اللي سبق وولدت تدخل تفيدني .. بكريه والم الخياطه متعبني : (

السلام عليكم ورحمة الله وبركاته

اخواتي انا بكريه ولي نفاس 17 يوم .. الم الخياطه ذابحني مع ان الجلد الخارجي جبر والتحم ومايهدا المها الا بالبروفين

بعد ماولدت قالت لي الدكتوره لا تستخدمين اي شيء فقط مويه دافيه ونشفي كويس

اللي حصل انو بعد كم يوم ولاده شفت الخياطه وانصدمت ماتوقعت فيه شيء من جوه كنت مفكرتها بس من برى

والمشكله مااشوف خيوط ابدا ومكان الغرز جاي كأنها مخيطه على داخل

فبحثت بالنت وبديت استخدم مطهر بيتادين وكريم ميبو

من استخدمتهم بدا الالم , البيتادين سبب لي مثل التسلخات الخفيفه و الميبو اذا حطيته قريب من الخياطه اللي جوه يبدا يحرقني والم فضيع

تركتهم كم يوم والحمدالله خف الوجع وراحت التسلخات لكن لسه فيه الم مكان الخياطه اذا تحركت يزيد واذا نمت يهدأ

لي كم يوم ابحث بالنت عن اجابات للاسئله اللي ببالي مالقيت جواب شافي وحاسه نفسي ضايعه وخايفه

ابسألكم خواتي عن الخياطه طبيعي تكون جانبيه بطول واحد من جوه لبرى .. والخيوط ليش جايه كأنها جوة الجلد مو مبينه !

وكيف اعرف اذا طاحت ولا لا وانا مااشوفها ..!! ومتى تطيح غالباَ ؟!

والالم عادي احس فيه ولا هذا دليل وجود مشكله ؟ ولمتى ممكن يستمر الم الخياطه للبكريه ؟!

بعد مااخلص الاربعين بيرجع كل شيء لطبيعته ولا راح يبقى اثر الخياط والالم ؟!

عندي خوف مو طبيعي من بعد الولاده احد يقرب من المنطقه وضروري اروح اكشف بعد مااتم شهر , ياريت تخبروني كيف طريقة الكشف عند الطبيبه ؟!

والله يجزاكم كل خيييير

15 تعليق 67,974 مشاهدة

شاركي في النقاش

سجلي الدخول لإضافة تعليق.

التعليقات

14
  1. @blkys_sbaaa

    الله يعافيك يااااااارب والحمدلله على سلامتك ياعسل....اعذريني انا لسى ماحملت ...وان شاءالله تحصلين الجواب عند العضوات
  2. @olaf

    قالت لي الدكتوره مره انو بعض الناس عندهم حساسيه من البيتادين
    يمكن هذا الي حصل لك
    الله يشفيك
  3. @smo_althok_3

    خليك على الميبو وبس

    نقعي مره في علبة مويه صغيره ولما تغيرين حطي مقدار الغططاء على الفوطه بشكل طولي
    ونشفي نفسك زين وحطي ميبو فقطططططططط


    كرسي الحمام انتبهي لازم افرنجي <<< الارضي مايصلح لوضعك ابددددددددد

    لاتكبرين خطوتك بالمشي حاولي تصغرين خطوتك وحاولي بعد انك ماتمشين كثير خليك منسدحه ولامه رجولك عشان الحياطه تلتئم بطريقه صحيحه
    وبالعاده الخياطه تنفك كامل اذا كملتي شهر
  4. @shoklath_hloh_1

    الخياطه ع جنب طبيعيه ياختي ومن ناحية الالم عادي انتي بكريه شي طبيعي وتشطفي بملح ومره بيقرصك الملح شوي بس بيطهر المنطقه وحاولي انك تكونين ناشفه كل ماطلعتي من دورة المياه وغيري افوطه باستمرار عشان ماتسبب لك تسلخات ياعمري وماتشوفين شر ومن ناحية الخيوط انا يوم طاحت ماشفتها بس تقول اختي وامي تطيح بس سبحان الله انا ماشفتها اساسا ماتجرات اشوف محل الخياطه ابدا ابدا
  5. @mlk_thaty_1

    صاحبة الموضوع
    شوكلاطه حلوه
    الخياطه ع جنب طبيعيه ياختي ومن ناحية الالم عادي انتي بكريه شي طبيعي وتشطفي بملح ومره بيقرصك الملح شوي بس بيطهر المنطقه وحاولي انك تكونين ناشفه كل ماطلعتي من دورة المياه وغيري افوطه باستمرار عشان ماتسبب لك تسلخات ياعمري وماتشوفين شر ومن نا…
    الله يسلمك ومشكوره ياقمر




    اظاهر هذا اللي حصل معي



    يعني لسه بدري تنفك : (
    كرسي الحمام مااستخدم الا الافرنجي والمشي والحركه منتبه لنفسي عشان كذا مستغربه الالم




    الشر مايجيك يارب
    كل اللي قلتيلي عليه اسويه والتسلخات اظاهر من البيتادين لان من تركته راحت بدون علاج والحمدالله كانت خفيفه


    مشكورات خواتي
    يعطيكم الف عافيه
    :26:

تابعي تجارب أخرى من هذا القسم.