هلا وغلا فيكم ... تعالن نصحني خواتي

السلام عليكم ورحمة الله وبركاته

:) هلا فيكن خواتي من بعد غيبه طويله كنت امر مرور الكرام ساعات واتفقد خواتي الغاليات واشوف اخر مواضيعن المميزه
واليوم حابه استشيركم خواتي بموضوع يهمني وافكر فيه ومخوفني شوي وهو زواج اخو زوجي بعد اسبوعين
اول شي مادري ليش حاسه ان زوجي راح يغار من اخوه او فيه فضول كبير انه يشوف شكل زوجة اخوه لانه سبق وسألني كذا مره كيف شكلها وهي حلوه والا لا ومن هالاسئله :( فحاسه انه عنده فضول يبغي يشوف شكلها بنات لا تفهموني غلط زوجي ملتزم بس مشكلته اللي اعرفها انه عينه زايغه !!!!!! لا تقولون كيف يعني بشرح لكم الموضوع انه مايقدر يمسك نفسه يطالع البنات ويلفت انتباهه اي شي في البنت اللي تمر قدامه حتى لما اكون معاه انا ما انتبه على اللي لابستنه البنت بس هو على طول ينتبه ويقولي شفتي شو لابسه ؟؟ وهو عشان كذا ما يحب يطلع السوق ولا السناتر لانه يعرف نفسه فطول الوقت يا في دوامه او شغله الخاص مايروح اماكن زحمه او مختلطه يقول مايبغي ياخذ اثم
اللحين حاسه بمثل الغيره او الخوف من سالفه زواج اخوه تعرفون الرجاجيل يغارون من بعض وفرحة اي معرس يديد على طول تبين عليه وخصوصا لما يكون قريب منه وصار لي في الفتره الماضيه بصراحه مهمله نفسي شوي وحابه اسكر عيون زوجي وامليهم فيني يعني اخليه ما يشوف غيري ولا يتمنى غيري مهما شاف عرايس او بنات بس حاسه ان الرجال طبعهم خوان وسوري على هالكلمه ذيلهم عوي :22: يعني مهما سويت او لبست او دلعت بسرعه اي صوره او اي مشهد يأثر فيهم
والله راسي دار مب عارفه شو اسوي :09:
انصحني خواتي وعطوني افكار او حركات اي شي تخليه يموووووووت فيني وعلى العلم انه يحبني ودايما يتباها بطبخي واسلوبي وعقلي وانا اصلا حلوه يعني مرت اخوه اللي بيتزوج مب احلى مني بس مادري ليش خايفه يمكن لان جسمها حلو وطويله :( وانا شوي اقصر منها مادري بس خايفه زوجي يلعب بليس براسه :30: خصوصا ان كثير من اصدقائه متزوجين على حريمهم وفي منهم ناوين يتزوجون :06:

10 تعليق 1,382 مشاهدة

شاركي في النقاش

سجلي الدخول لإضافة تعليق.

التعليقات

9
  1. @uae_forever

    اول شي خلج واثقه من نفسج قبل لاتتهمين زوجج نه بيطالع غييرج غيري طبعج الداخلي اختى
    ليش ريلج بيجووف غيرررج

    انتى تقولين انج الاحلى ليش تقارنين نفسج بغييرج ولو هي الاحلى فرضااا اثبتي وجوودج تقربي من عمتج وعمج وخليج الاحسن قدام ريلج واهله وابد لاتذكر اي محااسن فيها طويله وعريضه انا الاقصر كل ها الاشيا ماتجذب الريال الا اذا انتى نبهتيه هووو وصرتي فاقدة ثقتج ف نفسج

    اذا سالج قوولي له لو سمحت المره اليااايه لاتسااال عييب اول مره اعرف رياال يسال عن حرمه اخووه شو تبا فيهااا ترضى زوجة اخووك تتغزل فيه جدام ريلها ؟؟؟؟لا
    عيل لاترضى ع نفسسسك عشاان لايتعووود وقولي له ها الاسلوب مب حلووو نه حرمه توصف له عن محاسن الحرمه الثانيه من الاحلى ومن الاخسف

