رحت للزواج وكرهت نفسسسسسسسي

السلام عليكم
اخباركم
مدري من وين ابدا فيه كلام بنفسي ومافي غيركم اشكي له وربي ضاقت الدنيا فيني والله معتبرتكم مثل خواتي ماعندي خوات اشكي لهم ولا عندي صديقات يفهموني
مع اني عارفه ان مشكلتي عويصه ويمكن مالها حل
انا نشات ببيت كله ضرب وتحطيم وتنقيص بالذات اتكلم عن طفولتي يمكن الحين الوضع تغيربس بعد ايش بعد ماتكونت شخصيتي شخصيه وحده مهزوزه ماعندها ثقه بنفسها بارده (خبله بالعاميه)
صرت اكره الجمعات مااعرف اسولف اذا احد سالني عن شي وجهي يقلب احمر مااعرف اتصرف ابد الا تقولي امي سوي وجيبي مااعرف اقدم للضيوف ارتبك اااااااااه وربي اشياء كثيره مقهوره على نفسي فيها وودي اتغيررررر

تدرون قبل يومين كنت بزواج ككرهت نفسي البنات يرقصن ويضحن وياكلن وانا متجمده على الكرسي نفسي يكون عندي ثقه امشي وارقص واضحك مع البنات تخيلوا يابنات متجمده جنب امي ولاتحركت البنات يجون يقطون علي كلام ويضحكون يالعاجوز ليه ماتقومين كنك عاجوز وربي ببكي ليه انا كذا مو مثل البنات

ان مشيت احس الناس كلها تناظر لي ووججهي يحمر وامشي بسرعه ادور الكرسي علشان اجلس

مدري الوم مين الوم نفسي ولاالوم اهلي اللي كانوا يحطموني بشكلي مع اني حلوه بس خشمي كبير ينادوني ام خشم صرت اكره اتكلم مع احد احس اللي يكلمني يطالع بخشمي
حاااااقده على اهلي وامي خصوصا كانت تحطمني بشكل مو طبيعي من كنت صغيره وهي تضرني وربي يابنات جلد بالخيزرانه مو طبيعي تكتف يديني وتضربني ضرب لحد مايحمر جلدي
مره صكت راسي بالجدار لحد مااغمى علي وراحت توديني المستشفى
اخوي الولد المددل عندها كان يغلط وماتلمسه وان تعور راحت تركض تشوف وش فيه وانا تتركني اصيح بالغرفه لحد ماانام من التعب
وربي يابنات هالموضوع مسبب لي ازمه بحياتي والله تعبت من اللي فيني نفسي اتغير انصحوني يابنات تكفون وربي تعبت خلاص افكر بالانتحار احس مالي داعي بهالحياه

50 تعليق 9,791 مشاهدة

شاركي في النقاش

سجلي الدخول لإضافة تعليق.

التعليقات

48
  1. @rond_roro

    الله يفرج همك ويرزقك الزوج الصالح اللي يسعدك وترتاحين من هالعيشه واحتسبي الأجر عند الله على صبرك ..
  2. ياقلبي إنتي الأن إنسانة كبيرة وواعية وهذا الشي مبين من اسلوب كلامك ف ماله داعي تقولين أنتحر ومالي داعي بالحياة
    أولاً أنصحك بالدعاء والإستغفار
    ثانياً إقرأي كتب تتطوير الذات والشخصية
    صدقيني القرأة راح تجعل منك إنسانة قوية ولبقه بالحديث

    إنسي الماضي وإنسي كل شيء سيء بحياتك وإبدأي من جديد
    وأسأل الله العلي العظيم أن يفرج همك ويحقق لكِِ كل ماتتمني


    دعواتك لي بالوظيفة الحكومية :)
  3. @ksh_hzzzn

    صاحبة الموضوع
    الله يحقق اماني كل وحده مرت على موضوعي
    واللي تقولي مراهقه انا مو صغيره عمري 23
  4. @mdyfh_tyran

    ياكرهي للأهل اللي يمجدون الولد لو عيوب الدنيا فيه .. والبنت ماغير يدوسووون عليها ..

    يعني هم يجيبون عيال عشان يعذبونهم .؟ ويضربونهم .؟ استغفر الله وش هالمرض النفسي ..

    مدري ايش اقولك اختي بس الله يفرج همك .. ويرزقك بالزوج الصالح اللي يسعدك
  5. @yaanny_2

    لاتلومين احد
    ابدي من جديد
    ابني ثقتك بنفسك
    صحيح لو احد ساعدك كان بنيتيها اسرع
    لكن كل شي ممكن
    \الانسان بالعلم يستلّح ويفرض نفسة ورأية
    اللي فات خلاص مايرجع
    غيّري صداقاتك غيري نفسك
    راح تتغيرين صدقيني

    المهم لاتستلمين

تابعي تجارب أخرى من هذا القسم.