوليله خلاص لاتشيل هم باجي الامور ترا الشيطان مامات وبيخرب علاقتنا ببعض لان زواجنا مبني على حب الله وطاعة رسوله


وكثري قراءة القرآن بيشرح لج صدرج وبيخلي فيج طاقه ايجابيه جدام زوجج وبيس ان اختياره لج صح ولايعتبرج زوجه منكده عليه سبة امه


والله يمكن خيره زواجج منه لان الغربه تخلي الانسان يتقرب لله اكثر وشنو احسن من جذي


ملاحظه زوجج بما ان امه باكستانيه اكيد معطيته الكثيييييييييييير من مبادئها

فخلي كلمتج بينا الشرع ومايرضي الله

أهلين اختي حبيت ارد على موضوعك
شوفي انا حاليا في بريطانيا بس صراحه احس هنا شغل البيت مريح اكثر من حياتي في ديرتي هنا متوفر كل شي وانتي بما انك حامل معذوره بس ام زوجك بامكانها تخدم عمرها وبيتها بنفسها من دون تعب واذا كان عندها بنات اتوقع بيكون أسهل
يعني لو نجي للطبخ في اشيا كثيره شبه جاهزه وفي الخضار المجمده وفي العجائن الجاهز والخ
من ناحية المواعين اكثر يستخدمونه في بيوتهم غسالات المواعين خليها تستخدم لا يكاد بيت يخلوا منها
البيت اغلبها خشب او مفروش مايحتاج شغل كثير لان بيوتهم شوي صغيره
اممممممم ايش بعد غسيل الملابس كل الغسالات اتوميتك وفي معها مجفف عاد اكثر من كذا احسها تبي تعذبك
خليها تولي منتي ملزومه بها والله يقومك بالسلامه

احس كأنك تتكلمين عن عرب,,مو ناس من اوروبا