₪ ₪ التجمع الرابع لعسولات الاردن المقبلات على اطفال الانابيب ₪ ₪

أختي ريما تاليا الله يكتب لك الحمل في القريب العاجل يارب والله اجمل شعور في الدنيا وانت حامل
أختي كل العمليات الي اسويها في المرة الاولى في المستشفي 11 الف ولمرة الثانية 10 بدون الادوية
الا في المستشفي الدولي 19الف تقريبا
أختي كاترين لي زميلة طولت ما حملت بعد ولدها الاول وراجعت عند دكتورة قالت عندك الرحم عالي لازم وضعية معينة ( للجماع ) وسوتها وحملت ما شاء الله
يارب في هذى الساعة من الليل يكتب لنا الحمل السليم المعافا يارب

:pinklove:
يا حبيبتي الله يسعدك يا رب
والله كلامك بعتبرو وسام الي
بشكرك كتيييييييييييير وهاد والله من زوقك
انا مقصرة كتير
بس الظروف والله صايرة ما تسمح نهائي
وان شاء الله اقدر فيد باللي اقدر عليه
بالنسبة للمرة اللي تعالجت عندها
اسمها ام لؤي
تعرفت عليها من مس فيفا بعتتني عليها
هي بمدينة تانية قريب من عمان اسمها الزرقا
بس انا ما بعرف شي بالزرقا لدلك عليها
زوجي وقتها حكا مع زوجها واستدل على بيتها
وهي ما شاء الله عنها كتير حبوبة واستقبلتني احسن استقبال ببيتها رغم انو كان يوم الجمعه
بس مشان دورتي
و كانو بدهم يعزمونا على الفطور بس رفضنا مشان ما نزعجهم
و رفضت تاخد اي مبلغ
بس انا اصريت اعطيها على تعبها
وببعتلك رقمها لو بدك على الخاص
ان شاء الله



يا حبيبتي الله يسعدك يا رب
والله صار وجهي هيك بس شفتها :pinklove::pinklove:
شكرا الك كتيييييييييييييييير


حبيبتي لو مو عاملة تنظير رحمي بنصحك تعملي تنظير بدون تردد
وشجعي زوجك على عدم رجوعه للدخان
والله يرزقك بتوام عاجل غير اجل


في منظم للدورة بس لازم باستشارة دكتورة
انا استخدمته مرة بعد عمليتي الرابعه لانو كتير اتلخبطت
اسمه بريجلتيون
بس لازم بناءا على سماكة بطانة الرحم تحددلك اي يوم تبلشي
استخدمتو بتزكر شهرين ورا بعض
وبعدها تركتو واستنيتها تنتظم من حالها
غالبا لو الدكتورة وصفتلك بتوصفلك نوع ما يمنع الحمل


بتجي الدورة بس توقفي المثبتات لاسبوع تقريبا مفروض تكون نازلة


لا ما بتوجع حبيبتي
انا عملتها بتخدير موضعي بتوجع متل وجع دورة لحظة ما تبلش تاخد عينات من الرحم
بعدها ما بتحسي بشي
وطبعا لو تخدير كامل ما بتحسي بشي


يا حبيبتي والله كلام الناس ما بيخلص
بحاولو يحزنوكي على اي شي بحياتك
انا بيحكولي يالله بناتك لازمهم اخ حرام يضلو هيك ههههههههههههههه
اتخيلي اسمع كلامهم
امي بتحكيلي ردي عليهم
بحكيلها والله لو مستفزني كلامهم برد بس للاسف مو مستفزني خخخخخخخخخخخخ


غالبا بالضهر بين الكتفين
انا بنصح زوجك يعملها
كان زوجي يعملها كل 3 اشهر اخر فترة قبل العملية


حبيبتي ازا بين معك النبض انسي النسب
اكبر غلط تعملي تحليل نسب وانتي شايفه على السونار
كان الدكتور بمستشفى فرح
يحكي لو بنفحص النسوان اللي حوامل طبيعي نسب الهرمون عندهم لنتفاجئ بالنتائج لانها غير مطابقة للعلم
لكن ارادة الله بتكمل الحمل
اتوكلي على الله واحسني الظن بالله وان شاء الله ربي بتمم حملك


ليه 38 الف ؟؟؟
العملية 6 الاف و الادوية مو اكتر من 5 الاف
الا ازا قصدك تكلفة المعيشة فهاد بيعتمد على كل شخص والمستوى اللي عاش فيه


