شاركي في النقاش

سجلي الدخول لإضافة تعليق.

التعليقات

33

  1. @dmoooaa_alooord

    كيف يتم تحويل فلوسك لاني مستعدة اسوقلك انا بجدة وعندي استعداد اوصل لجميع مناظق جدة وخارجها بالشحن وشنو بضاعتك ومستعدة عن طريق النت لاني متفرغة من العمل

  3. @novaa

    صاحبة الموضوع
    طيب حبيباتي مشكورين جدا على التجاوب معي و اتفضلوا التفاصيل

    العمل معي راح يكون بكذا طريقة اختاري الطريقة اللي تريحك و خبريني

    بالنسبة للعمل راح يكون بالنسبة (تقريباً 20% و ممكن ازيد كل ما زاد البيع) ، يعني انا اعطيك نسبة معينه من المبلغ الكلي للبضاعة و انت بعدين براحتك لو حبيتي اضيفي مبلغ زيادة على قيمة البضاعة (يعني تبيعينة بسعر اعلى شوي عن سعري المطلوب)
    و انا معروف اسعاري معقولة و اقل من الأسعار المنتشرة

    بالنسبة للبضاعه و توفرها:
    1- أما انك تاخذي من عندي البضاعة و تدفعي قيمتها مقدم لكامل المبلغ
    2- اما انك تاخذي من عندي البضاعة و تدفعي نصف قيمتها مقدم (بشروط) يعني هذي بعدين ان شاء الله لما اتعامل معك و اشوف امانتك يعني مو من البداية - او يكون عندك عضوية تاجرة موثوقه و صار لك فترة

    بالنسبة للشحن و التوزيع للزباين
    1- يكون عن طريقك انت تشحنين الطلب للزبونه بعد ما يتم استلام المبلغ منها سواء عن طريق التحويل او عن طريق سلم و استلم مع مندوب ثقة من صوبك انت
    2- او انا اشحن للزبونه بعد ما انت تستلمين منها الفلوس و تحولينها لي على حسابي (او عن طريق صرافة لأن راح يكون أرخص) و في هالحالة راح اطلب منك اوراقك الثبوتية مثل هويتك و اسمك لأن السالفة فيها فلوس و ناس ممكن تحملني المسئولية لو لا قدر الله صار شي - و هنا يفضل تجميع كذا طلب مع بعض من الزبونات عشان التحويل يصير مره وحده

    في حال لو اختي طريقة الشحن من عندي للزبونه في هالحالة لازم تخبري الزبونه ان الشحن راح يتم من البحرين و تخبريها بسعر الشحن (بالعادة 50 ريال او اكثر على حسب الطلب - و الشحن بالبريد الممتاز)

    بالنسبة للتسويق لك حرية التصرف بأنك تسوقي عن طريقة النت او عن طريق صاحباتك و اهلك - هذا القرار لك انت

    تقريبا هذي التفاصيل اللي خطرت في بالي الحين

    اللي عندها استفسار تتفضل

    و اللي عجبتها الطريقة و حابة تصير مندوبة تراسلني عالخاص عشان نبدأ مع بعض

    و الله يوفقكم و يكتب لنا الخير جميع ان شاء الله

تابعي تجارب أخرى من هذا القسم.