مزنوقه بالحيل نفس الموضوع يتكرر ياليت تجاوبوني

up

مشكوره حبيبتي ياتوني
وأنتي كمان يادمعة سفر
وعلى فكره لقبك هذا محزني بالحيل ياختي تفائلي بالله

مرحبا أختي باحاول اختصر
بعد الدخول على موقع التعليم العالي و يعطوك الضمان البنكي تاخذي الضمان
تقدمينه لأحد الجامعات المعترف بها عند التعليم العالي وهي ترسلك القبول
وتقدمي القبول لتعليم العالي و يعطوك ورقة الموافقة
وبعدها تحجزي موعد عند السفارة و هذا بالذات شغلتهم شغله
لما تروحي السفارة تقدمي أوراقك كاملة و رقة الضمان البنكي و قبول الجامعة و الورقة اللي من التعليم اللي هي اعتقد تصريح الموافقة باكمال الإجراءات وطبعا باقي الأوراق
يسولك القابلة انت و المرافق
بعدها يعطوك موعد للرد من اسبوع إلى ثلاث أسابيع عشان الفيزا وبيكون الرد عن طريق الهاتف بالنسبة لي ردوا علينا بعد شهرين وعطونا الفيزا
بعده ترسلي الجوازات للسفارة عشان يختمونها و يحطوا الفيزا
بعدها تاخذي أوراقك كلللللللها و شهداتك وتروحي للتعليم العالي و يشوفون الأوراق و الشهدات و كل شي و على أساسها بوافقوا انك تروحي و لا لا واذا كان عندك واسطة قوية فيكون أحسن
اذا وافقوا بيعطوك التذاكر من مكتب الطيار عندهم
وتجهزي نفسك للسفر أول ما تصلي واشنطن تروحي للملحقية هناك بيسكنوكم في فندق قريب و من بكرة يكملوا معاكم الإجراءات و يفتحولك حساب و يعطوك أو ل راتب و بعدها تروحي للولاية اللي انت مسجلة في جامعتها
و زي ما قالولك الأخوات في مكاتب تسوي كل شي بس بفلوس
بالنسبة للرواتب يصرفوا حق المرافق راتب في حدود 800 دولار والدارس 1200 و يمكن يرفعون الراتب اذا المرافق بيدرس
بالنسبة للسكن ممكن بعض الجامعات تدلك وين أماكن السكن و ممكن تسكنوا في فندق قريب من الجامعة وبعدين تدوري على سكن
نصيحتي لك لا تروحي الا وأنت ما خذه فكرة شاملة عن الجامعة و المدينة اللي بتروحي لها و أماكن السكن و اذا الجامعة تقدر توفر سكن غير سكن الطلاب فيه بيوت منفصلة خلي واحد شاطر بالانترنت و الانجلش يطلعلك المعلومات كلها
بالنسبة لي زوجي دخل على المدينة اللي بنروح لها وشاف السكن و الفنادق و أسعارهم و الجامعة اللي عندهم فيه سكن منفصل للعائلات وكل واحد واختياره
أسفة على الإطالة وأرجو إني افدتك