تعالي اكتبي قصة عشتيها أو سمعتيها من اغرب ما يكون/ تعدى الحد المسموح له من االردود
متابعة النقاش، صفحة 98
شاركي في النقاش
سجلي الدخول لإضافة تعليق.
التعليقات
2,295- لا اله الا الله محمدا رسول الله
- لا اله الا الله محمدا رسول الله
- قصص مرة تحزن
- قصص عجيبه سبحان الله
- موضوع رائع للفضفضة ... على الأقل احد يقدم فيه دعوة صادقة من القلب
انا ماقريت كل القصص ... بس ان شاء الله راح اقرأها
وحبيت اشارك معكم بقصة هي بنظري اغرب قصة في حياتي
واتمنى مااحد يقعد يتفلسف ويفتكر انها كذبة لأن مافي شي مستحيل على رب العالمين
وانا سبق وكتبتها في منتدى آخر للتذكير والعظة
القصة: اني بعد ماتخرجت من الجامعة فكرت اني لازم اخذ دورة في الأنجليزي
خاصة وان عندي شغالة كنت احط عندها عيالي طبعا انا زوجي كل مرة يجيب وحدة بس مجرد ماتقول بسافر
يسفرها حتى لوماكملت المدة.. وهدفه اني لازم اكمل دراستي
وبعد التخرج كنت ناوية تكون هذي اخر وحدة اجيبها وعشان باقي لها سنة قلت استغل وجوده واخذ الدورة
المهم ذخلت الدورة واتحمست جدا للدراسة
وكان مدتها ساعة ونص فقط والمركز قريب من بيتي جدا
اسبوع واحد درسته وكان عندنا اختبار فالمدرسة كانت تقول تبغونه الحين ولا بعد اجازة الحج
انا وحدة اصرينا ان يكون قبل الحج وحددناه اليوم الثاني يكون الإختبار
انا زوجي وداني ورجع البيت ودخل اكرمكم الله دورة مياه الرجال
وطلع ونسي يقفل باب الحمام
وجاء ياخذني .. اول مافتحنا الباب والشغالة عند الباب جاية جري وهي تصيح وتقول مااما بسرعة مستشفى
وكانت شايلة ولدي الي جبته بعد ثلاث بنات ولافته بمنشفه
وتأشر على الحمام وعرفت منها انه بنتي الي اكبر منه بسنتين وهو كان عمره سنه ونص
كبت عليه موية نار ....
انا خلاص حسيت عقلي بيطير مني وعلى طول وديناه مستشفى الأطفال وكان زوجي يهدي فيني طول الطريق
والولد كان ساكت مايبكي بس يطالع كأن مافيه شي
ووصلنا بس كانوا مهملين وقامت الممرضة تدهن كريم وقالت خلاص
احنا اصلا خلاص مافي وقت نقعد نتهاوش معاهم
على طول وديناه العسكري وكان شوي بعيد عنا
وماقصروا اتلموا كلهم عليه وسريع سريع جهزوه للتنويم قالوا لازم يبلغوا الشرطة بس رفضنا
واحنا عارفين السبب
المهم قال الدكتور اقل شي شهرين بالمستشفى
لأن حروقه من الدرجة الثالثة يعني خلاص انعدم الإحساس في الجزء المحروق
انا وكلت امري لله واحتسبت الأجر في هذي المصيبة
والله يااخواتي صار قلبي بعدها بارد وكأن الأمر طبيعي
زوجي اول ماعرف ان ضروري عمليات التجميل صار يبكي ويقول انا السبب
وكنت اصبر فيه .. كنت اشوفهم وامسك معهم واغير معهم والصياح يقطع قلبي
لغاية ماسوا الترقيع لكل الجزء المحروق اربع عمليا ت في شهرين
ووماكنت ابغى زوجي يشوف جسمه لنه راح يتأثر اكثر
زوجي اول ماجايتبرع بالدم طلع معاه الظغط فاظطرينا ندور متبرعين
لنه كان يحتاج دم كثير..المهم دخل علينا زوجي يوم وهم قاعدين يغيرونه مومتخيل المنظر
وصاح ولدي ايش فيه... هديته شوي وشرحت له الي كان يقوله لي الدكتور بالتفصيل
طبعا اذنه راحت وجزء من راسه رقبته بالكامل صدره ظهره وسبحان الي كاتب له العيشة
تخيلوا ان الحرق وصل لغاية حد الحفاظة .. والحمد لله وجهه ماجاه شي ولاذكره
سبحانه ارحم بعباده
المهم في خلال لشهرين كانوا الممرضات يقولون غريبة انت ليش ماتبكين
وانا نفسي ماكنت عارفة ليش بس زوجي الي دموعه على خده لأنه يحس ان هو سبب الإهمال
الدكتور كان مستغرب مني ويقول الله يصبرك اختي وكان يجي في نفسي واقول الحين يقول هذي ماعنده احساااس بولدها مقارنة مع الحريم الي منومين مع عيالهم وحروقهم ماتعتبر شي قدام حرق ولدي
والله ان وحدة كانت بس تصيح وكل شوي تجيني تعالي تعالي شوفي شوفي
كنت احاول اضحك مع ولدي والعبه واسليه ومااحسسه بشي
وقالي الدكتور ان تصرفي كذا ساعدهم ان جسمه يتعافى بسرعة وشجعني اكمل
والحمد لله طلعنا مع ان العمليات التجميليه لازالت مستمرة
الخلاصة يااخواتي : انه بعد ماطلعنا اناكنت استخدم حبوب منع الحمل لأن عندي بنت بعده صغيرة وماودي احمل
لكن قدرة الله فوق كل شي
حلمت يوم اني انادي على ولد من بين عيالي بإسمة
وان هو ولدي بس ماشفت وجهه
وكان باقي على موعد دورتي اسبوع
وسبحان الله صادف انها ماجت وحللت وطلعت حامل
وجاني احساس انه ولد وفعلا بعد اربع شهور قالولي ولد
وقلت خلاص هذا هوو ريان الي ناديته بالمنام
يابنات حسيت لحظتها بلذة الصبر واجره وان رب العباد مايخذل عباده
مع اني ماقلت غير اللهم ااجرني في مصيبتي واخلف لي خيرا منها
انا كتبت بس عشان ابين لكم كيف هي نتيجة الصبر على المصيبة
والا ماكنت ابغى اكتب واوجع قلبي وادعوا لولدي ان ربي يشفيه ممااصابه
ولا يرينا ويريكم اي مكروه... ويحفظ عيالنا وعيال المسلمين يارب
الشغالة ماتحملت الوضع وسفرتها صارت تقول انا مجنون .. مسكينة انصدمت
اللهم منك الصبر
مواضيع مشابهة
تابعي تجارب أخرى من هذا القسم.