متزوجه من 3 سنوات ومافوووق تعالي موضوعي يخصك....دعوه للمتزوجات

23 أكتوبر 2012

امممم انا راح ابدأ ب ابوي الله يطول ف عمروا
جنن امي جنااااااان من يوم ماتزوجها كان عمرها 14 سنه و قال بريها واعجنها ع كيفي
ولان جد ي لابوي الله يرحموا كان كمان نفس الشي عصبي واخلاق ف الخشم و الحرمه عندوا
تنفذ و تطيع وبس ف الوالد ما قصر ورث الصفات الحلوة هذي ما شاء الله (=

و نجح و سيطر ع امي حتى والله من اهلها كثير ما كان يمعنها خصوصا لما توفى جدي ابو امي من بدري
راحت فيها المسكينه كانت مطيعه لدرجه الغباء صراحه و لما تجلس مع نفسها دحين تكره عمرها لانها سكتت

مع السنين بدأت تتغير و ترد علية لو غلط فيها بس هااه ع بسيط
لكـــــــــــــــن قبل 5 سنين و بمعنى اصح لما اتزوجت وبعدي اختي ع طول قامت امي تغيرررت كثيررر
صارت تفرغ كبتها باللساااااان ههههه و ترد علية بقووة و ف الصميم كمان و لا عليها منوا ولا من غيروا << ما تنلام
الوالد استغرب و كان يقاوم التغير هذا ولليوم بس صار اوقات كثير خلاص وقام يعترف انها تحملت كثيررر منوا
رغم صغر سنها ما كانت تقول شي وقتها
ويطفش و ينسحب خخخخخخ و الله اننا نضحك عليهم لما نكون عندهم و صار حده بينهم و نشجع امنا بس والله
مو اذية لا بس فعلا لمتى وانتي تستكي خلاص العمر يمشي و دحين صرتي جده خلاص لازم يوقف
تصرفات زمان >> ممكن رجالنا يشوفوه او يسمعوه يعاملك كذا يقوموا يسوا معانا لو شي بسيط

يعني بإختصار بعد 31 سنه زواج امي تغيرت للاحسن وصارت تعرف تاخذ حقها و الوالد كمان تغير و هجد
بس لسى والله مو مررره يعني بس نقول ارحم بكثير من زمااااااااان

واللي استغربوا منوا >>> كيف كان يرضى انوا يعامل امي بمعاملة مي كويسة \ لكن انا واختي و ربي مستعد
ينتف رجالنا تنتـــــــــــيف لو لمسوا شعرة مننا!!!!!

نجي لنفسي اناااا >>> اممممم لسى ما كملت 5 سنين لكن الحمدلله
كان شايفني صغيرة و طالعه من بيت اهلي مرسوم عليا الخوف ف كان زي اللي نفسوا يفرد جناحاتوا عليا
مو بالغلط ولا بالذل او اهانه لا والله بالعكس يحبني لليوم الحمدلله
بس كان يفضل لو اني اسمع كلاموا ف كل شي بدون مناقشه - انفذ اغلب طلباتوا - ما اجادولوا لو رفض حاجه انا ابغاها
وخصوصا لو ممكن الشغلة هذي اقدر اسويها اي يوم تاني
وكنت فعلا كدا اول سنه
لكـــــن بعد هالسنه انا اللي تغيرت 180 درجه و اعتبر نفسي للافضل وهو يشوفها شبة اسوء
صح مو ف كل الحالات بس خلاص تعلمت انوا محد نافعني بعد الله الا اهلي و ولدي و دراستي و وظيفتي
ولا الرجال لو يموووت فيا اليوم ما اضمن بكرا ايش يصير رغم انوا الشهاده لله ما شفت منوا اي اذية بالعكس

ف صرت عصبية مرررة وخصوصا بعد ولدي الله يحمية واخذ و اعطي ف الكلام و اجادل وارد اذا ف شي مو عاجبني و احب الشي يصير يصير يصير لو كان مافية غلط او حرام
امممممم والله تغيرت كثير لدرجه اني اقول الله يستر بس و ما يتهور و يقولي باي باي هههههههه
هو عارف طيبة قلبي و سبب تغيري لانوا ناتج عن ظروف حمدت ربي انها صارت من بداية زواجي عشان الحق اتغير
ولا كان لليوم انا خوافه وطيبتي ب هبااله مرررة لان من يومي كنت كدا
ممكن البعض يجي يقول طب ايش فيها مع زوجك عادي>>> بس انا اقوول عن نفسي لا والف لاااا اكون طيبة ف حدود
لكن عبيطة و طيبة ع الفاضي و ف كل شي مالها داعي
ف النهاية اعرف الحمدلله اتصرف معاه و الحق نفسي ع اخر لحظة لو حسيت بيصير اي تهور مني او منوا هههههه
مو لا سمح الله طلاق ولا مد يد وكذا لا الحمدلله مو هذا اسلوبوا بس ممكن الصوت يعلى زياده و النقاش يحتد والزعل يطووول

الله يخلينا لبعض لانوا رغم تغيري مازلنا نناسب بعض صح هو مقهور شوية من التغيير
بس الحمدلله اكتشفت انوا قلبوا طيب وحنون و احمد ربي انوا يتحملني رغم تغيري من 3 سنين
وما قد سمعني كلمه جارحه ابداااا
وعن نفسي ما اتخيل ابعد عنوا مرتاااحه كثير الحمدلله كنت خايفة يكون زي الوالد بس اووه الحمدلله
ولا احد يقول ايوه قومتي صرتي انتي نفس اسلوب ابوكي >> لا والله انا فين واللي كان يسوية بابا فين
بس زي ما قولت ف ظروووف هو شاهد عليها خلتني غصب عني اتغير و ماكان ف حل غير التغير
صح مالوا ذنب ف الظروف اللي صارت >> لكن ليها علاقه من بعيد لية
و النهاية انا وهو ادرى باللي صار

عن نفسي لسى مبسووطة من تغيري لكن مدري اذا راح اتغير تاني او هو يتغير الله اعلم (=

متزوجه من 3 سنوات ومافوووق تعالي موضوعي يخصك....دعوه للمتزوجات

التعليقات

استفدي منها متزوجه مخطوبه عندك رجال حولك من أهلك

متزوجه وعندي مشكله اعاني منها من سنتين

‏‎#فضفضه متزوجة لي سنة واحس طفشت من حياة الزواج

كأني متزوجة مسيار

سلبيات الزواج من متزوج