بصراحه
مني شايفه محتوى قيم علشان ينفتح موضوع كامل لهالسطر
يعني ما اشوفك قدمتي اسباب وحلول وتكتيكات تساعد الزوجه تسترخي وتتغاضى عن صغائر الامور
اصلا وش مفهومكم للنكد
يعني اذا وحده حامل ومرهقه بشغل البيت والاطفال
وعزايم زوجها غير الواجبات الاجتماعيه وممكن تكون موظفه
وصارت عصبيه وحساسه وش المشكله اذا فهمها زوجها واحتواها
الغريب ان تجي امرأه مثلها وتقول لا تصيرين نكديه والا بيتزوج عليك
والاغرب اني اذا قريت وحده عندها مشاكل مع زوجها القى الردود
معليه تحملي الرجال ماتطولين لسانك عليه . الرجال ماتستفزينه . الرجال ماتتاخرين عليه بالاكل. الرجال ما تناقشينه باهله . الرجال يكرف طول النهار
طيب حتى النساء يبون الي يتحملهم ويطول باله معهم
يعني كنت افضل بدل ماتقولين لا تنكدون على ازواجكم
تقولين ياليت كل زوجه تجلس مع زوجها وتفهمه الضغوطات والمشاكل الي تمر فيها وتطلب منه يطول باله عليها ويتحمل هالفتره وتشرح له عن تأثير الهرمونات بالحمل والولاده وعند استخدام بعض وسائل منع الحمل عالمزاج والسلوك ترا الزوجه انسان من لحم ودم غصب ومهما حاولت تكتم الا ماتجي ايام تحتاج تنفس عن الي داخلها ومرات يكون التنفيس بمواقف تافهه وماتستدعي لكن التراكمات تكبر داخل الشخص وتنتظر اي لحظه تنفجر فيها
مافي زوجه بتنكد لمجرد النكد لكنها مواقف تعبر ان الزوجه متضايقه من تصرفات زوجها او محتاجه لوجوده داخل البيت وهو مهملها
الله يسخر لي واياكم ان شاء الله
نكد الحريم؟؟؟؟؟؟؟
متابعة النقاش، صفحة 2