تعليم الطفل الحمام بالليل ( كم ياخذ وقت ) ؟

بنات

الحين انا بديت اعلم بنتي تترك الحفاظ بالليل .. بس هي شوي الله يهديها جننتني غير عن اختها
اصلا حتى بالنهار توها قريب صارت تعرف تمسك نفسها وتروح قبل ماتبلل نفسها

علمتها الحمام وهي عمرها 3 سنوات ومحاولاتي اللي قبل هالسن كلها فاشله معها .. تعبتني مره

وقلت بالليل باخليه بعد ماتتعلم النهار زين

وصار لي فتره ابي اعلمها الحمام في الليل تعبت منها ..

اصحيها كل ساعتين بس احيانا يغلبني النوم .. وهي اذا سوت شيء تقوم واشطفها واغير لها يعني تحس وتتضايق بس بعد ما تبلل نفسها

وبعض الاحيان ماتقوم اجي القاها مبلله ونايمه

تعبت من غسل الشراشف والبطانيات ... مع اني حاطه تحتها بلاستيك ..

انا باصبر عليها بس الى متى ؟ متى تصير تنتبه ..

ترا صار لي فتره اعلمها ولا مره قامت من النوم لوحدها يعني احباط صراحه

وهي الحين قربت على الاربع سنوات مره احس فشله واحراج .. لان ما اخليها تنام عند اهلي ولا عند عماتها لهذا السبب وهي تزعل انها ماتروح ..

انتظر خبرتكم ..

22 تعليق 124,085 مشاهدة

شاركي في النقاش

سجلي الدخول لإضافة تعليق.

التعليقات

22
  1. اهلين اختي

    المفروض التدريب اسبوعين تعاني وبعدها بإذن الله تتعلم

    قبل النوم بساعتين تكون تعشت وشربت ,, وبعدها خلاص تحاولي ما تشرب شي

    وتدخلينها الحمام قبل النوم ,, وبعد ساعتين تصحيها وتدخلينها الحمام اعزك الله

    وان شاء الله بعدها ترتاحي وهي تنعم بنوم هادي وتنتبه لنفسها
  2. @drob_alaataaa

    وربي كأنك تتكلمين عن ولدي بنفس عمر بنتك يشرب مويه في الليل كثير

    ومن كثر ما يلعب ما يقوم يروح للحمام وإذا قومته يصارخ وبالقوة يروح وبرضه يبول في فراشه

    وربي تعبت من غسل البطاطين والشراشف مدري وش الحل؟؟؟
  3. @hoaaa_92

    حبيبتي هذا تعلميك اعذريني خطا تصحيها كل ساعتين هذا حتى ممكن يكرها بالموضوع زائد انه كل ساعتين ماتلحق المثانة تجمع كمية من البول تستاهل الحمام انا اطفالي ما شاء الله احظرلهم فراش تحتة نايلون ولما يجي واحدهم ينام اقولة ترك مو لابس حفاظ يعني لو بلت على حالك تتبلل ثيابك ويصير منظرك مو حلو واجيه بعد ٣او اربع ساعات اول يوم اوديه الحمام مرة وحدة والفجر مرة انا اسويها مرتين لان اولادي ينامون بكير ساعة سبعة بس لو متاخر مرة وحدة وبفضل الله تعلمو يحصرون واخذ الموضوع للتعويد اسبوع ونص قولي اثنين ببس يتعلمون من اول يومين وبعد ابدأ مرحلة التعويد
  4. @zogh_mhmom

    كأنك تتكلمي عن بنتي هي عمرها ثلاثه ونص نزلت موضوع قبل اسبوع وقالولي لازم ماكثر عليها سؤال واني لازم اوديها الحمام باليل انا ماعندي مشكله مستعده اصحى واوديها بس هي ماترضى وتسوووي مناحه وتصحي ابوها واختها وينقلب الموضوع على راسي تكفين اذا لقيتي حل لاتبخلي علي��
  5. @thkk_hlm

    وش مستعجلين عليه لبسوهم حفاضات وريحوهم وريحوا روسكم والمسأله طبع عندي ولد بسم الله عليه من علمته الحمام وهو خلاص مايلبسها لا بالليل ولا بالنهار واخوه برابع ابتدائي يبلل نفسه بالليل واحيانا بالنهار اذا نام سويت له تحاليل وكل شيئ سليم وفيه بعضهم وصل سادس ابتدائي وهو يبلل وبالاخير ينقطعون من انفسهم يعني المكتوب باين من عنوانه اذا كان طفلك يتبلل بالليل مهما سويتي خلااااص لبسيه البامبرز وريحي راسك يكبر ويتعود

تابعي تجارب أخرى من هذا القسم.