ياقلبي قلب البنت عموما>>>>معدل

لا ان شاء الله هههههههههههههههههههههههه انا كثير متفائلة
ربي يسخر لك زوجك ويهدية



هذي المشكلة بعض البنات من كثر ماتعاني عند الاهل تقبل بأي شخص حتى لو ماكان مناسب وكأنك تعالجي الغلط بغلط اكبر الله يسخر لك

مافي الا احنا ياسعوديات كل شي موقف للزواج

نبي نسافر لاتزوجتي نبي نزور صديقات لاتزوجتي كل شي صار

موقف للزواج الله يعين ويرزقنا من واسع ابوابه........

حياتي الله يسعدك ويرزقك باللي تتمنين

هونيها وتهوون

يمكن تاخير الزواج خير لك

وترا لساتك بنوته والحياه قدامك

انا تزوجت ايام الثنوي وصديقاتي اغلبهم هالسنه تزوجو بعد ماكملنا الجامعه

حسيت انهم عاشو حياتهم قبل الزواج

انا الوحيده اللي تزوجت بدري احس اني ماعشت حياتي

عموما الله يكتب لك اللي فيه الخير يارب

ياحياتي انا ماتزوجت الا وعمري قريب 30 ما صار شي والله اني ندمت على الايام الي صحت فيها وتمنيت الزواج واستعجلته فيه الزين وفيه الشين والشين اكثر
وانتي ماسويتي شي عشان ماتزوجتي لالحين سوى ان ربك يحبك مبعد عنك النصيب الشين واذا جات قسمتك ونصيبك بتتذكرين كلامي
طنشي هموم البيت والاخوان كنت زيك محبوسة لا اسواق ولا طلعات وكرف بالبيت واستغلالية لمن توظفت حتى سبت الوظيفة
لاكن كنت اسوي جوي استمتع بكل لحظة فرح وعافية تمر علي
العبي واضحكي واستانسي م خواتك مارسي هواياتك سوي رياضة سويلك جدول اهتمامات بنفسك والبيت وجدول لا تسمينه جدول كرف وتنظيف سميه جدول بر الوالدين والطاعة
محد اكتئب زيي لمن كنت عزابية لدرجة ماانام الا بدواء
لاكن لمن نظرت لنفسي لمتى الهبل اللي عايشة فيه والله عطاني عقل ليه الحزن وانا عندي ام واب واخوة وبيت وناكل ونشرب وبصحة وعافية ليش؟
وبعدها الله ارضاني بالعيشة اللي انا فيها مع الالحاح بالدعاء اخر الليل ان الله يرزقني بالزوج الصالح التقي اللي يخاف الله فيني واستغفرت حتى اني استغفر لا اراديا وانا نايمة وانا ماشية واعتمرت ودعيت من قلب وفعلاً الله حقق مطلبي بالزواج بعد 6شهور من رجوعي لله ولجوئي له .
طولت هرج بس ايش اسوي شويه من اللي في القلب عسى الله يرزقك وتتزوجين عاجلاً غير آجل.