ما أحس إني صغيره وأبا عيال .. محتاره بالكلوميد

مرحبا خواتي،،

شحالكم؟؟

إن شاء الله الشهر الياي بكمل 3 سنوات من يبت ولدي الثاني
الحمدلله حملي كله طبيعي بدون علاج .. بس ريلي مايبا عيال !! مكتفي بالاثنين اللي عنده !!

بس طبعا أنا مستحيل ارضى بهالشي .. أتمنى ربي يرزقني درزن عيال .. العيال عزوه وسند

فاتحت ريلي في موضوع الحمل قبل فتره بسيطه وماعارض .. أنا امنع بالعزل الطبيعي من 3 سنوات
قلتله خلني اراجع الدكتوره قبل عشان أتأكد إن كل أموري تمام لأن الدوره صارت تتأخر علي من كم شهر

الدكتوره طمنتني وقالت كل أموري طيبه وكل شي عندي سليم وهالتأخير ما يعتبر مرضي لأن الدوره ما تتأخر علي أكثر من 3 أو 5 أيام

قلتلها أبا آخذ كلوميد لأني ابا توأم .. ما نصحتني وقالتلي خليها على الله

أنا متوكله على رب العالمين .. والنعم بالله ... بس حابه آخذ بالأسباب .. وإذا ريلي بيتم يمنع فتره طويله بالسنين متى بلحق أييب عيال ؟؟؟

أنا عمري 31 ما أحس إني صغيره .. إذا كل 3 سنوات أو أكثر بأجل موضوع الحمل أخاف ما اقدر احمل عقب بسبب كبر السن

أفكر أسير عند اخصائية تلقيح عقب ما استخير واشوف شو بتقول .. بدون علم ريلي لأنه مستحيل يوافق

ادعولي خواتي إن الله يرزقني بتوم بنات .. كتبت هالموضوع للفضفضه بس لا أكثر

17 تعليق 2,220 مشاهدة

شاركي في النقاش

سجلي الدخول لإضافة تعليق.

التعليقات

17
  1. @klb_dodo

    الله يرزقني وياك بنوتتين تؤام ،،، انا كمان زوجي رافض الكلوميد والمنشطات يقول اذا صار فيهم تشوه او اعاقه راح تلومين نفسك وتتحملين ذنبهم ادعي ربك وتصدقي ان الله يرزقك تؤام وهم بصحه وسلامه
  2. @om_omar_o_salah

    نصيحة لا تلعبي بجسمك وتاخديادوية يعني لو ربنا كاتبلك توأم راح يجوكي من غير ادوية بس ادعي ربنا انه يرزقك باللي فيه الخير
  3. @aayon_bo_sltan

    صاحبة الموضوع
    قلب DoDo
    الله يرزقني وياك بنوتتين تؤام ،،، انا كمان زوجي رافض الكلوميد والمنشطات يقول اذا صار فيهم تشوه او اعاقه راح تلومين نفسك وتتحملين ذنبهم ادعي ربك وتصدقي ان الله يرزقك تؤام وهم بصحه وسلامه
    الله يرزقني ويرزقج الغاليه
    أنا مشكلتي مب في الكلوميد
    مشكلتي إن ريلي مايبا عيال
    يعني إذا خذته باخذه بدون علمه

تابعي تجارب أخرى من هذا القسم.