ملتقى حواء لبناء بيت الأحلام/إكتفى بالردود

كلام زوجك صح 600 مساحة كافية للبناء
وهذا للدور الاول بعدين الادوار الاعلى تكبر شوي

مشكوره حبيبتي ام اوفه ماصدقت احد يعطيني وجه حايسه وانا لحد الحين مااعتمدنا مخطط "الله يعين اللي قاعد يبنون لانه احساس موطبيعي وتخافين تغلطين باختياراتج او يطلع المقاول متساهل بالشروط وانا من هالحين خايفه مايضبط التصميم اللي ببالي وقاعد اعيش نفسي باحلام واخاف اطيح على صخر لان حسب ماسمعت ان تكلفه التشطيبات اكثر من العظم

سلامتك ام اوفه بالنسبه لي الجديد حلوق الابواب محتاسه فيها ابغى ابواب يبين فيها رسمه العروق اقصد جذع الشجر هههههه وصف اهبل عارفه بس دوخت من الابواب مدري ايش اختار ايش نوع الخشب :icon36: عروب تسلمي حبيبتي ياليت تقولولنا نوع خشب كويس للابواب ومنظره شيك

اختي مسك انا سويت مخطط فلتي مره رايق وصراحه محب البيوت الكبيره مره متعبه انصحك سوي فله شيك وتكون ع قد احتياج اسرتك اهتمي بمعيشتك واولادك حاولي متعطي اهتمامك لضيوف لانه بصراحه دحين محد يمر احد غير بالاعياد كمان اديكي نصيحه لا تكتري مداخل الفله مدخلين بس كفايه مدخل يخص اسرتك ومدخل لضيوف ولو تعزلي جناح الضيوف بعيد عن جناح الاسره من غرفه معيشه وصالون وغرفه طعام ومطبخ يكون افضل وفيه خصوصيه لحياتك لمن يجيكي ضيوف ميمرون ع كل البيت يكون جناح خاص لهم بعيد عنك :icon20: ان شاء الله عجبتك افكاري

ماشاء الله عليج اختي ميار المدينه افكارج روووعه انا بعد مثل ماقلتي حابه. ان يكون مدخلين واحد للرجال وواحد للنساء وابي يكون للضيوف جناح بعيد عن باقي البيت ومعزول يعني غرفتين مجلس وتكرمون حمام مع ملحقاته ومطبخ تحضيري صغير شرايج ام اوفه؟وحابه اسالكم ان الارض اللي بنبنى عليها مظاهره يعني مافي خلفها بنيان ولابيوت يعني شرايكم اخلي جهه المطبخ والمخزن وغرفه الغسيل من الجهه الخلفيه داخل البيت يعني بعيدين عن مدخل النساء الرئيسي يكونون اخر البيت من الخلف ومعهم غرفه المعيشه للعائله