هلا قلبي
اولا صلي استخارة اكثر من مرة
ثانيا اسئلي الناس البعيدين عن اخلاقه ودينه مو اهله لأن اكيد اهله مابيذمونه
ثالثا شوفي نفسك إذا انتي بنت سنعة وطيبه ومتفهمه وقد المسؤولية اتوكلي ع الله
وتراني تزوجت وعمري 15 ولي 3سنة متزوجه والحمدلله مرتاحه نفسيا بغض النظر عن المشاكل العادية بس ترى ع حسب الزوج في رجل يتوطي فبطنك ويسوي اشياء الحرمة العاقلة ماتستحملها عاد كيف انتي!!!
وفي رجل يشهد له ربي بتقديره وتفهمه لك
والناس ارزاق
عشان كذا صلي استخاره اكثر من مرة واسئلو عنه
وترى اصعب شي بزواج المراهقة ان مزاجها متقلب يوم مبسوطه ويوم طفشانة
وترى البيت مايبي له جهد و تعب التنظيف والترتيب والطبخ جدا جدا سهل
الشي الصعب في الزواج المبكر وإلى الآن مو متوفقه فيه
العيال...مع اني بس معي واحد ربي يحفظه بس والله مسؤولية وهم
بس تبغين الصراحة ماودي توافقي ع الزواج لاحقه ع المسؤولية والعيال
وحتى لو تزوجتي اجلي الحمل فترة حتى تتقبلون وتفهمون بعض وبذاك الوقت فكري بالحمل
وترى اصعب مرحلة بالزواج بإي عمر كان
السنة الاولى
لأن كل واحد يبغى يفرض رايه ع الثاني
وعندي ملاحظه صغيره للبنات ومتقينة انها صح
ترى الزواج مو مسألة عمر هو مسألة عقل ودين وطولة بال
لأن في بنات اشوفهم تزوجو صغار وقد المسؤولية وبنات فوق الثلاثين متزوجات وباقي عايشات مراهقتهم
ع العموم حبيت افيدك وان شاء الله ماطولت عليك
واي استفسار ياحياتي حياكي ع الخاص
عمري 16 ومحتاره بالزوج المتقدم لي
متابعة النقاش، صفحة 10