~ إتقني إتيكيت الزياره حتى ما تضايقني ولا تتضايقين ~

اي والله صادقه روعه موضوعك

اكره اللي تتزعم العزيمه من وراك

اكون متفقه انهم يجون بعد العشاء عشان اخذ راحتي

و تجيك وحده من وراك تتزعم و تسوي اتصالاتها و تقنعهم يجون بعد المغرب

عشان يكون في وقت اكبر واوسع للهروج و الوناسه

و ما تدرين الا وهي طابه عليك و تقول لك جايين ورايا اقنعتهم نلتم بعد المغرب احسن

بكل وساعه وجه ودك تفرشينها

او تخلي عيالها يحوسون و تقولك خليه ما صدقت ياكل انا بنظف مكانه اذا خلص

و بس يخلص ولدها وانا مراقبه الوضع بشوف ايش تسوي

تقوم تغير مكانها و لا كنها سوت شي

و اذا كلمتها تقولك انتي مكنسه مكنسه ليش مريحه الشغاله خليها تجي تكنس

او ولدها يستفرغ تقوم تسوي نفسها تخاصم ولدها ليش ليش تسوي كذا

و تجلس تمط الوقت يعنني انظف له واغسل و اعاتب و انا اجلس اغسل استفراغ ولدها

و هي ولا هنا ولما اخلص تنظيف تسوي نفسها خلصت معاتبه لولدها و

اذا جات خارجه قالت

اسفين وسخنا مجلسكم

او تكوني مسويه حلا وعشاء وحاطه بحسابك شي للضيوف وشي لاهل البيت

و تجيك حطي لزوجي حطي لعيالي حطيلي اتقهوى عليه او اطقطق

وهي ما تخرج من عندك الا قبل الفجر

او تسوي نفسها جايتك بهديه و ما تخرج الا و ولدها و لا بنتها ماخذ لعبه من عندك سعرها

دبل سعر الهديه اللي جايبتها عشان المحروس تعلق فيها و تقولك ارجعها ارجعها

و لا عاد تشوفينها

او تجيك و بس تتنرفز من كلمه ما عجبتها قامت تدقدق على زوجها تعال رجعني

و اذا ماقدر تقولك وصليني بالسواق واذا رفضتي بس كياد فيها عشان انتي مو على مزاجها

يبدا اسلوب الدق من تحت لتحت و ما فيكم خير لو انا احتجتوني كان ماقصرت وكله خراط

اول وحده تتهرب منك وقت الحاجه

هذا غير البيت يصير ملعب لعيالهم ولا وحده كل ماجات عند الحريم تجر معاها ولدها ابو ١٥ سنه

جالس مع الحريم يتهرج بحجه محارم طيب بنقول هرج حريم الولد يقط معانا ؟

و لا ما يحلا لهم المزح الا اما بالحش او التطنز

واذا شافوا وحده لاول مره يتهاضمون و يدعون خفة الدم و كل ابو ام الفضايح يقولونها

بحجه نمزح و تذكرين لما صار كذا وتذكرين لما تضاربتم و تذكرين لما زوجك سوا

و تقلب جلسه ذكريات سخيفه

غير بس يلهفون

تحطين صحن بتجيبين الثاني لسى ما قلتي تفضلوا قد قلطوا على الاول

تكونين حاطه في حسابك عزومه خفايف تلاقينهم جالسين وجالسين وجالسين

ينتظرون عشاء طبعا مو جايين من المغرب مداهم يجوعون اذا صارت ثنتين

ولو رحتي لهم يشاورونك تبغين عشاء ؟

ولا يقولون لك العشاء قطه

ههههههههههههههههههههههه
موقف جارتك يامنجو يقهر ويضحك

5- عند إستخدامك لدورة المياه أعزكم الله سواء أنتي أو أطفالك إحررررصي
ما تطلعين منها إلا وهي نظيفه مثل ما دخلتيها وإحرصي على وجودك مع أطفالك
داخل الحمام وإحرررصي إذا بتغيرين الحفاظ لأطفالك تطلبين كيسه وتحطي الحفاظ فيها وتسألين المضيفه عن المكان المخصص للنفايات ولا تتركينها بالحمام لإنه هالحركه تعتبر
قلة ذووووق وتضايق المضيفه ....



الأ هالنقطه والله اني اعاني منها كل ما سارت مناسبه