سسسر جمال شعري

26 أكتوبر 2012

اهلين صصبايا

راح اقولكم طرق عنايتي بشعري .. ماشاء الله انا شعري حلو والله يابنات حتى لما اروح مشاغل اسمع البنات وراي يتكلمون عن شعري وعن كثافته وفي الجامعه مثلا لما اوقف عند كوفي البنات وراي اكثر من مرا احصل وحده تمسك شعري .. ف احب افيدكم ..

عندي اساسيات مستحيل استغني عنها وهي :

زيوتي

.. طبعا من وانا صغيره احب الزيوت وانا اعتبرها اساسيه واللي عودني عليها جدتي الله يرحمها ويسكنها جناته ..

زيوتي هي : زيت جمال النساء < روعه .. زيت اللوز < ينعم .. زيت الخروع < يكثر .. زيت الخردل < يكثر بعد .. زيت النارجيل < يطول الشعر افضل شي خذيها من العطار خليه يخلطها لك كلها واههم شي تكون من المعصره

واذا تبين نتايج سسريعه حاولي ماتغسلين شعرك الا وانتي قبل حاطه زيت بشعرك وخليه ساعتين كذا بتلقين نتيجه سسريعه

حمام زيت :

.. انا كنت اسستخدم حمام زيت فاشكول بالثووم كلمه يجنن قلليله شعري تغير معه وطول بسرعه السر مو انه يطول الشعر السر الشعر اذا صحي ومتغذي بيطول بسرعه .. وحاليا انا استخدم حمام زيت فاتيكا بس فيه كثير ماناسبهم ويخلي شعورهم تتسساقط انا قلت بتوكل على الله واجربه وناسبني بس الافضل فاشكول .. واهم شي حمام الزيت ماتقربيه من جذور الشعر لانه يسبب تساقط ..

اقنعه شعر :

لازم يابنات بين فتره وفتره تسوين اقنعه لشعرك وياكثرها بالنت الاقنعه يعني شوفي القناع االلي يناسب نوعيه شعرك .. انا اللي يناسب شعري قناع الزبادي والبيض والعسل

اهم شي الاقنعه كل اسبوع وزيت الشعر قبل كل شور وحمام الزيت كل ماتحممتي تحطينه ع شعرك 5 دقايق وتشطفينه .. واهم من هذا كله ماتستعجلين وتقولين مافي نتيجه يبيلها وقت انسي انك بتحصلين ع نتيجه بتملين الأنتظار خليها اساسيات ماتستغنين عنها ..

ان شاء الله اكوون افدتكم ومابي غير دعوااتكككم

سسسر جمال شعري

التعليقات

سسسر شعر بنتي الله يحفظها من العين

جبت لكمـ سسسر خطـــــــــــيـــر ( اللي شعرها مصبوغ تدخـــــل )