تعالي اكتبي قصة عشتيها أو سمعتيها من اغرب ما يكون/ تعدى الحد المسموح له من االردود

زوج صديقتي قصه امه حلوه

امه كانت متزوجه واحد تحبه و يحبها و عاشقين بعض

ضلوا سنين و ما خلفوا

و صاروا اهل الزوج يضغطون عليه يطلقها و يتزوج يبغون له خلفه

و مع الضغط و بايام اول الزوج تحت امر اهله

طلقها و زوجوه وحده تانيه

هي راحت عند اهلها و ظلت فتره و بعدين زوجوها لواحد

و بعد فتره حملت و جابت زوج صديقتي و قعدت مع زوجها يجي سنتين

و زوجها الاول ما خلف من زوجته الثانيه اللي عاش معاها كم سنه كمان

و يشاء الله و يتوفى زوج الحرمه ام الولد و ترجع لاهلها ارمله

فقام طليقها الاول و طلق مرته و رجع اتزوجها لانه خلاص عرف انه هو العقيم

وماعاد لاهله حجه عليه

و اخر عهدي فيهم مع بعض حتى صاروا عجايز

و ماعندهم الا ولدها اللي جابته من زوجها الثاني

و اللي رباه زوجها الحالي زي ولده

كمان في قصه عن الضراير على قولتهم

كان فيه بجماعتنا رجال متزوج ثنتين

و يحكون لنا

ان هذا الرجال كان متزوج الاولى و الثانيه لساعها صغيره تلعب مع البزران

و لما يروحون البلاد عاد البدو يعرفون ايش اقصد

كانوا يشوفون البزران يلعبون و منهم ذي البنت

و كان الرجال مستلطفها مره و يقول لزوجته يا زين هذي البنيه

و بعد كم سنه كبرت البنت و ابوها غطاها

و شاء الله انه يتزوجها هذا الرجال و يحطها على زوجته ثانيه

و خلفوا صبيان و بنات و البنيه هذي الان حرمه كبيره و زوجهم اتوفى الله يرحمه

أنا أذكر يوم كنت صغيره كانت جدتي الله يرحمها ويغفر لها كانت عميا
وأنا كنت صغيره أحب أضحك عليها(الله يعفو عني)


جيت مرره بالليل قلت لها شوفي ضرسي يوجعني ووورم خدي من الألم خخخخخخ
وتلمس خدي وأنا أنفخه خخخخخ
مسكينه صدقتني وصارت تدلعني هاك اليوم


يوم قمت الصبح لقيت خدي واااارم ورم عجيب
وماكان يوجعني ضرسي ولا شي


استغربت وأهلي استغربوا وغبت عن المدرسه هاك اليوم
ورحت قلت لجدتي شوفي خدي مدي ليه وارم
قالت أمس شايفته قلتي ضرسك
قلت لها لا أمس أكذب عليك واليوم صار صدق
ماصدقتني كانت واثقه فيني ما أكذب عليها خخخخخ




الله المستعان
الدنيا دارت توفت جدتي وأنا كبرت وتزوجت والحين أقول السالفه لعيالي

وخواتي الى الان مانسوها هههههه
الله يعفو عنا أجمعين

بصراحه ماتوقعت اني بالقى قصص وتفاعل بالموضوع
انا بقول قصه تخصنا مو غريبه بس شوفوا كيف الدنيا دواره

بعد ماتوفى ابوي الله يرحمه عمي كان الوكيل وبعد معاناه 20 سنه اخذنا الورث لكن انظلمنا فيه وجدتي كانت واقفه بصف عمي
المهم عمي توفى وزوجته مستوليه على كل املاكه بحياته وجدتي مو قادره تطول قرش منهم

سبحان الله يمهل ولايهمل والله يورينا العجب العجاب بكل من ظلمنا وكاد فينا

قصص غريبه عجيبه
بالنسبه للحمل سنوآت طويله هذي حقيقيه
جدتي الله يرحمهآ كآنت حآمل بعمي 4 سنوآت
حتى آبحثوآ عنهآ في الشرع وتلآقو إن العلمآء حكوآ عنهآ وخصوصآ في الموآريث