    وقفيه عند حده باسلووب جدي وحلوو راقي لاتجرحينه وااايد لانه هذا طبع فيييه وفنفس الوقت لاتعوودينه
  2. انا مع الاخوات
    اولا:سترجعي ثقتك بنفسك
    ثانيا :اذا سألك عن اي حرمة بيني له حرمة هذا الشئ. وتكون طبعا باسلوب لطيف
    ثالثا: ممكن تعملي فرح من اول و جديد و حلوة انكم ترجعون من الفرح و تكوني مجهزة البيت و الغرفة و لبسه و المشلح و ذا فستانك عندك ممتاز البسيه و اذا لا ممكن تعملي و احد خفيف بالستان ا و التففته و يكون عاد مشخلع خخخخخخ
    وتكون محضرة ورد او مسكه على الخفيف
    يعني عرس من اول وجديد ولوحدكم
    والله معك
  3. @ghrshob_raabob

    صاحبة الموضوع
    جزاكم الله خير على ردودكم واختي مصرقعه هانم والله محشتوني بس كانت عندي ضروف مبعدتني عنكم بس ما استغنى عنكم ابدا
    انا بالفعل امس رحت وشريت لي كم جلابيه حلوه من شيتل والوان ماعندي وافكر اروح اشتري لي كم تنوره وقميص المشكله اني ما كنت اصلا ناويه اروح العرس عشان كذا مب مسويه حسابي ولا حاجزه في صالون ولا مسويه فستان بس عندي فساتين من قبل فما دري فكرة فستان العرس حلوه بس اخاف خاله وعياله ايون عندنا في يوم العرس وهم بيتهم بعيد يعني بيباتون عندنا وما يصير البس فستان عرس وهم موجودين ؟؟؟؟؟؟؟؟؟؟ مادري الا اذا خليته في الغرفه ولبسته بعدين ؟؟؟؟؟؟ مادري شرايكم
    وانا واثقه من نفسي هي مب عدم ثقه بس تعرفون الرياييل عينهم زايغه وريلي شوي حار تعرفون شو اقصد يعني بسرعه يثيره اي منظر او كلمه
    ااااااااااااخ بس والله احترت
  4. @alsmt_hkm_1

    أنا زوجي مو راعي حركات أبدااااااااااااا يعني مايطالع ولايسأل ولااااااااااشي
    كنت جالسة أنا وياه نتكلم قال لي بدون قصد فلانة حلوة وفلانة قصيرة وفلانة عادية
    بس حبيت أعلمك أن الرجال يعرفون يمكن أكثر مننا
    يعني وسعي صدرك من اللقافة بس يسأل يبي يعرف ولا أنا أتوقع يشوفها مثل أخته ...
  5. هلا فيك , والحمد لله على سلامتك ...

    كل المطلوب منك يا الغاليه خلال هذا الشهر إنك تعمين عيون زوجك عن اي حرمه , غيري في شكلك قصي شعرك اصبغيه إلبسي عدسات العطر لا يفارقك ابد ابد , سوي تنظيف للبشره خلي وجهك يتلالى مثل القمر...وحتى وهو موجود بالبيت خليك على سنقة عشره , المنتدى مليااااااااااااان ليالي رومنسيه , غرقييييييييه ليالي حمرا وصفراء وخضرا<< اشاره مرور خخخخخخخ

    وبعدين تعالي انتي تقولين شريت لي كم جلابيه وتنوره ؟؟ بالله هذا لبس زوجه عند زوجها ؟؟ جلابيات وتنانير !! اتركي ملابس هاالعجايز إلا صار عمرك 60 سنه ..

    اشتري الملابس اللي يحبها هو , مو اللي تحبينها انتي , تنانير قصيره , بديات , بناطيل قصيره وبرمودات , خلخال برجلك , لصقات كريستال على جسمك , قمصان نوم على ذوقه وبالالوان اللي هو يحبها , صدقيني إن ما سويتي ها الأشياء له والله في غمضة عين راح يلاقي اللي تسويها له وبالحلال بعد , انتبهي لنفسك , واتركي العجز والكسل واحجزي بفندق انتي وياه ليلة زواج اخوه وابدعي فيها ..

    ومن ناحيه إنه يسئل عن شكل زوجه اخوه ,, عطيه العين الحمرا ولا تسكتين له , خير إن شاء الله حتى لو هو ذابحه الفضول لا تسكتين له وبيني له إنك متضايقه وهذا حرام وخوفيه من عقاب رب العالمين , الحرمه لا هي من محارمه ولا شي , إذن ماله إي حق يسئل عن شكلها

تابعي تجارب أخرى من هذا القسم.