شاركي في النقاش

سجلي الدخول لإضافة تعليق.

التعليقات

174
  1. @syom

    احنا كمان عندنا حمدلله اخدناه وعمره شهرين تقريبا وربيناه ورضعناه من مرت اخوية وصار مننا وفينا صار اخوية ابوه بالرضاعه ومرته امه وعنده اخوان بالرضاعه بس عايش عندنا هنا معايا انا وامي مو ببيت اللي رضعوه ومرة متعلقين فيه دحين ماشالله عمره 8 سنين ويدرس بسنه 3 ابتدائي بمدرسه انترناشونال ومرة يعشقنا ونعشقه الله يقدرنا نعطيه اللي يحتاجه واكتر كمان ويحفظلنا هو ويطول بعمر ماما الين تشوف اولاده و احفاده يارب
  2. @mdam_non_2

    صاحبة الموضوع
    سيومة
    احنا كمان عندنا حمدلله اخدناه وعمره شهرين تقريبا وربيناه ورضعناه من مرت اخوية وصار مننا وفينا صار اخوية ابوه بالرضاعه ومرته امه وعنده اخوان بالرضاعه بس عايش عندنا هنا معايا انا وامي مو ببيت اللي رضعوه ومرة متعلقين فيه دحين ماشالله عمره 8 س…
    ماشاء الله تبارك الله هذي من القصص الايجابية اللي نبغى نسمع عنها بس ماقلتي لنا كم عمره لما قلتوا له حقيقته وهل تقبل بسرعه الوضع وش المشاكل اللي واجهتكم اثناء تربيته ومن المجتمع ؟
  3. @syom

    لا والله هو لحد دحين فاكر انه لما كان ببطن امه امه مرضت ولما مرضت امه خرجتو من بطنها ودخلتو ببطن ماما ههههه يسعدو تفكيرو بريئ بس هو فاهم انه ليه ام وليه اب وبنفس الوقت فاهم انه ولد ماما طبعا لسه طفل ومو واعي تمام بس هو انتبه من لما دخل المدرسه لما لاحظ اسمو مختلف عن اسمي انا واخوية انه اسم الاب واللقب قصدي

    بس مرة عادي ومايفكر خاصه اننا نحسن تربيته ومعاملته حتى لما نعصب او نخاصم لما يغلط يكون عارف اننا نحبو بس عصبنا عشان التصرف اللي عملو غلط ونربيه يحبنا موت وحنووووون ما ينام غير جنبي او جنب ماما ويحضنها ويمسح على راسها يقولها لما اكبر ابغى اجبلك واسويلك كانو واحد كبير هههه

    لما اخرج عند صحبتي مثلا يقولي بابا حيرجعك صح ؟ معاكي مفتاح البيت صح ؟ يعني يتطمن علينا وكدا يخليلي هو يارب

    اهلنا حمدلله محد عامله بنقص الكل يحبه ويعتبروه ولد ماما عن جد بالعكس ومبسوط مع اولاد اخواني كل نهايه اسبوع يروح يقعد يلعب معاهم وينبسط في منهم يعتبروا اخوانوا بالرضاعه ومنهم يعتبروا اولاد عمو بالرضاعه

    على فكرة خالتي كمان متبنيه بنتين من لما كانت اعمارهم شهور بس مو اخوات الاصل كل وحده يتيمه الام والاب ودحين ماشالله وحده خلصت جامعه وانخطبت لولد خالي والتانيه رايحه الثانوي السنه الجايه ان شا الله خالتي لانها ما تجيب ومرة كان نفسها ببنات

    اما احنا جبناه لاني انا اصغر وحده والبنت الوحيده وكنت اولى ثانوي ومرة كان بيتنا ممل اخواني 3 كبار مرة ومتزوجين ساكنين برا وانا واخوية الاكبر مني بالبيت جا وملا علينا حياتنا هههههه دحين اتزوج اخوية اللي كان معايا بقينا انا والولد دا مسلينا انا وماما ويحبنا موت ماشالله الحمدلله

    قصه طوييلة صح ههههه بس عشان اوضح الصورة كامله
  4. @shbh_alkmr

    وعنْ عائشةَ رَضِيَ اللَّهُ عَنْهَا، أنَّ النبيَّ صَلَّى اللَّهُ عَلَيْهِ وَسَلَّمَ عَلَّمَها هذا الدعاءَ:
    ((اللَّهُمَّ إِنِّي أَسْأَلُكَ مِنَ الْخَيْرِ كُلِّهِ عَاجِلِهِ وَآجِلِهِ، مَا عَلِمْتُ مِنْهُ وَمَا لَمْ أَعْلَمْ.
    وَأَعُوذُ بِكَ مِنَ الشَّرِّ كُلِّهِ عَاجِلِهِ وَآجِلِهِ، مَا عَلِمْتُ مِنْهُ وَمَا لَمْ أَعْلَمْ.
    اللَّهُمَّ إِنِّي أَسْأَلُكَ مَنْ خَيْرِ مَا سَأَلَكَ عَبْدُكَ وَنَبِيُّكَ،
    وَأَعُوذُ بِكَ مِنْ شَرِّ مَا عَاذَ بِهِ عَبْدُكَ وَنَبِيُّكَ.
    اللَّهُمَّ إِنِّي أَسْأَلُكَ الْجَنَّةَوَمَا قَرَّبَ إِلَيْهَا مِنْ قَوْلٍ أَوْ عَمَلٍ،
    وَأَعُوذُ بِكَ مِنَ النَّارِوَمَا قَرَّبَ إِلَيْهَا مِنْ قَوْلٍ أَوْ عَمَلٍ،
    وَأَسْأَلُكَ أَنْ تَجْعَلَ كُلَّ قَضَاءٍ قَضَيْتَهُ لِي خَيْرًا)).

تابعي تجارب أخرى من هذا القسم.