فضفضه تايم/ أقاربنا وتنكرهم للمعروف ..معدل

صباحكم الله بالخير

بصراحه تو من فتره ليست بالبعيده شفت هالقسم واعجبني عبالي جديد والا اخواتي يقولون ياقدمك ومن هاك الحزة وانا مسنتره بووووه :laughing:

المهم ياطويلات العمر

انا بفضفض لكم ولو اني ماحب هالاسلوب لكن بفضفض وخلاص :laughing:

بنات احنا عايله طيبه وعلى نياتها للاسف

امي وابوي الله يهداهم طيبين مره وهذا اللي ضيعنا وضيعهم الله يسامحهم
مالنا اي تقدير ولا محبه من اي احد وربي ماكذبت
بعد ماكانت عايلتنا بل 20 سنه الكل بالكل كنا اغنياء وكان الكل يحترم اهلي ويقدرهم
وينحسب لنا حساب بقولكم كيف
تعرفون زمان القرى ماعندهم تليفونات واحنا لوحدنا اللي ساكنين بالمدينه
وكان الكل يجي عندنا ويكلممون عيالهم من تليفونا لكن كانوا يستحون ويسددون الفواتير
كان الواحد مايخش بيتنا الا باكله وذبيحته وبعضهم يجيبون لنا ولو مايكلون منها لانهم يقدروننا
وكانوا الحريم يحترمون امي ويعزمونها على كل شئ
واكان ابوي مسلف اعمامي مئات الالف
كان عمي لو اطلب عيونه بيعطينا اياها وامي وابوي ياغافل لكم الله
طيبين مررررررررره
واستمرينا على كذا فتره
وبعدها ابوي خسر تجارته وخسر كل شئ لدرجه بعنا البيت لاجل نسدد وكان هالحكي قبل 20 سنه
وباع الاثاث وسكنا عند ناس اهل خير
وعمي ولا همه شئ دخلنا هناك ونسينا
ابوي صار مطفر وغير هذا صار عصبي ولا يحبنا ولايحب امي وصارت مشاكل بينهم لاجل السكن
كبرنا وابوي مالقى شغل وصار دخلنا يادوب يكفي
ابوي عصبي وصار يضرب باخواني واهتزت شخصياتهم وتوضفوا وكل واحد انشغل بنفسه لان وضايفهم يادوب عيالهم
واحنا البنات درنا واتخرجنا ولا اتوظفنا تزوجت اختي وسكنت القريه ورضيت وزوجها فقير
انا اتزوجت وماتوفقت وربي ماكتب والى الان معلقه من 3 سنوات كله من زوجي وامه حسبي عليهم ولا يستحون ولايقدرون

واخواتي وصلوا ال30 ولا اتزوجوا على ان بنات اعمامي واخوالي اتزوجوا اقل مننا بالعمر

والى الان احنا لوحدنا مقرودين لا يزورنا احد ولا نزور احد
حاولنا نزور لكن وربي وربي ماحد يقدر تخيلوا كم مره نروح لخالاتي وبناتهم ولا يجون لنا زياره ولا يردون علينا زيارتنا
تخيلوا بزواجي ولا جاتني اي هديه من جدتيني و خالاتي وعماتي وبناتهم على ان اي وحده تتزوج من العايله ينهدى عليهم قبلي او بعدي انهدى عليها

وحتى جدتي تجي زياره لجارتنا ولا تجينا ولاتمر علينا
تخيلوا بالعيد هذا ما احد عيدنا الا جدتي وخالتي وجدتي لابوي وكلهم احنا رحنا لهم
والباقين مافكروا
كل عيد نروح لهم وكل عزيمه وهم مايزورونا ولا يجون يعيدون لنا

وقرررت انا واخواتي نقاطع اللي بيجينا هلا به واللي مو جاي مع السلامه

وجدتي زرناها ببيتها ورحنا ولا عزمتنا ولا شئ
وزاروها بنات عمي بعدنا بيوم بس وعزمتهم وصلحت لهم حفله
احنا ماهمنا الاكل لكن نبي التقدير
وحتى ماصاروا يعزمون امي ولايقدرونها
وامي وابوي بس استحوا وزوروهم للاجر من الله
وهم مايقدرونهم ولا يعون لهم شئ
تخيلوا ينخطبون بناتهم وعيالهم ولا يقولون لاهلي شئ ولا يعطونهم خبر وزمان كان الشور شور ابوي

ولا يفكرون يرجعون فلوسه لان ماعندهم وهذا عذرهم

وبعد اكلم اهلي بموضوعي يقولون خليه براحته وهم مايستحون ولا يقدرون
بصراااااااااااااااااااااااااااحه انا بنجن وحبيت افضفض

واتمنى من المشرفات يخلونه كم يوم بس