سلامتك حبيبتي
بالنسبة للصداع طبيعي
والحرقان اتاكدي مافي التهاب لا سمح الله
ببين معك بعد الدورة لو في رائحة كريهه واستمر الحرقان


كتبت فوق بردي لكاترين عن اللي بعرفها
ولو بدك رقمها ببعتلك ياه خاص
وهي مو مركز
وانما مرة ببيتها بتعالج


حبيبتي خلي ارادتك قوية
سجلي نادي وخدي مدربة خاصة فيكي بكون بالجيم اسمها بيرسونال تريننج اسالي عنها
وسجلي وجبات لو مو قادرة تطبخي لحالك
والزمي نفسك بالجيم و الوجبات وان شاء الله بتقدري تنزلي
خلي عندك ارادة واتزكري انو هدفك ولا شي
غير انو تجيبي بيبي
وانتي عارفة السمنة سبب اساسي بمنع الحمل
والله يرزقك بتوام يا رب
واتزكري انو لو حملتي باذن الله حتزيدي كتير بالحمل
فحضري جسمك من هلا انو تنحفي مشان ما تسمني كتير ان شاء الله


انتي عند مين عملتي العملية حبيبتي
مشان ضيفك للقائمة
وبالنسبة للافرازات ان شاء الله بتكون طبيعية اهم شي تطمني بالسونار على النبض والكيس
والله يطمنا عليكي يا رب

والله يا بنات اليوم قاعدة مع زوجي اطلعت فيه بحكيلوا معقوووول راح ييجي اليوم اللي يروح كل هالهدوء من بيتنا وتتغير حياتنا ,رفع ايديه للسما وحكى ياااااااااااااااااااااااااااااااااااااااااااارب ,, باذن الله راح ييجي هاليوم ,,

ان شاء الله يارب النا والكم يا رحمن يا رحيم

ردينة حبيبتي اللي بقدر احكيلك ياه بوضعك
انو لازم تعملي اشياء معينة
1 : ارقي نفسك رقية قوية
2: التزمي بالبقرة يوميا
3: اعملي تنظير لو الك زمان ما عملتيه او ما عملتيه قبل ولاااااااااااااازم تعملي لا تترددي بهالشي
4: اعملي تمريخ عند وحدة موثوقة مشان لو في هوا بالرحم او وضع الرحم غلط
بس اهم شي ما تاخدي اي اعشاب تضرك
بس انو تعملك كاسات هوا و تمريج بسيط
5: اعملي فحص الكروموسومات لو ما عملتيه لانو لو في شي بالكروموسومات الها معاملة خاصة بتكون بالمختبر
وهي حالات نادرة مشان هيك الاطباء غالبهم ما بيعملو
6 : ازا بعمليتك عند عصمت او عند غيره اخدتي ابر مميعه وكورتيزون فما في داعي تعملي فحص تجلط الدم و الاجسام المضادة
لو ما اخدتيهم اعملي هي الفحوصات
صح بتكلفك بس هي من احد فحوصات تكرر الفشل
7 : بالنسبة للاطباء ارجعي للمركز اللي بترتاح عنده
ومن قبل ما تروحيله
رح احكيلك ياها ما رح يعملك شي جديد
لانو بحالات الفشل مافي غير تنظير و كروموسومات و التجلط
غيرهم مافي اي شي ممكن يزيده
واختلاف البرامج هو فقط مشان التبويض
وانتي ما شاء الله بتقولي انو التبويض عندك منيح
يعني تغير البرنامج ماله اي علاقة بموضوع الفشل
فانتي اختاري دكتور ترتاحيله و تكوني زارعة بنفسك الرضا بالنتيجة وانو هو فقط سبب بعملية اطفال الانابيب
وان شاء الله ربي بيكرمك عنده
واتصدقي اتصدقي يوميااااااااا وادعي لغيرك يومياااااااااا حتا لو وحدة بتكرهيها ادعيلها متل دعائك لنفسك هي من احد اسباب اللي لاحظتها بالنجاح عند كتير بنات
واعملي عمرة قبل ما تعملي العملية
وايقني بداخلك انو هالمرة رح تنجح باذن الله
وان شاء الله ربي ما بضيع تعبك
تقبلي كلامي واي سؤال ما تترددي

يا حبيبتي ان شاء الله ربي بيرزقك قريب بتوام 3 يا رب تصيري تقولي وين الهدوء ببيتي اشتقتلو خخخخخخخخخخ
ومن غير شر ان شاء الله