شاركي في النقاش

سجلي الدخول لإضافة تعليق.

التعليقات

295
  1. شكرا على الموضوع الفرفوش
    .
    .
    .
    حصلي مره موقف الى لا ينسى في يوم من الايام كنت امارس هوايتي في الحوش وهي التزلج ومره مستمتعه والف على البيت وانا في قمة الانسجام وبعد ما اخذت كم لفه فجأه الا اشوف ولد عمي واقف عند المرايه يزبط الشخصيه وانا ماعاد قدرت ارجع من السرعه الزايده و الربكه ومن غير شعور جلست جلسة القرفصاء واحط راسي بين رجولي قال يعني عشان ما يشوفني وطبعا من سرعة الزلاجه كملت بي لحد ما صكيت ف مدخل السياره وجلست ما عاد قمت بس اهو يوم شافني حس اني محرجه قام طلع بسرعه ...
    هذا كله عشان السرعه الزايده والتهور
    شرايكم ف الموقف
  2. زوجي الله يرحمه ماكان من قبيلتنا ولا نعرفها ابد وكنا وقتها بالجنوب وبيتنا وسيع وفيه حوش كبييييييييييييير مره وكان هو وابوه جايين يخطبوني طبعا احنا ماندري جوا هم كتعارف وان ابوي واخواني يشوفون الرجال ويسالون ومن هالقبيل المهم انا كنت اركض بالحوش ادور عليه 10 مرات كرياضه يعني الرجال كان موقف ابوه طلع فوق وانا مانتبهت وهو كان بيلبق السياره وبيلحقه الا واجي واكمل الركض الا واصك فيه واطيح ويطيح ويقعد يسب وجع حسبي الله عليك كيف ادخل عند الناس الحين الله ينتقملي منك المهم وجهي صار الوان من الخوف مدري من وين طلعلي واهلي ماقالوا ان فيه احد جاي واقوم اطلع فوق الا والرجال عندنا المهم سال ابوي واعجبه المدح فيه يوم جاء يوم النظره الشرعيه يوم دخلت قام يناظر ويقول انتي ومات ضحك انا انحرجت وتزوجنا وعشنا احلى ايام عمرنا بس الله مااردا نكمل لحكمه يعلمها سبحانه اسال الله ان يرحمه ويجمعني انا وولدي به فالفردوس الاعلى




    كوضوع روعه بروعتك ياعسل
  3. @noor_3eenh

    مواقف كثير وكلها تكون بقاعات الزواج واحراج بس محد ينتبه الحمد لله هههههههههههههههه
  4. @saaadty_bhgaby

    **حبوبة زوجها**
    يوم كنت فالمتوسط نازله مع الدرج اركض واطيح ذيك الطيحه من فوق لتحت الا انا عند رجل صديق ابوي وابوي معه عاد احسب ابوي بيسمي علي الا قالي وجع يوجعك ياقليلة الادب قومي طيب وش دراني طحت انا
    ههههههههههههههههههههههههههههههاي عن جد مت ضحك
  5. @noty_noty

    انا لما كنت تقريبا بالابتدائي دخل علي رجال خالتي
    ومن الحياء بكيت وكان عندي ولده ويقول تبكي ماخلاء احد ماقاله هههههههههههههههههههههههه

    ومن بعده ولله الحمممد ماصار موقف ليييين قبل اسبوووع
    اااه ياذاك اليوم بكيت بكاااء
    كنت رايحه مع اميمتي للمستشفى وجا وقت صلاة الظهر وراحت الزحمه والاطباء نزلو كان هدوء
    وانا ومامتي رحنا نصلي بالاستراحه والباب مو عدلي يكون ورانا صليت وفكيت النقاب لفيت الطرحه عدل ولبست نقابي
    وكشفت وجهي وقاعده البس قفازات يديني وبنفس الوقت قمت ولفيت البس جزماتي منزلتهم وراي
    وحسبت شي عند الباب والتفت ولاه ولد واقف اااه يابنااااات بكيييييييت بكييييييت لمن شبعت

    انا ع طول بعدت وهو راح ونادى يمه مدري صادق يبي امه ولا يبرر الموقف وله شوي يناظرنا وحنا نصلي

    يالله ياربي تسترنا ولاتفتن احد فينا ...اعزي نفسي واقول الحمدالله لانو حتى الكحل ماكنت حاطتوه
    بس لو المحه تبقى سبحانه الله ...ياربي استرررني وبنات المسلمين

    اعذروني اذا في اخطا داخله من جوال

تابعي تجارب أخرى من هذا القسم.