فطر البورتابيلو الجامبومقبلاتي الجديدةلكم بجبن البارميزان..أول طبخة لي بهالقسم حياكم

@smayly_fys

مرحبا حبيباتي وكل عام وانتم بخير طبعا انا صار لي اربع سنين عضوة بهالمنتدى الرائع وعمري ماسويت لي طبخة ابيض وجهي بها امامكم لأني اساسا مش مود طبخ هههههه لكن هالمرة عقدت العزم وقلت يابنت عيب قومي وري بنات حواء شطارتك و صوري كل خطوة بس همسة احب اقولها لكل وحدة تصور طبختها وتحط موضوع ربي يعطيكم ألف ألف عافية انكم تقدرون تصورون وتطبخون وربي بعد كل صورة أقول خلاص بهون ما بحط موضوع خلاص بهون مابحط موضوع لكن لما اتذكركم اقول يللا عشان عيون تكرم مدينة ههههه ، المهم يابنات انا شفت في التلفزيون على قناة فتافيت على ما اعتقد او مدري وين المهم شفت هالمقبلات الحلوة فرحت جبت مكوناتها و سويتها ونبدأ الخطوات وان شاء الله تكون واضحة للجميع واعتذر عن رداءة التصوير لأنه تصوير موبايل بس مدري شو القصة كل شوي نصور ونرجع نحذف الصورة انا والشغالة و مافي فايدة ، المهم حاولوا تفهموا من الكلام ان مافهمتوا من الصور .. يللا بسم الله الرحمن الرحيم..

أول شي نجيب فطر كبير يسمونه بورتابيلو وهذا صورته أنا جبت حوالي 13 حبة من كارفور..



وهاي صورة ثانية له وهو مقلوب على راسه وقاعد بالصينية اللي بيتحمر فيها ههههه




وهاي المكونات اللي بنحتاجها




وهاي المكونات من قريب سبانخ مقطع و جبن سائل




وجبن بارميزان و بصل وثوم مقطع




وبهارات مشكلة و ثوم بودرة و بصل بودرة و ماجي خضراوات و ملح




نبدأ هنا خطوات العمل طبعا طريقتي في تنظيف الفطر يكون بأني اشيل القطعة اللي فوق الفطرة مدري كيف اشرح لكن امسكها من تحت القبعة حقها و اشيل القطعة على طول تنشال معك و اتمنى الصورة توضح المقصود في كثيرين يقولوا انهم يمسحوا عليها فقط بمنشفة ناشفة بس انا احس اني لو مسحتها فقط بيبقى لاصق فيها الوسخ عشان كده اشيل القشرة من جذورها وارتاح تطلع معاك بيييييضة ونظيييييفة جدا وهذا احسه اضمن




وهنا قطعت اعناقهم كلهم هههههه وقاعدين كلهم بصحن واحد عشان نفرم الاعناق ونخلطها مع خلطة الحشوة




وهاي رؤوسهم بدون اعناق مساكين كسروا خاطري ههههه




وهذا شكلها بعد ماشلنا القشرة اللي فوق



يتبع...

41 تعليق 6,844 مشاهدة

0 0

شاركي في النقاش

سجلي الدخول لإضافة تعليق.

التعليقات

41

  1. @smayly_fys

    صاحبة الموضوع
    وهنا المقارنة بين اللي تنظفت من قشرتها واللي ماتنظفت شفتوا الفرق كيف؟؟




    وهنا بدأنا نحمر البصل والثوم على النار




    وهنا حطيت السبانخ المقطعة على البصل والثوم المحموس على فكرة السبانخ كانت بشكل كرات لما طلعتها من كيسها يعني هي جاية كده لحد يسألني وش الكور وكيف سويتيها تراها سبانخ جاية مكورة من شركتها ههههه



    وهذا شكل السبانخ بعد ما حمسناها يعني انفتحت وصارت مهروسة مع الثوم والبصل وطبعا بهالخطوة اضفت كمان الثوم والبصل البودرة والبهارات المشكلة وحبتين الماجي وملح على حسب المذاق




    وهنا حطيت اعناق الفطر مع السبانخ



    وهنا آخر خطوة قبل ما اسكر النار حطيت ملعقتين كبار من الجبن السائل



    وهنا بديت احشي كل فطرة بالحشوة اللي عملناها فوق




    وهنا بعد ما حشيتهم بالحشوة رشيت على كل وحدة جبن بارميزان ودخلناها الفرن على نار هادية لين تتحمر فقط



    وهنا انا رحت اسبح وقلت للشغالة تحمرها وتطلعها لكنها شكلها مافهمت وعلى طول حطتها على طاولة الطعام وربي اول مانزلت واشوفها حاطة كل شي على السفرة صحت على اللي جالسين قبل ما يبدأون ياكلون فلحقت على هاي الصورة وان شاء الله تكون مقبلاتي عجبتكم واذا شجعتوني بفكر انزل لكم حاجة ثانية بعد مئة سنة ان شاء الله مايهمكم ههههههه وبالهناء والعافية على الجميع يارب..


تابعي تجارب أخرى من هذا القسم.